ربنا يوفقك يا أسامة فى مشروعك ان شاء الله
وأحب أقول انى زرت أسامة السبت اللى فات وحاجة رائعة بصراحة ، بسم الله ما شاء الله
وفى اهتمام كبير بالعربية من ساعة ما تخش لغاية ما تطلع و ده أنا لاحظته على عربيات ناس تانية كانت قبل منى مش على عربيتى بس
وكمان الأدوات و المواد اللى شغالين بيها من سوناكس و مافرا و .... و إلخ
وحتى اللى شغالين مع اسامة تحس انهم شباب زينا كده و مهتمين بالعربية كأنها عربيتهم بالظبط
وان شاء الله يا اسامة نشوف فروع كتير من i care alex فى اسكندرية و فى مصر كلها
وكمان الأسعار اساسا من غير خصم نايل موتورز كويسة جدا جدا مقارنة باماكن تانية معروفة فى اسكندرية
فما بالك بأة بعد الخصم وكمان أسامة باشا قام بالواجب و زيادة
يعنى أنا غسلت داخلى و خارجى بالفوم وعملت واكسينج طبقة واحدة
وكنت سعيد بعد ما خلصوا الواكسنج لان الخرابيش اختفت شوية والعربية كانت بتلمع فكرتنى لما استلمتها وهى لسه جديدة قبل ما ولاد الحلال يخربوشوها
يلا كاآآآآآنت أياآآآآآآآآآآم بس الحمد لله كده أفضل أهو تاخد العين برضه
واعذرنى يا أسامة انى شكرتك متأخر ، لكن الكام يوم اللى فاتوا مع تغيير الجو و كل يوم يا إما حر جدا يا إما هوا جامد فجالى التهاب فى الشعب الهوائية فمكنتش قادر أعمل أى حاجة
وشكرا يا باشا وبالتوفيق ان شاء الله
وأشوفك قريب ان ما كانش فى مقابلة نايل موتورز يبقى أكيد أكيد فى الكار كير ان شاء الله
.