http://t1.gstatic.com/images?q=tbn:A...M7s9vL67ppYV0w
㋡ ㋡ ㋡ ㋡ ㋡
http://t1.gstatic.com/images?q=tbn:A...Gxvj4Yx-if9WJQ
هنتفرج على ايه !!!!
١- عرب اديل
٢- اكس فاكتر
٣- باسم يوسف .
٤- نشوف ايه اخر اخبار المظاهرات :) وحال البلد .
http://t1.gstatic.com/images?q=tbn:A...M7s9vL67ppYV0w
㋡ ㋡ ㋡ ㋡ ㋡
http://t1.gstatic.com/images?q=tbn:A...Gxvj4Yx-if9WJQ
هنتفرج على ايه !!!!
١- عرب اديل
٢- اكس فاكتر
٣- باسم يوسف .
٤- نشوف ايه اخر اخبار المظاهرات :) وحال البلد .
ماذا ننتظر ماذا بعد انتبهو يامسلمين لا بد ان نفيق من غفلتنا انها حرب صليبيه ضد الاسلام حسبي الله ونعم الوكيل
حبيبي يا أبو حبيبة :)
اشرب لمون صنع ايديا وحياة عنيا وهدي كده ياباشا وروق
http://t3.gstatic.com/images?q=tbn:A...kFbmsenkawDU0w
حرب صليبية ايه. يا فندم ، الكلام ده كان زمان ايام صلاح الدين. اما النهردة الشباب بياظ لوحدوا
انا معليش ورغم الاختلاف في الرأي. لا يفسد للود قضية ... انتا عارف انتا حبيبي يا أبو حبيبة ... انا رأيي. انو ياريت الشباب تهمد في بيوتها بقه ويقعدوا يتفرجوا على. شوية برامج فرفشة. احسن ماينزلوا يحرقوا او يدمروا او يقتلوا ولا يتقتلوا في الشارع... ويوقفوا حال البلد اكتر ماهيا واقفه
وبعدين اديك شايف الشباب قنبلة موقوته ومكبوته بتنفجر كل يوم ... فحبت البرامج الحلوة دي اهو تخليهم يهدو شوية ، انا عندي ابني يقعد يتفرج على نانسي احسن ماحد يجي يقولي ئلحق ابنك خد العيال صحابو ونزلوا التحرير فمين احسن يا ابو حبيبة. ... ربنا يخليلك حبيبة يارب :) .... وتحياتي ياعزيزي
هههههههههههههههههههه
البرنامج الاجباري بلطجة -مولوتوف-خراب .....................................وااااح ة
طب ايه رائيك لما يتفرج على قناة الرحمة او الناس او اى قناة دينيه اهو حتى يعرف دينه صح ومحدش يعرف يعمل له غسيل مخ مثل الاعلام الكاذب
مش احسن من التفاهات الموجوده الان قنوات الحياة وقنوات سيب وانا اسيب والباقيه تأتي.
والعرى وقلة الأدب الموجود الان على النايل سات المصرى
وحسبنا الله ونعم الوكيل
‫صاعقة .. الاعلاميون يعلنون الحرب على الإسلام‬‎ - YouTube
:15_2_143::15_2_143:
تسلم ايدك يا ابو حبيبة على الفيديوهات دي
بس صعب يا غالي اني وقت برنامج باسم يوسف والعيال فرحانه وقاعدين مستنينوا اقوم قالب القناة على قناة الرحمة او قناة الناس الي احنا اساساً مبنتفرجش عليها خالص. طول ايام الاسبوع هههههه
ولا اعرف حتى ترددها كام ... لان مش هعلم ابني دينوا عن طريق التلفزيون ، بس ممكن مثلاً استغل اي فرصة او اي موقف يحصل قدام مننا اني اعلموا بعض جوانب الحياة ( وبقول بعضها )
يعني مثلاً ازاي البت أليسا تلاقيها كدة طفشة ومتكبرة وبتكسر بخاطر الناس بعكس مثلاً حسين الجسمي. ميحولش يكسر بخاطر حد. ... لذلك انتا ممكن تشوف انسان من بعيد. تحبو تيجي تتعامل معاه تكرهو ( اهو ده درس ممكن تعلموا للي معاك ) وهكذا. ... النهردة مثلاً الواد اللبناني الي قعد يعيط قدام راغب علشان ينجح وفي النهاية سقطوة برضوا ( ممكن تعلم الي معاك ) ان بعمرك ما تعيط ولا تدمع عنيك. علشان منصب ولا مكانه زائفه ( اهو شوفوا قعد يعيط ويتراجهم وفي النهاية سقطوه برضوا )
@@@@@@@@@@@@@
وبص يا ابو حبيبة يا عزيزي المشكلة الان لو هقعد اعمل فيها شيخ واشتشيخ على عيالي
هينفضوا من حولي ... لكن الحمد الله فضل ونعمة بحاول اجاريهم اكسب حبهم اخوش جوا قلبهم وبعدين ابتدي اسقيهم تعاليم دينا والقيم بتاعتنا بالمعلقة شوية شوية وبراحة ... عارف لمن الطفل يرفض معلقة الدوى. فتقوم تحطلوا الدوا في كوبايت عصير او تحطلو الحباية في وسط شيكولاته او كريمة وتحياتي ليك يا ابو حبيبة :)
ولا حاجة فيهم ....
