العربيات الاوتوماتيك بيبقي في جزء من الريادياتير مخصص لتبريد زيت الفتيس
عرض للطباعة
احنا بننصحة بس هوة عاوز يجيب رداتير جديد بصراحة دماغك ناشفة يا استاذ علي وهتجيب رداتير علي الفاضي انا مستحرم بس المبلغ انتة بتتكلم في 3الاف جنية ونص مش 300جنية وانا شايف من كلامك ان الموضوع بسيط عموما دي حرية شخصية
انا عارف ان الموضوع مش بسيط
لكن انا مبفهمش ف العربيات اوي
فلما تحصل عندي مشكله بروح اغيرها باي تمن ومن اضمن الاماكن
لكن في واحد بيبص ع العربيه يلاقي الحراره تمام والردايتر نقص شويه يروح يزودو ويمشي بالعربيه عادي ولما يحصلها حاجه بيروخ يصلحها ويكمل عادي
انا مبحبش افتح كبوت العربيه
بحب العربيه تكون متقفله ومتظبطه مفيهاش اي مشكله ربنا مايجيب مشاكل
بس لحد دلوقتي برضو مش عارف اعمل ايه
الرديتر مبينقطش والتكييف تمام والعربيه ماشيه زي الفل
بس بتاع الرديتر بيقول فيه خرم عايز يتلحم والتوكيل بيقول لازم تغير الرديتر
عارفين مشكله مصر ايه
ان بتاع الرديتر او اي حاجه مينفعش تدخل عندو تستشيرو وتمشي ... ازاي ... لازم يطلعلك عيب
اقسم بالله العظيم العربيه طلعتها من التوكيل وبعدها بشهر رحت انا وواحد صاحبي عشان يودي العربيه بتاعتو عند بتاع شكمانات
هوا بعربيتو وانا بعربيتي ماشيين ورا بعض ولما وصلنا لبتاع الشكمانات هوا دخل عربيتو عشان يصلحها وانا مستنيه بره الورشه لقيت الراجل بتاع الورشه جاي وقالي لو سمحت دوس بنزين كدا رحت دوست بنزين
قالي الشكمان فيه حاجه هكشفلك عليه صاحبي قالو اكشف
انا واقف مبلم
العربيه لسه طالعه من المعرض لسه مشتريها مكملتش شهر
لقيتو نزل نحت العربيه و 5 دقايق وطلع بيقولي ياباشا الشكمان مخروم وباين من صوتو عالي سنه
ومفيس سست لقواعد الماتور عشان المطبار وفيه شويه صواميل عايز يتشد عليهم
سبحان الله كل دا فيها وانا مش حاسس
المصيبه ان لو العربيه مفيهاش عيب هوا لازم يقولك على عيب عشان يستفيد منك باي حاجه
مش عارف ليه كدا
والله حراااااااااااااااام
وممكن يبوظلك العربيه من اللعب فيها
هوا مهموش
اهم حاجه عندو ياخد فلوس
لكن مهموش العربيه جديده مهموش ان صاحب العربيه دافع 130 الف على العربيه
مهموش ان صاحب العربيه عندو عيال عايز ياكلهم ويشربهم
مهموش صاحب العربيه يمكن جايب العربيه اقساط
اهم حاجه ياخد فلوس
انا قربت اروح لاي ورشه اديلو فلوس اقولو قولي ان العربيه مفيهاش حاجه
يارب تكونو فهمتو وجهه نظري وحسيتو باللي حاسس بيه
سيدي الفاضل نصيحه لوجه الله ممكن يكون فعلان كان عندك خرم بسيط جدااا ومع البروده والسخونه الخرم بطل يجيب ميه ولو كان في خرم من ضغط دوره التبريد كنت هتلاقي الميه بتنقص بستمرار انا حصلت معاي في البومه
خرم بسيط مع ضغط الماتور الميه كانت بتنقص جامد جداااا فلو حضرتك بتقول شهرين ومافيش تنقيط يبقا بلاش تجي جنب العربيه لان لاقدر الله ممكن الردارتير اللي هتركبه ممكن برده كاوتشه تركب مش مظبوطه والميه تنقص وتقول يارتني فبلاش تدخل نفسك بمتاهه
انت تريح نفسك و تعمل كبس دورة تبريد
يعني ايه ؟
يعني منفاخ صغير بيركب مكان خرطوم الفايص و بينفخ جامد جدا بيخلي الضغط داخل دورة التبريد ضعف اقصي ضغط في اقصي ظروف التشغيل و بالتالي بيبان مكان التسريب فورا و العربية مطفية
مين بيعمله ؟
معرفشي حد غير ورشة المتخصصون
ده أفضل حل ولو حتى بان غلخرم الوحيد ده...
عربيتك جديدة ياغالي والرديتر يتلحم لان حالته كويسه جدا...
يا غالي انت بتقول هو التوكيل ممكن يركبه غلط...
ايوه...
عارف ليه؟؟
عشان احنا فمصر!!
ده ممكن يركبو وينسى افيز وهوب ولا كأننا عملنا حاجة...
ممكن يركبه ومياخدش الهوا من دورة التبريد والعربية تسخن عادي جدا...
وياسلام لو ركبه صح ونسيو فيشه المروحه!!
الحاجات دي بتحصل فأي مكان.. توكيل ورشه... الخ
اللي شغال في التوكيل وبره التوكيل هو هواه اسطى بلية اللي من يومين كان صبي...
طيب...
في مثل بيقول..
Never touch a working machine...
متلمسش حاجه شغاله ابدا..
بالذات لما تبقى التكلفة عاليه والشغل كتير...
ياغالي انت بتقول مبتحبش تفتح الكبوت...
انا بقولك ان ده الغلط اللي لازم يتغير...
مض معنى ان العربية جديدة يبقى خلاص مش هيحصلها حاجة...
اي ع
Sent from my SE Arc S using Forum Runner
اي عربيه بتحتاج رعاية اوليه وتشييك بالذات عالسوائل...
أتمنى من ربنا انه يوفك للاصلح وممكن حضرتك تستخير...
تحياتي
Sent from my SE Arc S using Forum Runner