عايز اشترى شقة فى كومبوند راقى بالتجمع و مش عارف اخد قرار من كترهم ومش عارف اية الشركات الكويسة ياريت لو حد عندة
خبرة و دايس فى التجمع يشورنى واية اخبار مونتن فيو وميفيدا ولو فى غيرهم ياريت تدلونى.
عرض للطباعة
عايز اشترى شقة فى كومبوند راقى بالتجمع و مش عارف اخد قرار من كترهم ومش عارف اية الشركات الكويسة ياريت لو حد عندة
خبرة و دايس فى التجمع يشورنى واية اخبار مونتن فيو وميفيدا ولو فى غيرهم ياريت تدلونى.
ايه رأيك في الرحاب؟؟
متابع معك و اريد مثلك
و لكن الرحاب عاليه اوى المتر عدى 5500 و لو عاوز تستلم الدفع كاش
انا عاوز حاجه يكون استلامها قريب و على اقساط
متابع باهتمام
انت بتقول عايز كمباوند راقي.... راقي صح؟؟؟ و بتقول الرحاب ٥٥٠٠، برده ال كمباوند الراقي استلام قريب مش حايقل عن ٥٠٠٠ بأي حال من الأحوال و الاستلام مش اقل من سنتين و كمان حتتعب عقبال ما تحقق المعادلة الصعبة ده.
الرحاب ٥٥٠٠ ده كاش من الملاك او ممكن توصل مع مالك انك تقسطله علي سنة. لكن من الجهاز ما فيش كاش... تقسيط علي اربع سنين علي الأقل و مش حاقولك بكام حفاظاً علي الصحة العامة..
خلي بالك انك بتقول راقي.... راقي ده انا مش عارف معناها... انا اللي اعرفه ان حضرتك تبقي محدد ميزانية وعلي أساسها نتحدث.
تحياتي
لا و الله انا لقيت حاجات فى رينج 4300 المتر و كانت معقوله بس التقسيم الداخلى للشقق مكانش عاجبنى
و كانت استلام بعد سنه
لو فى حاجه قريبه من كده يبقى مش وحش
الرحاب مش كومبوند بمعني الكلمة طبعاً.. لكن مدينة خدمات كاملة راقية...
الخبر الجديد ان الرحاب حايبنولها سور خارجي من الطوب والاسمنت بشكل جمالي بدل السور السلك.
وده بالنسبة لبعض الناس ميزة، ان كل حاجة حواليك، أسواق، متنزهات، مولات، مدارس مختلفة، مراكز طبية للعيادات والطوارئ و صيدليات و خلافه، لكن ماونتين ڤيو سكن فقط، بالنسبة لأمثالي أفضلها حيث أكثر هدوئاً و خصوصية...
لكن زوجتي مثلا تفضل ان كل حاجة تبقي جنبها، عشان سهولة التحرك والطوارئ و خلافه .
و كل واحد و ظروفه طبعاً.
يعني كثير السفر زي حالاتي لا ينفعه ماونتين ڤيو...
تقريباً دلوقتي هما شغالين حجز في ماونتين ڤيو ٣ او ٤ .... ١ اتسلمت علي حد علمي و جاري تسليم ٢...
آخر حاجة سمعتها ان المتر كان ب ٥٠٠٠ او ٥٥٠٠ من سنة كده و الله اعلم.... معلوماتي مش دقيقة..
زرهم واسألهم واتفرج علي الطبيعة.... هما بيقولوا أنهم حايعملوا مول كبير يخدم علي المنطقة ده بس خارج الكومبوند للحفاظ علي الخصوصية.