التلاتة ارخم من بعض
انا طبعا معاك ان قنوات الرحمه و غيرها غير جاذبه للناس و خاصه لو فى عمر الشباب
و هذا يرجع لعدم الوعى الاعلامى لديهم فى الاسلوب الدعوى , يدعون بطريقه عفا عليها الزمن
و اضف الى ذلك السقطات التى يقعوا فيها و يزيد الامر لما تتمسك من واحد زى باسم و شاكلته
بس برضه مختلف معك فى حكاية اكس فاكتور و ما شابههم و مش هاقول حملات صليبيه و ما الى ذلك
و هاقول ان الناس دى نيتهم مش وحشه , بس للأسف ما يفعلوه يندس الينا فى اللاوعى ليصبح بعدها هو الادارك الكامل الذى نبنى عليه حياتنا
كلنا كنا بنتفرج على ايام زمان و بنشوف الشيخ ابوجبه و قفطان و هو مسخره الفيلم و كنا بنضحك
اتفرج بقى اليومين دوول و ناقش اى شاب و قوله الشي فلان , اول حاجه هايقولك دا شيخخ على نفسه و انا مش معترف بيه
و يبقى نفسك تلزقه كف تجيب اجله , مين انت يا تافه علشان تقول على رجل عالم فى الدين مثل هذا القول
زال حب الشيوخ و العلماء من قلوب الناس ,
---
بدل قناة الحكمه و غيره
ايه رأيك تقولهم انا سمعت عن واحد اسمه ( المهندس فاضل سليمان ) ما تيجوا نشوف بيقول ايه على اليوتيوب
هيلاقوا واحد لابس قميص و بنطلون و ليست لديه اللحيه الكثه لكبار المشايخ و مهندس و يتكلم فى حاجات كتير و اسلوبه جميل و ابن بلد
و بيناظر ناس كتير هندوس على بوذيين على ديانات كتير سواء سماويه او غير ذلك
و هتلاقى معظم مناظراته باللغه الانجليزيه , مما سيجعله رجل شديد فى نظر الشباب
جرب كده
--------------
شخصيا لن اتفرج على
باسم --------- قرفان منه و من اللى بيعمله و بقرف من نفسى بعدها ان استمعت له
عرب ايدول و خلافه ----------- @!#!@#$@$@#$@%^$%#@@!@#
احوال البلد فى التوك شو ----------&*)*%^$%^&$%%#$^%$^$# و مقاطعهم بقالى كتير و بزداد كأبه كل ما اشوفهم
باشغل توم و جيرى و اتفرج عليه مع الاولاد :)
اي حاجه ماعادا باسم يوسف بقه سخييييييييييييييف و جماهيره هتبدأتقللل
يعني عند في البيت كانوا متابعينوابقالهم كام حلقه واخرها النهارده قرفانين منه وحاسين انه بقه رخم وبيستظرف وخلاص ربنا يخلصنا من المهرجين امثاله
باسم يوسف طبعا , حلقة واحدة ساعة فى الاسبوع حارق دم ناس كتييييييييييييييييييييييي يييييييييير
عملوا برنامج مضاد شبيه ليه فشل وباسم اشتهر اكتر
قالوا عليه جمهوره بيقل والعكس صحيح .
قالوا عليه حملة صيلبية ( ضحكتني حملة صليبية دي ) وبرضوا مستمر بنجاح .
