الموضوع: عودة التسونامي الكوري بقوة علي طريق القاهرة/الاسكندرية الصحراوي (ألنترا Vs سيراتو)

التسونامي الكوري (هيونداي - كيا) يعود
و يعصف بطريق القاهرة / الاسكندرية الصحراوي

ELANTRA MD 2012

KIA - CERATO

.... الأستعداد للسفر :
كانت البداية بأبلاغي يوم الخميس بالسفر الي ميناء الاسكندرية البحري (حوض البترول) لعمل معاينات و فحص لأحدي ناقلات البترول التي ستدخل الميناء صباح الجمعة و محملة بحوالي 40,000 طن من البنزين

و فعلا بدأت في الاستعداد للسفر و تجهيز الالنترا للمشوار ده كالتالي :
1- التاكد من مستوي زيت المحرك و حالته (اللزوجة - اللون)
2- التاكد من مستوي زيت الفرامل
3- التأكد من مستوي مياه التبريد
4- تزويد مياه غسيل الزجاج
5- التاكد من عمل الانوار الامامية و نور الفرامل و الاشارات
6- التأكد من عمل الهوايات الداخلية و سخانات الزجاج و المرايات الجانبية
7- فحص الاطارات و التأكد من ضغطها

و طبعا كان يوم لجمعة هو أول يوم لي بعد العملية بدون أدوية أو مسكنات لذا فقررت ان أنام بدري و نيل قسط وافر من الراحة

.... نقطة البداية :
في تمام الساعة السادسة الا عشر دقائق بدأت في التحرك بالالنترا MD من أمام منزلي بالرحاب بعد أن قرأت دعاء السفر المعلق بالمراية الامامية متخذا الطريق الدائري ووصلة المريوطية كي أصل الي محطة أمارات مصر - ابورواش في تمام السادسة و 36 دقيقة حيث توقفت لتناول الكابوتشينو بالكراميل المعتاد صباحا و كي أتحقق من مستوي البنزين و الذي كان يكفي لقطع مسافة تزيد عن ال 460 كم لذا لم أحتاج لعادة التزود بالوقود

.... الانطلاق :
في تمام الساعة السابعة الأ ربع أنطلقت من بوابة القاهرة الي طريق القاهرة / الاسكندرية الصحراوي و أنطلق معي سيارة سيراتو فضية اللون تقودها سيدة في حوالي الاربعين من العمر و كانت سرعتينا في البداية لاتزيد عن ال 120 كم/س , حتي ظهرت سيراتو سوداء يقودها شاب مصري و يصحبته 3 شباب أخرين و تخطي كالأعصار من اليسار و لحقت به السيراتو الفضية

في البداية لم أكن أرغب في الجري و خاصة أن الطريق في المرحلة الاولي منه كان شبه مزدحم و لا تنطبق عليه القواعد التي أضعها و أطبقها للسير بسرعات عالية و كانت سرعتي تزيد بشكل تدريجي حتي وصلت ال 140 كم/س و بدأت في الأقتراب من السيارتين السيراتو اللتان كانتا متلازمتين أمامي

بدأ الطريق يفتح شوية و الحارة اليمين فاضية تماما لمسافة كبيرة ممتدة لمرمي البصر , لذا أخدت الحارة اليمين و بدات في رفع السرعة تدريجيا لأتخطي كل السيارات علي الطريق بما فيهما السياراتين السيراتو علي سرعة تجاوزت ال 150 كم/س

لحد كده الوضع عادي جدا و انا بعدها هديت سرعتي تاني و نزلت مابين ال 130 و ال 140 لكن بعد شوية تخطت السيراتو السوداء من اليسار مرة أخري و بدأت في الابتعاد لتزداد المسافة الي مافوق ال 300 متر

طبعا الطريق فاضي و بدأت سرعتي تزيد مرة تانية تدريجيا حتي ضاقت المسافة بيني و بين السيراتو الي مادون ال 50 متر و لكن فجأة تخطت السيراتو الفضية من اليمين كالاعصار الهادر

سرعتي كانت في الوقت ده تثريبا 140 كم/س و هنا قولت مابدهاش بقي

و هووووووب .. كيك داون و راح مؤشر لفات المحرك طالع الي مافوق ال 5.000 لفة و بدأت السرعة في ثواني تتخطي ال 180 كم/س لأتخطي معها كلا من السيارتين السيراتو بمنتهي السهولة و اليسر و لما كان الطريق فاضي أمامي قررت أن أستمر و أشوف أخرة الالنترا ايه

