والله الطوابير دي امتدت لحد عين شمس والمطريه والزيتون عندنا مش بس في السولار لاء ف البنزين كمان يوم الاربع في بنزينة موبيل السواح والله واقف ساعه ونص (طبعاً بالنسبه للبنزين وقت كبير اوي)
بالنسبه للي بيغلوا ف اسعار البنزين في رقم خاص بوزارة التموين بيتابعو الكلاب الي بيستهبلوا دول والوزير بتاعهم ماشاء الله قمة في الاحترام والطاقه والنشاط وبينزل بنفسه
19468
اي حد هيحاول ينصب عليك في ربع جنيه واحد اوعا ترضى ومش هيقدر يعملك حاجه لأنك ببساطه على حق وهو الي حرامي ولو الموضوع تطاول اتصل بالرقم فعلاً ووديه في 60 داهيه
خليك ايجابي وراجل اوعا صاحبك الي قاعد جنبك يقولك ياعم عادي دا غلبان مش فارقه
لاء فارقه ونص لازم نبقى ايجابيين ::تديله انشالله عشره جنيه بمزاجك وبكيفك وبقشيش دي حاجه ترجعلك
لكن يبقى حسابه 10 ويقولك 15 يابيه قوله اوبجكشن لآمؤخذه
المفضلات