من هنا لمليون سنة ومهما يتقال علي باسم يوسف ومهما يتعمل باسم ناجح وعارفين السبب ليه علشان بيقدر يوصل للجرح ويعلم عليه واللي زعلانين منه, الجرح واجعهم علشان بيحسسلهم عليه :)
كنت داخل اختار لكن بصراحة
الموضوع متجه لمسار تاني ,,
انا مش عايز اقلك متتفرجش علي حاجة
بس في البيت بيتفرجوا و بصراحة برامج فيها من الاسفاف وقلة الادب وقلة الدين وقلة الهدوم وقلة كل حجاة ممكن تتخيلها مجتمعه في برنامج واحد
انا مش عارف ازاي لما واحده تطلع من القوضة اللي كانت بتغني فيها وتحضن الشخص الي وقف بره وهي اصلا لابسة من غير هدوم
ده بصرف النظر ان ده غناء اصلا واحنا عارفين حكم الغناء
وقدرا جت حتة من برنامج المسف باسم سوسته علي الجزء بتاع (القرمطة مرمطة) و عنددي سمعوها ومش فاهمنا
روحت قال ما هو علشان قرمووووووووط بيقول كده .... بصولي وفهموا انا قصدي ايه وفهموا هو قصده ايه
واتكسفوا طبعا ؟؟؟!!!
انا لا اتكلمت علي الدين اهو ولا اتفرج علي قنوات اسلامية ولا اي حاجة ..... ولكـــــــــــــــن
الفطرة بجد لا تقب ل اي حاجة من الحاجات ديه
وسامحني اخي محمد انا اتضايقت شويه من ردك علي ابو حبيبة او بمعني اصح استغربت ان ده ردك وخاصة اني اعلم انك ماشاء الله عندك من المعلومات كم طيب (احسبك علي خير ولا ازكيك علي الله)
تخيل لما الطفل ولا ابنك لما يطلع وهو متعود يتفرج علي
1- نساء كاسيات عاريات
2- يسمع للغناء
3- شايف الاحضان اللي زي الفل بين النساء والرجال
4- شايف الحكام اللي بيحكموا دول وهايحط في دماغه انهم 1ذات قيمة وخاصة ان المغنيات المحترمات بيتعمدوا يلبسوا لبس مش يثير العرائز ... الغرائز نفسها تتكسف منه والمخرج لاوم يصدرك صورتهم كل مشهد ؟!!
5- بني ادم سفيه بسم سوسته (خرج من مرحلة النقد لمرحلة قلة الادب بكل معانيه) معرفش انا بس اللي شايف ده بس ولا ايه ؟؟
وبيتعمد يستخدم اسقاطات سافلة ....... ده طبعا غير انه بياخد من كل فيديو اللي بياخد غرضه وبيكذب علي الناس
وميهمنيش يحرق دم الاخوان ولا ميحرقش دمهم .... ولا يحرق دم مش عارف مين
يولع هو وهما بجاز ....* ..... بس ميجيش بقي لو شيخ ولا اخ غلط وطلع منه لفظ يمسكوه يغسلوه والاقي حد يجي يقلي انا مبتفرجش علي شيوخ علششان محبش ابني سمع شتايم ؟!!!!!!!!!
