الغاء الجمارك على السيارات ! (مع او ضد)

مساء الخير ازيكم :B4_444: انا قريت موضوع عن الغاء الجمارك على السيارات الكهربائية
اوريكم الموضوع بس انتا لو الغيت الجمارك على السيارات الى بلكهرباء هتشتريها ولا لا اسيبكم مع الموضوع
علم «الأهرام» أن الحكومة تدرس مشروع قانون بقرار لتعديل وتخفيض جمارك دخول السيارات الكهربائية بالكامل إلى مصر كسيارات ركوب، وذلك بتعديل وتخفيض بعض البنود الجمركية المحددة للوصول لجمارك السيارات الكهربائية إلى «زيرو جمارك» مثل دول العالم التى تهتم بالسيارات الكهربائية، باعتبارها البديل الأكثر حفاظا على البيئة، وأفضل وسائل الوقود فى المستقبل.
وعلم «الأهرام» من مصدر مسئول أن مشروع القانون أو القرار قام بدراسته وتحمس له المهندس حاتم صالح وزير الصناعة والتجارة بعد زيارته معرض السيارات الشهر الماضى، ولفت نظره السيارات الكهربائية فى أجنحة كبريات الشركات واستمع لمواصفات السيارات الكهربائية 100%، فتم تشكيل لجنة قامت بدراسة إمكانية إدخال السيارات الكهربائية إلى الأسواق المصرية كحل لأزمات الوقود فى مصر حاليا.
وتمت دراسة الموضوع فى وزارة المالية، حيث وافق الدكتور المرسى حجازي، وزير المالية، على دراسته وبحث البنود الجمركية التى تختلف تماما عن السيارات «الهايبرد» أو الهجين، والتى يطبق عليها خصم جمركى من 25% إلى 50%، فتم الاتفاق على تفعيل بنود جمركية محددة لسيارات الركوب الكهربائية.
وأشار المصدر إلى أن ذلك يأتى ضمن جهود تنشيط الاقتصاد والمبادرة المصرية لإصلاح مناخ الأعمال وبحث تقديم عدة مزايا وتيسيرات خاصة بتخفيف إجراءات البيروقراطية والتعقيدات الإدارية والمساعى لإيجاد وسائل وقود بديلة فى مصر، وقال إن القرار تم عرضه على مجلس الشورى لإقراره وإرساله مرة أخرى لوزارة المالية بعد الموافقة عليه، لتنفيذ بنود التعديل والتخفيض الجمركى على سيارات الركوب الكهربائية، والتى ستصل فيها نسبة الخصم الجمركى إلى صفر.ض السيارات منقول وشكراااااااااااا :drugsneeded: يلا كل واحد يقول رئية :unhappy::bye2:

على اساس ان عندنا فائض في الكهربا يعنى ، ماهى متنيلة زي البنزين

الفكرة حلوة بس ما تقولليش السبب عشان بدائل الوقود

علي اساس ان الكهرباء مبطقطعش يوميا
و ان كل الطرق السريعه مفيهاش ولا لمبه مش منوره حتي
بس فكره السيارات الكهربائيه عموما كسيارات خاصه فكره كويسه

ارجو تغيير العنوان

اقتباس:

---

المشاركة الأصلية كتبت بواسطة amrelsaqqa

على اساس ان عندنا فائض في الكهربا يعنى ، ماهى متنيلة زي البنزين

الفكرة حلوة بس ما تقولليش السبب عشان بدائل الوقود

---

+111111111

عندك حق فعلا ...

