ربنا يهديهم
رقم العضوية : 119
تاريخ التسجيل : 23Apr2007
المشاركات : 2,376
النوع : ذكر
الاقامة : Giza
السيارة: non
السيارة[2]: Accent
دراجة بخارية: NON
الحالة :
كنت في مشوار مع العيله و راكبين معايا
ودخلت شارع جانبي و ماشي براحه اوي و هبدء ادور علي راكنه
و عملت انتظار العربيه علشان اللي ورايا ياخد باله اني هركن
لقيت عربيه ورايا ولازق في العربيه من ورا و كل ما امشي حته صغيره و احاول اركن و احضن يروح لازق
اقول خلاص فيه راكنه تانيه قدام...و ده برضوا مصمم يلزق
ذهقت و رحت مطلع ايدي من الشباك و بشاورلوا اني هركن
وانه يرجع ورا شويه علشان الركنه بالعرض
وهو مش بيرجع برضوا و شواورتله تاني و انا بقي متنرفز من الغباء بتاعه
يروح راجع كام سانتمتر و برضوا مش عارف اركن و طبعا جبت جاز من التخلف و عمال اشاورله جامد بنرفزه و هو شايف بس ايدي وانا بشاورله علي المكان
المهم ركنت و لقيته راح واقف ورايا و يبصلي و يقولي مالك في ايه بنرفزه
قولتله مالك انت...مش عارف اركن و عاملك انتظار و انت لازق و مش عارف اركن
راح قايلي كلمه مش عايزه اقولها رحت رادد و اتنرفزت و يقلي بدل ما انزل اضربك ياض...
طبعا اتنرفزت عليه و كنت حطط سماعه الموبيل و رحت شايلها و ناوي انزل و ادب فيه بشومه معايا في العربيه
راح عامل عبيط و انا عمال ازعق و راح ماشي
والواد شكله مش صغير يعني في حدود 30 سنه و شكله مش واحد معفن و الكلمه اللي قالها كلمه بتاع عيال في حضانه
ايه لازمه القذاره و قله الادب و شايفني معايا اهلي و ناس كبيره و يقولي انزل اضربك و يشتم!!!!
وفي الاخر لما لقاني رديت عليه و شتمته و هنزل ادب فيه راح جاب ورا و مشي علي طول
مادام انت عيل سيس مالكش لازمه بتكلم علي الفاضي ليه و تحرق دمي!!!!!!
الواحد بقي يشوف مهازل في الشارع و تخلف مالوش حدود
وبروح بتنا متعفرت و قرفان
اخرتها ايه القرف ده...و ده واحد عادي مش سواق ميكروباص ولا تكتك
خلوها تصـــــــــــــدي و موديلها يعـــــــــــــــدي
رقم العضوية : 136076
تاريخ التسجيل : 07Mar2013
المشاركات : 49
النوع : ذكر
الاقامة : cairo
السيارة: nothing
السيارة[2]: nothing
الحالة :
ربنا يهديهم
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
. ههههه
فكرتني يا عمر يا خويا بموقف رفع عندي السكر لغايت ٤٠٠
كنت في السوق مع اسرتي وفين وفين لمن لقيت ركنة في روكسي ومدي الانتظر ومحضن والشارع واسع ويادوبك جي ارجع بظهري لقيت عربية ورايا بتزمر هههههه اتاري واد دخل ببوز عربيتو وبيقلي انا الي جيت الاول. المهم فقع مرارتي. يومها بس بيني وبينك لميت نفسي وسكيت علشان مابهدلش نفسي ومعايا المدام والاولاد وامي ... بس كان شكلي وحش قوي بالذات قدام عيالي ان واد زي ده بيبلطج بالشكل وكان العملية عافية
@@@@@@@
بس قول كل ده مش مشكلة
المشكلة لمن تقعد تركن وتحضن من هنا ومن هنا وبعد ماتركن خالص وتبطل العربية وتنزل. تلاقي صاحب المحل الي انتا راكن قداموا طالعلك بكل بروود ويقولك بعد ئنك متركنش قدام المحل بتاعي ... اصل في عربية جيه وهننزل بضاعه هههههه طب ما انتا شايفني من الصبح وانا بركن مستني بعد مانزلنا وركنا. وسوجرت العربية وجي تقولي ممنوع
فعلاً بلد العجايب. :)
سقوط سماوات فوق رأس تجار روبابيكيا امين يارب
رقم العضوية : 3595
تاريخ التسجيل : 06Dec2007
المشاركات : 800
النوع : ذكر
الاقامة : cairo
السيارة: chevrolet pick up
السيارة[2]: chevrolet spark 2008
دراجة بخارية: لا
الحالة :
بص الشعب المصرى كلة دلوقتى بقى بيمثل شخصية عبدة موتة
الله يحرقة بجاز السبكى
دة انا كنت فى ممنطقة شعبية وهى دار السلام وما ادراك دار السلام
المهم كنت ماشى لقيت عيال صغيرة سنهم مابين ال7 سنوات وال12 سنة عاملين عصابتين وبيتخانقو مع بعض وكل واحد فيهم ماسكلى عصاية وخارج منها مسامير وال اية كل شلة لما بعضيها وعاوزين يهجمو على التانيين مرة واحدة
وبيخططو بصوت عالى وانا واقف جمبهم .............
انا اسبهليت ....دة العيل فيهم لما يحب يروح الحمام بيخلى امة تقفلو على الباب
بس دة طبعاااااا انعكاس مباشر للى بيشفوة قدامهم كل يوم فى المجتمع
وربنا يسترها على الواحد
قد تعلمت الصمت من الثرثار .والتساهل من المتعصب .واللطف من الغليظ...
والاغرب انني لا اعترف بجميل هؤلاء المعلمين !!