لاحول ولا قوة الا بالله ........ انا اسف والله بس بجد احنا اللي عملنا للناس ديه قيمة وخاصة لما بشوف حد عندنا في البيت بيتابعهم واتخانق معاهم في الوقت الي بيضيع ده
ياريته يبضيع في حخاجة مفيدة ....... حتي لو سمعنا فيهم ذكر ولا ايه من كتاب الله ........ يعني ده اللي هايقعد لنا اصلا و يرقق قلوبنا
اعوذ بالله ان أمر بالمعروف ولا أتيه و اعوذ بالله ان نهي عن المكنر وأتيه
ووالله العظيم كلامي هذا محبة لاخواني واحبيتي في الله و حضرتك عارف انا بحبك قد ايه وبعزك ازاي وبكن ليك كل احترام والله اعلم ....... احسبك علي خير ولا ازكيك علي الله
واحب اختم كلامي بأيه من كتاب الله
{ وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا } النساء (9)
ربنا يعزك ويبارك في عمرك اخي وحبيبي في الله ... بحبك في الله :))))
حبيبي يا بشمهندس حسين
جزاك الله كل خير يا عزيزي ... وانا وأنا بكتب لك الرد فاتح على ( الجزيرة مباشر ) وشايف قدامي لهب النيران بمقر أتحاد الكورة وبعدت أماكن أخرآ يعني شعوري العام أن مصر بتتحرق علشان كورة
فأناشدك يأخي بكل ذرة بداخلك شباب طالع يحرق ويدمر البلد علشان كام واحد ماتوا وهما بيتفرجو على مطش كورة طلعوا حرقوا البلد ... فأليس من الأفضل ألهائهم بكم برنامج حلو كدة
http://sports.shorouknews.com/upload...0d065fb848.jpg
http://i.eurosport.anayou.com/2011/1...91-317-238.jpg
فأيه رأيك الصور تتحدث عن نفسها
فنصيحتي لكل المتشددين ... خليكو كدة خطاب ديني متهالك
وكلام يخلي اي مذيع او اي عيل صغير يقدر يسخر منوووو ... وخليكو كدة ده حرام وده حلال الى أن ينفض الشباب من حولكم ... خليكو كدة دخلو الدين في اي حاجة وفي كل حاجة عمال على بطال حتى يمل الناس دينهم ... وتحياتي :)
هههههههههههههههههههههه تصدق انا مكلتش الوز قبل كده ..... نجربه ان شاء الله
ربنا يعزك ويبارك في عمرك .... وديه نقطة تانية كنت عايز اثيرها هو الاختلاف ........ وفيها ايه لما يكون فيه خلاف
بس يبقي خلاف مش لازم يبقي منطقي ..... بس لازم يكون بحترام حتي لو مش مقتنع بكلامك .... ديه وجهة نطرك
بس ليه بييحصل بقي ان كل واحد بيسخن علي التاني
لاني انا مثلا بكره كذا وكذا .... فانت علشان عارف اني بكره كذا وكذا فانت بتعاملني اني عدو ليك ومش هاقدر افهم كلامك !!!!
يعني من يومين كتب بوست بدعي فيه علي مبارك لاي سبب من الاسباب ......... لقيت واحد بيشتم في مرسي والاخوان !!
ياعم انا مالي بالاخوان .... وليه مصر ادام بشتم في حد غير الاخوان يبقي انا معاهم ولا مأيدهم ؟؟ ..... لازم تصنفوني يعني ... لو مش معاكم يبقي مع الناس التانين .
ديه نقطة
----------------------
النقطة التانية ............. هههههههههههههههه انت صدمتني وانا بقرا اخر كلامك
جزاك الله كل خير يا عزيزي ... وانا وأنا بكتب لك الرد فاتح على ( الجزيرة مباشر ) وشايف قدامي لهب النيران بمقر أتحاد الكورة وبعدت أماكن أخرآ يعني شعوري العام أن مصر بتتحرق علشان كورة
فأناشدك يأخي بكل ذرة بداخلك شباب طالع يحرق ويدمر البلد علشان كام واحد ماتوا وهما بيتفرجو على مطش كورة طلعوا حرقوا البلد ... فأليس من الأفضل ألهائهم بكم برنامج حلو كدة
انا قلت هاتناشدني نشوف حل ولا طريقة نجمع الشبا دول علي حب الاسلام مثلا والرجوع لتعاليم الدين و نجمعهم علي قلب رجل واحد لاقيتك بتقلي فأليس من الأفضل ألهائهم بكم برنامج حلو كدة ؟!!!!!
بس بجد انت بتتكلم جد؟؟ ههههههههههههههههههههههههه ه ........ مش مصدق والله وسبحان الله استخدمت اللفظ اللي هو بيحصل دلوقتي الالهاء اللي هو اصلا حصل في الكورة ومااتشات الكرة والعصبية اصبحت للكرة ؟؟
تخيل بقي لو انت الهيتهم بالنساء والحريم والاغاني ... الخ--------- مش بعيد بعد فترة وليه بعد فترة
مش واحد بيقتل التاني دلوقتي علشان بنت بتحب التاني اكتر من الاول ولا مشيت مع التاني اكتر من الاول ؟!!
ويبقي العصبية للنساء ولا الاغاني و اتفرج علي تعليقات اليوتيوب وشوف لو واحد شم مغني تامر حسني مثلا وقال ده احسن من عمرو دياب ؟!!