بره بيولدو الكهربا من المفاعلات النوويه وبالتالى تكلفة الكهرباء متدنيه جدااااااااا

لكن عندنا بنولد الكهربا من محطات بتستخدم السولار والمازوت وبالتالى النتيجه صفر مفيش اى توفير على المستوى القومى

دية خطوة كويسة .. لكن اسعار النوع دة اصلا قبل اى جمارك كفيلة انها متبقاش رائجة بسرعة فى مصر.. لكن عمرها وصيانتها ومصاريف تشغيلها تكلفتها قليلة جدا ولا تقارن بمحركات الوقود التقليدية .. تكلفة الكهرباء المستهلكة لا تقارن بتكلفة الوقود العادى المستخدم لاداء نفس المطلوب منها ( اقصد السعر الفعلى للوقود وليس المدعوم _ التكلفة الفعلية ) ( ولا تقلقوا فتوليد الكهرباء اسهل من استخراج البترول ) واتوقع ان السنوات القادمة هنتجة لمشاريع تتيح للقطاع الخاص بالدخول فى مجال توليد الكهرباء بدلا من تركزها فى يد الدولة فقط ودة هيتيح لينا وجود فائض كبير .. وهيكون فى تصدير ان شاء الله ولكن تفائلوا :) :)

اقتباس:

---

المشاركة الأصلية كتبت بواسطة hossam_elwani

بره بيولدو الكهربا من المفاعلات النوويه وبالتالى تكلفة الكهرباء متدنيه جدااااااااا

لكن عندنا بنولد الكهربا من محطات بتستخدم السولار والمازوت وبالتالى النتيجه صفر مفيش اى توفير على المستوى القومى

---

احنا كمصر هندخل فى اتجاة زى دة .. بس مخاطرة كبيرة جدا بالرغم من القدرات الكهربائية الرهيبة اللى بيولدها..
الطاقة الشمسية كويسة بس لا تقارن بالنووية فى القدرة الكهربية المولدة ( والطاقة الشمسية مش بس الخلايا الشمسية فى طرق تانية لتوليد الكهرباء من اشعة الشمس وكفاءتها اعلى من الخلايا الشمسية بكتيييير )
وطاقة الرياح فى منطقة جنوب سيناء وسواحل البحر الاحمر وتم بناء محطة الزعفرانة كبداية للبلد فى الاتجاة دة
فى طاقة المد والجزر فى سواحل مصر كلها

الطاقات دية كلها تخلينا مصدرين للطاقة .. بس كل الطاقات المتجدد دية فى العالم كلة لسة فى المراحل الاولية للتطوير

الطاقة الشمسية غير ال خلايا بتستغل من فترة الثمانينات وحصل فيها تطوير كبير بس تكلفة التجهيز ليها غالية جدا

ههههههههههههههههههههههههه ههههه هو ايه الحكومه مالها بتوسع منها

شاف عربيات كهربا عمل لجنه قالك ندخلها مضر بدون جمارك

مهو كده كده سعرها عالي ومش عمليه في الاستخدام متقدرش تمشي بيها كتير ولا تجري ولو عملت كده هتركنها وتقعد جنبها تشحن ههههههههههههههههه


الناس الي برا عامله العربيات دي عشان تحترم البيئه مش عشان تحل ازمه موجوده ومش عارفين يحلوها

حكومه فاضيه وبتهرج

تعرفو احلا حاجة فى العربيات الى بلكهربة انى لو العربية فصلت منك ممكن تشحنها من اى عمود نور ولا حاجة هههههههههه واللة خربت

اقتباس:

---

المشاركة الأصلية كتبت بواسطة amrelsaqqa

على اساس ان عندنا فائض في الكهربا يعنى ، ماهى متنيلة زي البنزين

الفكرة حلوة بس ما تقولليش السبب عشان بدائل الوقود

---

كلامك مظبوط 100%

اقتباس:

---

المشاركة الأصلية كتبت بواسطة dedo_ryo

علي اساس ان الكهرباء مبطقطعش يوميا
و ان كل الطرق السريعه مفيهاش ولا لمبه مش منوره حتي
بس فكره السيارات الكهربائيه عموما كسيارات خاصه فكره كويسه

---

ربنا يقدم الى فية الخير بس واللة فكرة ممتازة

اقتباس:

---

المشاركة الأصلية كتبت بواسطة hossam_elwani

بره بيولدو الكهربا من المفاعلات النوويه وبالتالى تكلفة الكهرباء متدنيه جدااااااااا

