♋ لعنة الله على whatsapp الي هيزعل الناس مني !!!

http://img.tgdaily.net/sites/default...s/whatsapp.jpg

♋ لعنة الله على whatsapp الي هيزعل الناس مني !!!

http://www.ubergizmo.com/wp-content/...appandroid.jpg

رغم ان البرنامج ده اختراع في حد ذاتوا ... بس في ناس زهقتني وطهقتني في حياتي ... طول ماهما قاعدين ... قاعدين فاضين يقوموا يبعتولي فيديوهات. على صور ... وكل فيديو يا مشاء الله كام ميجا بايت وانا كل الحكاية مشترك في الباقة. بتاعت امووو خمسين جنية. ... وسيبكم من الفلوس ومن الباقات. المشكلة ان اي حاجة يبعتوها بتتحوش في الاستوديو يعني بتاكولك من ذاكرة التيلفون

وسيبك من ده كلو. تلاقي نكته بايخه يبعتهالك فلالان. بعد شوية تبص تلاقي علان وتنتان بعتين لك نفس النوكته ولا نفس الفيديو يعني الفيديو هينزل وهيتحمل عندك على الاقل بالميت. يجي ٢٠ او ٣٠ مرة كده
والنكته تتبعتلك بالميت عشرين تلاتين مرة كده ده غير الادعية
وياريتوا الفيديوهات حاجة حلوة بتدحك مثلاً او حاجة ظريفة الا بعد ما افتحوا الاقيه ادعية او شوية شباب بيولعوا وبيحرقوا في البلد ولا بيتظاهروا

@@@@@@

طيب انا زعلان ليه !!!
زعلان لان فوق ما انا بتحمل السخافات الي بتتبعتلي على الوتس اب

لو جيت قلت للي بيبعتها ارجوك متبعتهاش. يقوم يزعل خالص ويقول يعني انا غلطان اني ببعتلك خلاص معدتش اكلمك او ابعتلك خالص !!!!!!!!!!!

ولو جيت من غير ما يحس قومت حطيت عليه بلوك او حذف. التاني بيعرف اني حذفتو او اني حاطط عليه بلوك ويتصل عليا وهو واخد على خطروا وزعلان مني اني حذفتوا هههههه

ولو سكت وقلت يالله بقه. خلي الي يبعت يبعت بلاقي الموبايل هيهنج. من كتر السخافات. الي بتتبعتلي وياريتها جديدة الا مكررة وبتاكول من الذاكرة وبتاكول من الميجا بايت المستخدمة الي انا شايلها ومحوشها علشان الفايبر. طب اعمل ايه ياربي دبروني

ده ليه في ناس. بتزعل مني علشان مبردش عليهم على الوتس اب . طيب يا بني ادم متتصل وتكلمني بالصوت وخلي الوتس اب ده للناس البعيدة ... حتى مراتي لو عاوزة عيش ولا لبن او حتى بقسماط بتبعتلي على الوتس اب وتزعل لو مرديتش عليها طيب انا يعني المفترض اسيب الدريكسيون. وأسيب السواقه واركن على جنب. واقعد ئمئمء عنيا في الموبايل وادور على الحروف. علشان اشوف هيا عاوزة ايه

فلعنت الله على الوتس اب الي بيزعل الناس مني
اعمل ايه وياترى حاسيبن بنفس مشكلتي ولا انا مكبر الموضوع :)

◆ ◇◆ ◇◆ ◇◆
▣ ▣ ▣ ▣ ▣

وتحياتي

حاسس بيك
امسحه احسن

اقتباس:

---

المشاركة الأصلية كتبت بواسطة eng.salama95

حاسس بيك
امسحه احسن

---

يااااااااااااااااريت
بس خايف لو مسحتوا الناس تفتكرني حطيت عليهم بلوك ويزعلوا مني برضوا
:)

انت مكبر الموضوع جدا
اعمل اللي يريحك و سيبك من اللي يريح الناس

بلغهم كلهم انك هتمسحه

فعلا كلامك صح والناس بقت حساسة جدا لاى حاجة بتزعل ومش عارف دة من ايه
يمكن لان التواصل بين الناس بقى زيادة شوية بسبب التكنولوجيا اللى عايشين فيها
مثلا تبقى قاعد مع صديق وتروح البيت تلاقيه قاعد معاك على الفيس يا على برامج الموبيل زى واتس ااب
مابقاش فيه زى زمان كدة فلان وحشك او لما يبعتلك رسالة على الموبيل تبقى مبسوط لانه وحشك
حتى لو رسالة من غير مضمون
بالاضافة كمان ان التواصل الغير مرئى ساعات بيكون سخيف لان انت مثلا بتكون فى الشغل وفى وقت جد
وتلاقى حد باعتلك حاجة غير مناسبة لمودك فدى حاجة بتخنقك
لكن لو هو شايفك بيقدر البنى ادم يحدد مود اللى معاه بحيث مايضيقهوش

