لانسر بوما 2007 1300 مانوال
عايزين نحولها اتوماتيك
فكرنا اننا نبيعها و نجيب اتوماتيك بس حالتها نضيفة و مش هنلاقى زيها
عرض للطباعة
لانسر بوما 2007 1300 مانوال
عايزين نحولها اتوماتيك
فكرنا اننا نبيعها و نجيب اتوماتيك بس حالتها نضيفة و مش هنلاقى زيها
هتغير فتيس بكنترول ب دواسات ب كونسول ب ريادياتير بقاعدة فتيس
احسن حل تبدل حاجتك مع تاجر استيراد و ادفع الفرق
انا برضو بفكر اعمل نفس الحوار
اعتقد ان الموضوع ده مش اى حد يعمله لازم حد محترف او فى التوكيل
جيب نصف امامي كامل اوتوماتيك وانقل الحاجة كوبي بيست.... وبيع اللي هيتفضل عندك
هيموت سحب ال عربية ومتضمنش حالة قطع الغيار اللى هتشتريها استيراد خليك فى عر بيتك أحسن لك
خليك في عربيتك احسنلك متضمنش الي هتشترية يكون عامل ازاي
نصيحه لك خلى العربيه زى ما هيه ولو عاوز اتوماتيك بيع اللى معاك وهتلاقى اكيد عربيه نضيفه فى السوق كتير
افتكر اني قولتلك بلااااااااش
هتكره العربية وتكره نفسك
فعلا السحب هيقل بصورة ملحوظة
والله ياباشا انا نفسى بجد انى اركب اوتوماتيك زى حضرتك بس اللى مخوفنى احول العربية انى اصلا محسوك وعاوز العربية تفضل على حالها مش عاوز العب فيها لو انى نفسى اركب اوتوماتيك بس موقفنى حاجتين العربية عزيزة قوى على قلبى ثانيا فلوسى متجبليش 1600 اوتو وهتوقفنى 1300 اوتو والناس هنا مقلقانى منها دا غير ان كل الناس قالت ان خامات البومة قلت خالص عن الموديلات القديمة وكمان مبيعش عربية 2009 بومة علشان اركب 2013 بومة برضة ياريت الشارك سعرها ينزل شوية ونقسط
وأنا نفسى أركب مانيوال وقرفت من الأوتو يا جماعة حاسس إنى راكب أتارى والله مافيش بعد حلاوة المانيوال
مع احترامى لكلامك يا باشااقتباس:
المشاركة الأصلية كتبت بواسطة mohammedaladel
انا قبل ما اركب اوتوماتيك كنت راكب مانيوال وكنت من غير ما اجرب الاوتوماتيك بقول علية مش ممتع اكيد
بس لما جربت لقيت ان استخالة اركب مانيوال تانى
بس فى نقطة المكن الصغير الاوتوماتيك فية مش ممتع والعربية بتبقى سحبها وحش
بس فى المكن الكبير قمة المتعة بصراحة وبعدين لوعايز تمشى براحتك عادى ولو عايز تقرص بردة على الغيار موجود كل التحكم بضغطة رجليك
وكمان الزحمة والشوارع مش عايزة غير اوتوماتيك
وكمان الاوتوماتيك بقى فية الاستيب ترونيك لو عايز غيرات اكنها مانيوال بالظبط
نصيحة بلاش
اولا عربيتك هيبقى ملعوب فيها
ثانيا متضمنش الشغل و نظافته و النتيجة
ثالثا عربيتك هيقل ثمنها
رابعا برقم الشاسيه بتاع عربيتك هيبان انها فى الاصل مانيوال و بالتالى اللى هيشتريها منك وقت ما تفكر فى البيع هيكتشف ده و هيشك انها عاملة حادث محترم
عربيتى أوتو ستبترنيك على فكرة مش بستعم الستبترونيك دا خالص وملهوش لازمة قوى يعنى :Ka_che1[1]:اقتباس:
المشاركة الأصلية كتبت بواسطة buddha
كدا كدا الفتيس الأوتو بيعمل كيك داون منين ما أحب بدوسة بنزين
مكنوش عملوا الإيزى ترونيك يا باشا خلاص محول العزم دا راحت عليه الفتيسات الدوال لوجيك المانيوال بدبرياج كهرباء هى اللى حلت محل محولات ا لعزوم اللى بتتقل السحب وتضيع العزم وتزود الاستهلاك
يعنى الأوتو تركبه مع عربية مانيوال بدبرياج كهرباء
بالنسبة للمانيوال .... معنى كلام حضرتك إنى مخدوع فيه وان لو جربت المانيوال هعرف إن الأوتو أحسن ؟؟