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
كلامك يا عمدة صح المسألة اخلاق فالاول وفالاخر
مش مسألة بلطجة وتصرفك صح لانك معاك ناس
ربنا يهدي الناس ..
رقم العضوية : 119
تاريخ التسجيل : 23Apr2007
المشاركات : 2,376
النوع : ذكر
الاقامة : Giza
السيارة: non
السيارة[2]: Accent
دراجة بخارية: NON
الحالة :
يعني مابقتش فكره بلطجي و صايع و الكلام ده
فالحين بس نقول الحكومه و البلد...واحنا اللي عاملين ده في نفسنا
وديه حاجه مش غريبه تحصل و مش مستغربها اوي قد ما انا قرفت بزياده
ويارس باشا الفكره مش موضوع ان الواحد شكله وحش قدام عيلته قد ببقي مضايق بيني و بين نفسي
انا واحد يعمل عليا بلطجي و يمشي كلامه عليا و هو غلطان و يسبتني ..
انا كتير ببقي هوصل مرحله اقول الموضوع شكله هيتطور و هننزل ندب في بعض..
وما بقتش فارقه اضرب ولا اضرب...قد ما ببقي خايف علي العربيه تتكسر في الخناقه
وروكانا باشا..العيال خلاص مابقتش عيال
ده ممكن عيل لا مؤاخذه في الكلمه يثبتك...لو مش بالطريقه يبقي بالكلام...
وممكن تلاقيهم عيال المفروض ولاد ناس... حاجه استغفر الله من ديه عيال
خلوها تصـــــــــــــدي و موديلها يعـــــــــــــــدي
رقم العضوية : 128488
تاريخ التسجيل : 04Aug2012
المشاركات : 3,988
النوع : ذكر
الاقامة : ★ قسم تويوتا.★
السيارة: ♠ وشيخ الياباني حالياً ♠
السيارة[2]: ♥ عمدة تويوتا ♥ سابقاً
دراجة بخارية: ♥♥♥♥♥♥♥♥ ♡ ☜
الحالة :
واله يا جماعة معاكم حق
بس المشكلة مش في الخناق ولا في التثبيت او البلطجة ولا حتى المشكلة في اني اضربوا او حتى انضرب المشكلة في الاخلاق الي بتنهار يوم بعد يوم وتدفعنا اننا كمان ننهار معاها ... المشكلة في انك ممكن تجي تتخانق بايديك تكتشف التاني معاه مسدس ولا مطوة ويغزك بيها يصفيك أو تيجي بالغلط في الي معاك ... المشكلة يا جماعة اننا في الوقت الراهن مبقناش عايشين في بلد احنا عايشين في زريبة حتى لو كان في الزريبه دي ناس كويسه .... بس شكلنا بقه وحش قوووي قدام العالم والدول العربية لدرجة امبارح شوفت تعليق من واد خليجي على فيديو يوتيوب بلاش اقولوا لان اكيد كلكم شفتم تعليقات العن منها ... بس هقول ايه منظرنا وصورتنا بقت وحشه خالص وسيبك من الصورة لان الي بنشوفوا يومياً بقه العن وأمرررررررررررر . .. وتحياتي
سقوط سماوات فوق رأس تجار روبابيكيا امين يارب
رقم العضوية : 5774
تاريخ التسجيل : 15Feb2008
المشاركات : 968
النوع : ذكر
الاقامة : kafr el sheekh
السيارة: جراند تيريوس
السيارة[2]: نوبيرا
دراجة بخارية: سوزوكى
الحالة :
الانفلات الاخلاقى اللى زاد جدا بعد الثوره بسبب علم الناس ان محدش هايحاسبهم بقت البلطجه سهله وقلت الادب متعه لانها حاجه جديده ومالهاش عقاب
[rmade]http://www6.0zz0.com/2011/01/10/09/232862406.jpg[/rmade]
رقم العضوية : 21375
تاريخ التسجيل : 07Oct2008
المشاركات : 701
النوع : ذكر
الاقامة : القاهرة
السيارة: Logan
السيارة[2]: swift
دراجة بخارية: no
الحالة :
انا برده حاسس انى هابقى بلطجى قريب ... جعلونى مجرما
رقم العضوية : 107820
تاريخ التسجيل : 16Jul2011
المشاركات : 1,679
النوع : ذكر
الاقامة : cairo
السيارة: Fait127
السيارة[2]: Nissan Tiida 2012
دراجة بخارية: no
الحالة :
والله الواحد حزين فعلا , المشكله ان لما نقول رقابه على التلفزيون وعلى الزفت اللى بتعرضه , يطلعوا يقولوا حريه الراى والابداع, انا نفسى اعرف هو فين الابداع فى واحد بلطجيى فى واحد مستحل دم الناس وعرضها وفلوسها , هل هى دى القدوة الحسنه اللى بنعلمها لولدنا , وبعدين نيجى نقول دا جيل بايظ........ما هو دا حصاد اللى احنا زرعناه مش من فراغ.
بدل ما يحطوا ماده فى التعليم اسمها الاخلاق ....بيدوروا على الثقافه الجنسيه فى المدارس ........طيب اربيه الاول وبعد كدا اثقفه .
المشكله مش مشكلة حكومه ولا حزب حاكم ومعارضه .......المشكله الحقيقيه فينا احنا .....ماحنا اللى بنرمى الزباله واحنا اللى بنمشى عكس واحنا اللى بنركن صف عاشر واحنا واحنا......
لازم كل واحد يصلح نفسه وبيته الاول.....حنلاقى المجتمع اتصلح حاله والبلد بقت احسن .
اسف على الاطاله......
الامضاء
مواطن بيحب البلد دى ودمه محروق من اللى شايفه
المفضلات