عرض للطباعة
السلام عليكم ورحمه الله
حابب اخد رايكم في استيكر المنتدي
ناس كتير كانت طلبته انه يكون outdoor
عشان يقدرو يلزقوة على الازاز من برة او على الشنطة لو عايزين جنب اسم العربية او اي مكان اخر
جدير بالذكر ان تكلفة طباعه الاوت دور بتكون الضعف تقريبا لانه لازم ياخد حماية معينة من التراب والشمس وبقية العوامل
هل انتو بتفضلو يكون اوت دور ولا نكمل من جوة الازاز
يا ريت رايكم بسرعه عشان بجهز الكمية قبل عيد ميلاد المنتدي
انا فى راى من جوة زى ماهو , علشان الاستيكر ممكن يتقطع او يتاخد غلاسه (ودا طبيعى فى مصر زى ما كلنا عارفين )
وخصوصا انه بيتقدم من خلاله خدمات للاعضاء مش استيكر وخلاص.
من جوه أفضل .. هو بس ممكن ناس هتخاف عشان الازاز الحراري.
انا مع رأي احمد
الاستيكر بيتقدم بيه خدمات - ودة هيكون داعي كاف لسرقته
ممكن تخليه من برة علشان يلزق علي الصاج بس يكون مجرد لوجو ولا يترتب عليه اي خصومات
والاستيكر الحالي يفضل زي ماهو
أ. كريم
عندى اقتراح يا رب يعجبكم ويكون متاح تنفيذه
نفسى الاستيكر يكون فى حجم الاستيكر بتاع رخصة العربية أو أكبر شوية
زى بادجات النوادى وتصاريح الدخول
ونحطه على البريبريز الأمامى ........ ده أحسن مكان
وعامةً من الداخل أفضل عشان فى الخارج هايتبهدل بسرعة
قدام هايفقدة اهم ميزة اننا نعرف بعض واحنا سايقين
قدام ده للنوادي والرخص عشان بيكونو قدام
لكن كل ما يخص اي جهة زينا بيكون من ورا
في انتظار بقية اقتراحاتكم
على فكرة لو من برة هايكون برضه للخصومات
من وجه نظرى يا استاذ كريم افضل مكان ليه منتصف الزجاج الخلفى من الداخل
in door
باريت يكون متوفر في محلات او محطات بنزين او مراكز خدمة في اسكندرية
في صعوبة للحصول عليه في اسكندرية
indoor
من الداخل أحسن. بس من جوه هيأثر عالزجاج الحراري؟ وهو بكام ومنين؟
فيه فكرة تحل الموضوع ده :)
تعمل واحد من برة عادي و واحد من جوة صغير شوية :)
أنا عن نفسي مش بحب ألزق أستيكر كبير على العربية
زمان أيام اللوجو القديم كنت بستعمل الأستيكر الصغير.
ممكن يتعمل شبلونة حلوة كده بلوجو المنتدى والمشترك يروح لحضرتك الورشة تتعمل برشتين دوكو في نص دقيقة على شنطة العربية ... كده تبقى أحلى ومش ممكن تتشال ونتلافي عيب تأثير الاستيكر الداخلي على الزجاج الحراري :)
Indoor but small
انا من وجهة نظري من الداخل افضل مع عمل كميه صغيرة للخارج لمن لديهم عازل حراري يثبته بالخارج
بس احنا كدة نتجاهل طلب النا ساللي نفسها تلزقه علي الشنطة
ولو اتعمل من برة هايكون محترم جدا انه يستحمل العوامل الجوية
أنا شخصياً أفضل من الداخل
رغم إعتقادي بأن أ/ كريم بيميل أنه يتعمل المرة دي outdoor
لو يضمن جودة الخامة - فليه لأ للتجربة ولضمان الإختيار المناسب النهائي بعد كدة
بالتوفيق وكل عام والمنتدى بالقائمين عليه وبأعضاءه بخير إن شاء الله
من جوة زي ما هو
انا شايف انه من برة يكون افضل !!
من جوة فيه اللى بيحط فاميه وفيه ستاير !! وكمان مجبور انك تحطه على الازجاج الخلفي
الى غير انه مش بيبقى واضح اوي !!
اما من برة فبراحتك عايز تحطه على صاج الشنطة او على الازجاج او في اي مكان مناسب !!! خصوصا اللى هيحطه على الشنطة هيبقى واضح جدا !
كمان نقطة انه يتسرق دي بعيدة شوية لان معروف اي استيكر هيجي يتشال هيتقطع !!!
أنا عندي رأي تاني خالص بخصوص الاستيكر اللي بيتقدم بيه خدمات..
اقترح انه يكون عبارة عن بطاقة في حجم الرخصة مثلا ويتكتب فيها رقم السيارة -بالقلم الجاف حتى - عند الشراء.. لمنع استخدام الاستيكر لاكثر من سيارة..
وممكن مع البطاقة يكون فيه استيكر تاني للدعاية سواء هايتلزق من برة او من جوة..
ورأيي ان الاستيكر من برة بيتبهدل مع الغسيل وبيتاكل
صعب موضوع البطاقة ده جدااقتباس:
المشاركة الأصلية كتبت بواسطة timtim
واضح ان فيه ميل عام للاستيكر من جوة
تمام جاري الطباعه ان شاء الله وبخامة رائعه باذن الله ونفس الحجم والشكل عرض 19 سم لانه اصبح علامة تجارية مسجلة
طيب الاستيكر اللى موجود دلوقتى حيبقى شغال زى ما هو زلا حنحتاج الاستيكر الجديد.
من جوة طبعا
من برة هيتشال... ازا كان العيال بتشيل اللوجو بتاع العربية من على الكابوت و الشنطة مش هيشيلوا ستيكر المنتدى؟
ممكن تعمل شوية اوت دور للى عايز بس يبقى الاساس من جوة
MMamdouh
شغال طبعااقتباس:
المشاركة الأصلية كتبت بواسطة ahmed_selmy
السبب اننا طبعنا اننا خلصنا كل الاستيكرات الموجودة
وحققنا انتشار جيد بفضل الله والناس عرفت قيمة الاستيكر
والاستيكر القديم شغال زي ماهو
ملحوظة
احتمال كبير يتم رفع ثمن الاستيكر للضعف
وده لغلو ثمن الخامات والطباعه
خاصة اننا بندور على طريقة جديدة للطباعه احتمال تكون مكلفة جدا قط في انتظار رد المطبعه
الاستيكر من جوة طبعا بدون تفكير
دول مش عاتقين حاجة و ان مكنش لسرقته للاستفادة بيه هيبقي تخريب و خلاص من العالم المؤذية