لكن عندنا بنولد الكهربا من محطات بتستخدم السولار والمازوت وبالتالى النتيجه صفر مفيش اى توفير على المستوى القومى

---

بس بردو لما تشوف فوائد الكهرباء احسم من البنزين بكتييير

اقتباس:

---

المشاركة الأصلية كتبت بواسطة abdalah_hashem

دية خطوة كويسة .. لكن اسعار النوع دة اصلا قبل اى جمارك كفيلة انها متبقاش رائجة بسرعة فى مصر.. لكن عمرها وصيانتها ومصاريف تشغيلها تكلفتها قليلة جدا ولا تقارن بمحركات الوقود التقليدية .. تكلفة الكهرباء المستهلكة لا تقارن بتكلفة الوقود العادى المستخدم لاداء نفس المطلوب منها ( اقصد السعر الفعلى للوقود وليس المدعوم _ التكلفة الفعلية ) ( ولا تقلقوا فتوليد الكهرباء اسهل من استخراج البترول ) واتوقع ان السنوات القادمة هنتجة لمشاريع تتيح للقطاع الخاص بالدخول فى مجال توليد الكهرباء بدلا من تركزها فى يد الدولة فقط ودة هيتيح لينا وجود فائض كبير .. وهيكون فى تصدير ان شاء الله ولكن تفائلوا :) :)

---

ربنا يسهل و يستر واللة الواحد خايف على البلد اوى

فكرة ممتازة جداً جداً جداً
ولكن
ولكن
ولكن
لابد من حل مشكلة الكهرباء في البلد قبل تنفيذ الفكرة وإلا ستحصل مصيبة كبيرة

ولابد من عمل محطات كهرباء نووية حتى تصبح تكلفة الكهرباء رخيصة وبالتالي يصبح الأمر إقتصادي مفيد

أما أن نولد الكهرباء بالديزل أو بالغاز ثم نأخذ الكهرباء لنشغل بها السيارات
فهذا قمة الفشل

والخلاصة أننا ربطنا السيارات الكهربائية بمحطات الطاقة النووية

وحيث أن محطة الكهرباء النووية يستغرق إنشاؤها حوالي 10 سنوات

يبقى بعد 10 سنوات نفكر فيه هذا التخفيض.
-
-
-

مستحيل

الفكرة إستحالة تتنفذ في مصر لعدة أسباب..

1- إحنا شعب مش بيهمه البيئة، ابسط حاجة و انت ماشي تلاقي واحد جاهل بيرمي اي حاجة من شباك العربية و هو ماشي.. يعني معندوش أي مكان فاضي في العربية يحطه فيها؟؟

2- العربيات دي محتاجة وقت للشحن، فمثلاً، لو طبقنا المثال على العربية المسماة Tesla Roadster ، فهيا بتاخد حوالي 3 ساعات و نص عشان تتشحن من 220 فولت 70 أمبير، انما لو هاتتشحن من مخرج عادي زي بتاعنا أبو 220 فولت 16 أمبير، فاحنا بنتكلم في 15 ساعة شحن.. " و ده طبعاً اساساً عشان البيوت بره زي الفلل هنا من دور واحد و فيه جراج، انما لو زي حالاتي في الدور التامن، مش هاتعرف تحط العربية في جيبك و تطلع تشحنها، الا لو شحنتها عند البواب، و في الحالة دي، 44 عربية في العمارة في 15 ساعة للعربية = 660 ساعة ، على 24 = 27.5 يوم.. يعني نقعد شهر نشحن في عربيات عمارة واحدة مرة واحدة "

3- فيه تكنولوجي بتسمح بتغيير البطارية، بس ساعتها احنا بنتكلم إن السعر اللي هيتشال من الجمارك هيتضاف على تمن العربية نفسه، حتى مصنعين السيارات مفيش غير 2 بس اللي ناويين يطبقوا التكنولجيا دي.

4- الحل التالت هو محطات شحن سريعة على الطرق، و طبعاً في بلد الطرق السريعة فيه مضلمة، متتوقعش ان يبقى فيه محطات زي دي..

