صحيت الصبح على صوت رصاص مجنون

بره الشوارع ينضرب على الناس من كل لون

قلت فى نفسى من تانى رجعوا ولاد صهيون

يا هل ترى مين فينا اليوم شهيد ومين فينا اليوم مسجون

طليت من الشباك اطمن على الاخوان

لقيتهم بيكبروا الله اكبر على الانتصار المبين

كبرت وقلت الله اكبر حررنا الاقصى وجنين

حدقت فى الوجوه ملقيت حد بينا غريب

امال الرصاص الى اضرب كان على مين

قالوا على الخونه والماجورين

قلت من زمان بنحارب محد رفع سلاحه وضرب

على اخوه وقال ده من الخاينين

كنا على ضرب الشهاده سوا ماشيين

منملك سلطه ولا مال حتى الرجلين حافيين

ندور عليك يا فجر الحريه ولو فى الصين

الكتف فى الكتف والقلب عالقلب وعلى العدو متعاونين

افديه بروحى واشيله فى نن العين

ايه الى حصل وعلى فين رايحين

قفلت الشباك ورجعت سريرى حزين

تحت الغطا نزلت وقفلت العنين

ارجع لحلم بحلمه بقالى سنين

حلم الحريه والسلام ....

ومن الخوف متخلصين

يا عينى عليك يا شعب

والله يرحمك يا فلسطين