تحس انه شتمه بالاب لسابع جد !!!
بأي منطق وبأي عقل يبقي ده تفكير شباب من اول 18 سنة الي ان يشاء الله
اللي كان الصحابي اللي عنده 18 سنة بيقوووووووووود جيش يا خوااااانااااااا ........ جيش مسلمين وتحت ايده الاف الجنود
يبقي منلمش عليه بقي انه يتحرش بالبنات وانه يغتصبهم ونلومه ونقول عليه الذئب البشري والكلام اللي كله حيوانات ده
طيب ما هو اللي شايف التليفزيون ليل ونهار وقدامه لحم رخيص وببلاش وكله بياكل منه وهو مش طايل ... اكيد اقرب بنت منه مش هايفرق هي محترمة ولا مش محترم علشان يفرغ رغبته ديه ........ ولا انا غلطان ؟؟
كل ده لما تجمعه في الاخر وكمان انه طلع واتربي علي ان الكلام ده عادي ...... هايطلع اصلا مفيش حاجة في دماغه
لا دين ولا اخلاق ولا علم ولا تربية ولا اي حاجة غر انه يلبي رغبات شهواته ؟!!@
انت لو بدأت ببيتك وخليته مملكتك اللي انت بتتحكم فيها واقمته علي طاعه الله والتليفزيون بحساب و بأداب و انت الرقيب عليهم ......... اكييييييييييد اكييييييييييد اولادك هايطلعوا فاهمين الصح من الغلط حتي لو اختلطوا بالمجتمع
حتي لو كان ليه تأثير عليهم ... بس هو فاهم الصح من الغلط وهايعرف يمميز ... غير لما يكون مش عارف اصلا ان النظر للنساء حرام فضلا انه هايوصله في الاخر للمحرمات
وبالنسبة لباسم يوسف ......... بص سؤال واحد ومش عايز رد عليه
ليه الاول اول ما طلع وقبل ما يطلع في الcbc كان كلامه كله محترم وكان برده بيتكلم علي الاخوان والمشايخ و... الخ
ودلوقتي نفس اللي بيحصل واكيد مش هايجي افظــــــــــع من ايام الثورة
بس بقي سليط اللسان و بيرمي الاتهامات بالباطل او بالحق و قلة الادب ........ ليييييه بقي ؟؟
أشهد لله اني بطلت اتفرج عليه علشان حتي لو هو بيتكلم صح علي حد وخاصة المشايخ وغلط فيهم ... حتي لو هما عملوا كده فعلا بس بنية تانيةغير اللي بيحاول يظهره للناس ..... علشان محطش في قلبي اي ذرة كره للمشايخ اللي اتعلمت علي ايديهم
الناس دول علموني ديني و كانوا سبب اني اعرف طريق الله عز وجل ........ اقل واجب لو معرفتش ارد عليه يبقي اسيبه مع نفسه كده
ربنا يهديه ويهدينا ..... وسبحان الله كل اللي بيعمله ده وبيطلع من ورا خير كبييييييييير وعسي ان تكرهوا شيئا
فبناقص انا مش عايز اتكلم كتير علشان مديلوش اهمية.
الشاهد انت شايف حال البلد عاملة ازاي ... والشباب مستواهم عامل ازاي
وانت عارف طبعـــــــــــا ان الشباب هما عصب الامة ...... انت عايز ايه بقي من شباب كل تفكيرهم في الحريم والكورة والاغاني ؟!!!
اكيد مش هايقام لنا قامة بالشكل ده ..... واول حاجة لازم نعملها نبدأ بنفسنا
انت ماشاء الله لا قوة الا بالله .. ربنا رزقك بابناء وبنات ربنا يارب يباركلك فيهم ويجعلهم قرة عين لك في الدنيا والاخرة
ربيهم علي تقوي الله فانها النجاح والفلاح في الدنيا والاخرة ......... اول حاجة هايكونوا سبب لدخولك انت للجنة
ولما يتجوزوا ويخلفوا اولادهم دول ان شاء الله لو علي طاعه في ميزان حسناتك + هاتقدم للامة الاسلامية خير عظيم ويفخر بيك النبي محمد عليه الصلاة والسلام
تَناكحوا تَناسلوا أُباهي بكم الأممَ يومَ القيامةِ
الراوي: - المحدث:الزرقاني - المصدر: مختصر المقاصد - الصفحة أو الرقم: 326
خلاصة حكم المحدث: صحيح
يبقي عايز تضيع كل ده علشااااااان برامج وافلام وهري كتييييير مالوش لازمة اصلا ....... والله لو ليها ادني هدف مكنتش هاتلاقي الالتفاف حواليها كده
والله المستعان ..... انا سعيييييييييد جدا بالنقاش الطيب ده وبحبك في الله والله :))
معاك حق يا عزيزي ...