4- العربيات دي معمولة للمسافات القصيرة، انما مثلاً لو حد ساكن في أكتوبر و شغله في التجمع، غالباً البطارية هاتفصل شحن و هو على الدائري D: " خاصة اننا أكيد هانستورد الموديلات الصيني، مش هانجيب موديلات نيسان و ميتسوبيشي يعني"

و أخيراً، كالعادة من حكومتنا المبجلة، أضرب أي قرار في أي اتجاه، مش مهم تدرسه، مش مهم مناسب لطبيعة و اقتصاد البلد ولا لأ، مش مهم أي حاجة، بس هيا شكلها هايبقى ظريف العربية فاحنا نستوردها احتياطي.. عادتهم ولا هايشتروها يعني؟؟

انا من راى يرفعو الجمارك للحد ما نجدد العربيات القديمه قلى فى الشارع و بعدين نرجع الجمارك بس بفتره محدده

طب ليه مش بنجيب عربيات هايبرد اللي فيها موتور بنزين وأخر كهربا؟ الكهربا بيشحن من حركه العربيه لما تبقى ماشيه بالبنزين ولو قدر موتور الهربا يعيد استخدام 20% من الطاقه بتاعه البنزين يبقى كده وفرنا 20% من استهلاك الوقود وده يبقى رقم حلو جدا.

وبالرغم من ان الموتور الكهربا مش بيدي طاقه عاليه بس هيبقى مناسب جدا جوه المدينه وميزته انه منعدم الصوت. أنا عارف انها عربيات مش رخيصه بس سعر عربيه بنزين + جمارك = عربيه هايبرد من غير جمارك ولو هتزيد شويه أكيد هيبقالها سوق وبالتدريج تنتشر.

اه ممكن ..

السيارات الكهربائيه دى ... مستحيل تنجح فى مصر

ممكن طبعا و ليه لا

على العموم مفيش قرار هيعجب كل الناس لان العقول تختلف

اقتباس:

---

المشاركة الأصلية كتبت بواسطة kokowasfy

تعرفو احلا حاجة فى العربيات الى بلكهربة انى لو العربية فصلت منك ممكن تشحنها من اى عمود نور ولا حاجة هههههههههه والله خربت

---

وعلى اية ياباشا كل دا شاحن من ألى بيركب فى الولاعة بتاعت العربية وتبقي ولعتها منها فيها توماتيكي ههههههههههههههههههههه:E_brace s[1]::E_braces[1]:

ضد تخفيض الجمارك على السيارات من أي نوع .

و مع المواصلات العامة و القطارات و المترو .

اقتباس:

---

المشاركة الأصلية كتبت بواسطة hossam_elwani

بره بيولدو الكهربا من المفاعلات النوويه وبالتالى تكلفة الكهرباء متدنيه جدااااااااا

لكن عندنا بنولد الكهربا من محطات بتستخدم السولار والمازوت وبالتالى النتيجه صفر مفيش اى توفير على المستوى القومى

---

بغض النظر عن مصدر الكهرباء بره
قرار غبي كالعاده
ماعلينا
بطاريات العربيات دي تصنيعها بيلوث البيئه اكتر من حرق البنزين

عايزين يحافظوا عالبيئه يبقى نص العربيات اللي في البلد تتكهن
هي و (كل) الميكروباصات و الفيسب اللي ماليه الدنيا عوادم !

يبقى الجمارك تنزل
البنزين يبقى كله 95 (منعا للغش في حالة وجود اكتر من نوع)
العربيه اللي يوصل عمرها 15 سنه تكلفة تأمينها تعلى الضعف
فحص مروري حقيقي للترخيص مش تهريج
وطبعا الحلم المستحيل
تطوير الطرق من حيث وسائل الأمان وخلافه

انما ننقل تجربة بلدان واحنا البنيه التحتيه عندنا زباله ؟؟

بنحل الأزمه بأزمه تانيه خلاص العقول بطلت تفكر وعايزين حد يفكر لنا