الموضوع: هى اسعار الكاوتش ال r13 فحدود كام

حمد الله على السلامه
انا كنت لسه مغير كاوتش من اثل من شهر
وكتبت اسعار كذا نوع والمقاسات فى الموضوع ده
http://www.nilemotors.net/Nile/333035-a.html (صحينا من النوم لاقينا كاوتش عربيات الشارع كله مضروبة بالمطواه !!!)

الله يسلم حضرتك استاذى العزيز
انا بصيت بس لقيت المقاس اللى حضرتك اشتريته 185-70-13
انا عندى المقاس r13 175/70 بس قريب منه فكده هيكون فى نفس رنج السعر؟؟

انا سامع كله بيشكر فى البريدجستون اوى والميشلان وماركة arhills (مش عارف اسمها صح ولا لاكده)اللى هى تبع كونتيننتال

مش عارف اجيب ايه

وياترى فى مشكله ان الكاوتش ده يكون جديد والباقى عندى مستعمل بس بحاله كويسه..انا عندى gt redial ..هل فيه مشكله من كده؟؟

والافضل اجيبه ارجعه ورا واجيب اللى ورا قدام عشان يكونوا زى بعض ونفس عمر بعض ولا احطه قدام عادى مع القديم اللى الناحيه التانيه؟؟

وضمان الكاوتش ايه نظامه وانت بتشترى؟؟

أولا : مقاس 175-70-13
تويو يابانى 350 جنيه
بريدجستون تايلندى 325 جنيه
جى تى اندونيسى 295 جنيه

دى الاسعار اللى حضرتك كتبتها ومعلش مكنتش وصلت لصفحة الاسعار دى :)
اسمحلى اولا اشكر حضرتك لتعبك عشان تجيبهالنا وده مش جديد على حضرتك :)
انا بفكر فى ال gt اللى ب 295 دى لانها نفس نوع اللى عندى
بس عايز اعرف هل هى ناشفه كده..اصل اللى عندى ناشفين جدا وده حلو للمسامير اللى ماليه الطرق بس العفشه مش حلوه

انا هشترى فرده واحده فقط بدل اللى اتقطعت وال 3 الباقيين عندى حالتهم كويسه جدا..والحاله دلوقتى زنقه جدا بالنسبالى
عشان كده سألت احطها ورا ولا قدام

ياباشا متقولش كده ... مفيش تعب ولا حاجه ... انا تحت امرك
الراجل اللى بيركب الكاوتش قالى هنفخهولك على 35 لإن الفرده طرية جدا
وفعلا أول ما بدأت اتحرك بيها حسيت بفرق كبير جدا عن الكاوتش القديم اللى كان راكب
الدبدبه والهبد فى المطبات خف جداً جدااااااااااااااااا والصوت هادى على الطريق بالمقارنة بالماكسيس اللى كان راكب
فيه ناس قالوا ان سبب الاحساس بالراحة هو المقاس الأعلى

الغريب انى لاقيت اعضاء بيقولوا نفس كلامك ان الجى تى ناشف ومش حلو .. مش عارف بقى ممكن يكون جودته اتحسنت ولا بيقارنوه بحاجات اعلى منه ولا ايه الحكاية

بس على العموم انا مبسوط جدا منه ومريحنى جدا
والارتفاع ده فرق معايا كتير قوووووووووووى فى المطبات

ايه اخبار الاستبن عندك ؟
يفضل على الاقل تشترى 2 جداد أماميين تحطهم قدام

لو الحالة متسمحش والكاوتش اللى عندك كويس هات فرده وخلاص بس مش عارف بصراحة المفروض فى الحالة ديه تتحط ور ولا قدام

ربنا يخلى حضرتك..حضرتك بجد حد خدوم اوى وانا شخصيا بحب مواضيعك جدا ودى مش مجامله عشان الموضوع ده لا صدقنى بس حضرتك تستاهل الشكر بجد
ال gt محترم اوى معايا وهو صوته على الطريق متوسط بس مش مريح اوى فى العفشه بس ثبات حلو والكاوتش تمشى بيه على اى طريق ويستحمل وتحس دايما انه لسه جديد ومبتتمسحش نقشته

الاستبن عندى ماركة ريديال مكتوبه بالعربه بس ناشف جدا وباين انه قديم وكمان مشكلته انه مقاس اكبر من باقى الكاوتش اللى راكب فأنا حطه ورا بس مزعج اوى فالسواقه وبيرعشلى الدركسيون وفالاول ركبته قدام بدل الفرده اللى اتقطعت بهدلنى ترعيش وعدم ثبات لحد ماجبته ورا

الصراحة الميزانيه عندى متستحملش غير واحد بس حاليا
بس انا بفكر اشترى اتنين فعلا ويكونوا قدام ويتبقى كاوتش نفس المقاس اخليه استبن..بدل الاستبن الكبير ده

ده رائع... انت هتغير الفردة البايظة وشوف اسوأ فرده في الأربعه التانيين وغيرها وحط الاتنين الجداد قدام... كده هيكون باقى 3 فرد... نقي اسوا واقدم واحده فيهم وارفعها استبن وركب الاتنين التانيين ورا.... وكل 5000 او 3 شهور ابقى بدل الشمال باليمين عشان يكون فيه انتظام في التآكل

بخصوص الماركة اللي بتقول عليها اسمها اكيليس...achilis

شكرا دكتور مصطفى للنصيحة
بس سعره كام حاليا بالمقاس بتاعى؟؟