وانا أكتر حاجة بتخوفني مش من النقاش او الاختلاف ... لكن بخاف من اي عضو جديد لا عارف ايه الموضوع ولا ايه السالفة ويقوم يخش يغلط فيا او يغلط فيك ... بالذات الاعضاء الجداد وميعرفوش انوا بتجمعنا انا وانتا علاقة صداقة ومحبة وأخوة ...
أما عن النقطة الثانية ... هيا فعلاـً معاك حق احنا عندنا جهل بعيد عنك الناس عندها خلط بين الاخوان وبين السلفين وبين الجهاديين وكل واحد بدقن يبقى شيخ أو أرهابي .. بالك انتا لو واحد سلفي غلط الناس تشتم في الاخوان ... لو واد جهادي قتل الناس تهبش في الاخوان على طول وخلاص ... حتى لو طلع اي واحد بدقن على الفضائيات رمالوا اي كلمتين في اي كلام يقولك بص شوف الاخوان بيقولوا ايه
ومعليش اسمحلي هقسم مشاركتك على اتنين او على ردين لأن كل وحدة موضوع لوحدو ههههه حبيبي يا سونا
نقطة صغيرة فى موضوع باسم والمشايخ اللي بينتقدهم ,شيوخ الفضائيات علمهم ولا حاجة بالنسبة لمشايخ وكبار علماء الازهر , واسألهم هما نفسهم , دا الشيخ بتاع هاتولي راجل محمود شعبان اعترف بكدا لانه خريج ازهر وعارف انهم علي علم وقال انهم اعلم منه , لكن للاسف عامة الناس بيتفرجوا علي الفضائيات الدينية والشيوخ اللي فيها ومعجبين باسلوب كلامهم بصرف النظر عن علمهم ,من الاخر كدا شيوخ الفضائيات عندهم كارزما اللعب بعواطف الناس , وللاسف لو قالوا ايه حتي لو مخالف للشريعة الناس حتمشي وراهم ,واي حد ينتقدهم او يخالفهم يبقي ضد الاسلام او يبقي مبيفهمش فى الدين حتي لو كان شيخ واعلم منهم .
حبيبي يا حسين باشا
انا أسعد يا غالي .... ولا تأخذني أن صدرت مني كلمة كدة أو كدة تم تفسيرها خطئاً نحن في الاول والاخر أخوات يا غالي ... بس أمة أيه ياباشا الي هتنصلح دي ... والامة ياريس الي هتبوظ من ورى برنامج زي برنامج باسم أو برنامج مواهب العرب او اكس فاكتر او اي برنامج هشك بيشك تبقى أمة رقيقة ضعيفة
وبرجع بكرر أحنا لازم نفكر بجديه في ألهاء الشباب باي حاجة بعيد عن التظاهر والحرق والتدمير نلهيهم بعيد عن السياسة ودع السياسة للسياسين ... وعلى فكرة يا صديقي الاخطر من برنامج محبوب العرب هيا المسلسلات التركي ... ( ايه ده يا جدددددع ) يالهوووووي على المسلسلات التركي وحلاوة المسلسلات التركي
زي مسلسل لارا ... حبيب لارا كان سهران مع ابوه فابوه بيقولوا انزل البدروم هتلنا قزازة نبيتي او ويسكي علشان نحتفل بالمناسبة الجميله دي هههههههههههه
شوف يا أخي أزاي مع أني كنت من الأوائل والمتفوقين عمر مالحج آحتفل معايا حتى بقزازة حاجة ساقعه هههههههههههههه حبيبي يا سونا :) تحياتي
( طبعا بهزر علشان في ناس ممكن تقيم عليا الحد ولا حاجة )
وتحياتي
[img3]http://sphotos-b.ak.fbcdn.net/hphotos-ak-ash3/s480x480/598650_224623861011574_1939108006_n.jpg[/img3]