فيه option في ال settings بتخلي محدش يبعتلك حاجة غير لما توافق عليها الأول

من اول يوم استخدمت الواس اب فيه وانا مبيتحملش غير اللي اعمله داونلود وبس... مش فاهم ازاي عندك بيتعمل داونلود لوحده؟؟
الفيديو مستحيل يتحمل الا بموافقتك...
ومش معنى انه اتبعتلك انه أتحمل...
تحياتي

Sent from my SE Arc S using Forum Runner

اقتباس:

---

المشاركة الأصلية كتبت بواسطة dr.hazem

من اول يوم استخدمت الواس اب فيه وانا مبيتحملش غير اللي اعمله داونلود وبس... مش فاهم ازاي عندك بيتعمل داونلود لوحده؟؟
الفيديو مستحيل يتحمل الا بموافقتك...
ومش معنى انه اتبعتلك انه أتحمل...
تحياتي

sent from my se arc s using forum runner

---

عندي انا كمان اي فيديو او صوره او اغنية بتتحمل علطووول لوحدها و نفسي اوقف الحكاية دي حتى لو انا اللي باعته بيتحمل عندي تاني

اقتباس:

---

المشاركة الأصلية كتبت بواسطة youssef_u

عندي انا كمان اي فيديو او صوره او اغنية بتتحمل علطووول لوحدها و نفسي اوقف الحكاية دي حتى لو انا اللي باعته بيتحمل عندي تاني

---

هل تقصد عشان بتلاقيه تاني في فولدر وتس اب انه بكده اتحمل عندك؟؟
هو كده متحملش ولا حاجة...
ده مجرد نسخه مصغرة من الفيديو الاصلي عشان ميسحبش داتا كتير لما تبعته....
في برنامج اسمه my data manager بيخليك تحدد اول يوم في الباقه وحجم الباقه ومدتها وبيوريك استهلاكك اول بأول ويوضحلك تفاصيل كتير انصح الكل باستخدامه...
تحياتي

Sent from my SE Arc S using Forum Runner

http://t2.gstatic.com/images?q=tbn:A...dxNG6iL-US0j8C

اهو صورة زي كده بتتبعتلي تلاتين اربعين مره كل يوم الصبح لحد مايفضولي البطارية ههههههه
وانا المشكلة ياشباب لمن باجي افتح الاستوديوا بلاقي الحجات نازلة فيه. ... وعلى الرغم اني عامل موبايلي بالعربي بس بخاف العب فيه او في الخصائص بتاعتوا. بالذات. اني بخاف من حتت الانظمة الي بتكون مشاركة يعني اخاف ادوس على حاجة كده او كده الاقي الصور الي عندي متشيرة على النيت وفضيحة بجلال او نمر التيلفون. الاقيها منشورة على صفحة الفيس بوك وكده. فعلشان كده مبلعبش في التيلفون كتير بسبب الخوف من الحته دي ....
وفعلاً الناس بقووو حساسين جداً جداً جداً بالذات بعد الثورة. تقلش واقفين لبعضهم على الشعره. مش عاوز اقولكم ان حصلت مشكلة كبيرة في العيلة عندنا وقطيعة بين اسرتين بسبب مشكلة على الفيس بوووك ههههه الحمدالله مبخشوهوش ... سبحان مغير الاحوال من حال الى حال ... وربنا يستر لبكرة حد يزعل مني علشان وتس اب ههههه وتحياتي

يا باشا امسحو و اللى يزعل قولو الفون كان بيهنج و مسحت منو حجات كتير

الحمد الله مش بستخدمه علشان الناس بردوا

طب كويس انك قولتلي اديني نمرتك عشان اضيفك و نقعد نبعت صور للياريس بقى ههههههههههههههههه

في برامج كتير في الجوجل بلاي بتخليك تتحكم في الواتس اب وخاصية last seen وخلافه ...

في برنامج هو ده https://play.google.com/store/apps/d...a21hbmFnZXIiXQ..

بيقفل لك اي برنامج شغال في الخلفية اوتوماتيكي وبالتالي بيقفل لك الواتس اب تماما وكإنك مش داخل نت اصلا

معلش لبرنامج ده بيعمل ايه بالظبط

في نظام الأندرويد البرامج تعمل في الخلفية حتى ولو قفلتها وعشان كده تلاقي الرسايل بتاعة الواتس واتصالات الفايبر بتيجي لك عادي حتى ولو خرجت من البرنامج ...

اللي ارسلته لك اسمه برنامج Task killer بيقفل اي برنامج انت بتختاره اوتوماتيكيا او عندما تنطفئ الشاشة او عند ريساتر الجهاز .. الخ

احد ردود فريق الواتس اب على المشتكين من التحميل التلقائي للصور

As part of a product decision, we have removed the ability to turn off auto-download images from recent versions of WhatsApp.
If your friends still see this feature on their phones, they most likely have an older version of the app.

We understand your concern for data usage; however, images on WhatsApp are down-sized, resulting in a typical image size and data usage of approximately 40-50KB per image.

Therefore, even if your WhatsApp .......s send you 100 images per day for an entire month (30 days), that would total to 135MB of data usage. Of course, that's an extreme case and more often the average WhatsApp user receives 19 images per month; this is equivalent to 855KB, or 0.83MB per month. Rest assured, this amount is covered by even the smallest data plans.