و فعلا خلال لحظات بسيطة جدا و علي غير المعتاد وصلت لسرعة ال 200 كم/س و أختفت من خلفي حاجة أسمها سيراتو

بدأت هنا ألاحظ علي مسافة كبيرة وجود سيارات نقل في حارات الطريق ال 3 و علي مسافات متباينة كما أشارت شاشة الجي بي أس لوجود منحني حاد للطريق بعد ذلك فبدأت أهدي سرعتي بشكل تدريجي

لحقت بي السيارتين السيراتو و تخطتا و تكرر نفس السيناريو .. كيك داون و أطلع منه علي 160 كم/س أو 180 كم/س و أوصل الي السرعة القصوي و تختفي السيراتو بمنتهي البساطة

المهم بعد عدة مرات تخطيت فيها السيارتين فوق ال 160 كم/س و تحت هذه السرعة أيضا وصلنا بسلامة الله الي بوابة الاسكندرية في تمام الساعة الثامنة أي قطعنا المسافة في حوالي ساعة و ربع و بدأت مرحلة من الطريق لاتحتمل أي جري أو شد نظرا لوجود مناطق سكنية مزدحمة و تقاطعات لذا كنا نسير تقريبا علي سرعات لم تزد عن ال 120 كم/س في أحسن الظروف

و في تمام الساعة التاسعة الا ربع وصلت بحمد الله الي منطقة حوض البترول بميناء الاسكندرية أي بعد 3 ساعات كاملة من بدء تحركي من أمام منزلي لأبدأ بعد ذلك ماراثون أخ أستمر قرابة ال 11 ساعة من العمل علي متن ناقلة البترول


.... أهم نتائج الاختبار :
1- تأكدت من الحالة الفنية الممتازة للألنترا MD بعد قطع مسافة زادت عن ال 37,300 كم بدون تغيير للبوجيهات و تحقيق معدلات تسارع و أستهلاك بنزين مشابهة تماما لما كانت تحققه و هي جديدة
2- حالة الفرامل مازالت جيدة جدا بنفس التيل و علي سرعات 200 كم/س و سرعات 140 كم/س في ملفات بزاوية ميل 30 درجة
3- كان لدي شك في أن الزوايا محتاجة لأعادة ظبط لكن أثناء الاختبار تركت طارة التوجيه علي سرعة 180 كم/س و ظلت السيارة في حارتها تماما
4- أثناء الكيك داون و تخطي السيراتو علي سرعات مختلفة و عند الوصول الي سرعة قصوي زادت عن ال 200 كم/س كان التكييف يعمل بكامل كفائته
5- متوسط الاستهلاك اللحظي للبنزين أثناء الكيك داون و علي سرعات مافوق ال 180 كم/س وصل الي 18 لتر / 100 كم
6- متوسط أستهلاك البنزين للرحلة كلها حوالي 8.0 لتر / 100 كم بالرغم من السرعات العالية التي تم تجربتها و لمسافات كبيرة نسبيا عن السابق


طبعا في نهاية تلك المرحلة أنا لا أدعو للتجربة أو زيادة السرعة بهذا الشكل لأنها مخاطرة بكل المقاييس و لكن في حالتي هي مخاطرة محسوبة جدا و اللي ركب معايا عارف كويس جدا أنا بأسوق أزاي و بأعني ايه بالكلام ده

و الي اللقاء في الجزء الثالث و الاخير من الموضوع و مرحلة العودة و ظهور خاص و مثير جدا لتسونامي كوري علي طريق الاسكندرية / القاهرة ليلا

المشاركة الأصلية كتبت بواسطة khaabas

مفيش حاجة عن الار بى هههههههه انا ابتديت اكره العربية هههههه

أزاي بقي ... فيه طبعا
و أنا راجع بالليل و داخل كارفور أسكندرية ... عربية أر بي حمراء بلوحات الاسكندرية زنقت عليا و دخلت قدامي الاول ......

بس قولت ماشي عديها له أهو هيونداوي برضه
هههههههه

المشاركة الأصلية كتبت بواسطة beshomilan

معقول ست بالسيراتو بتجرى بالسرعات دى فى الطريق؟؟
امال ليه قارفيننا جوه البلد بمشى السلحفاه ده

و ست كبيرة مش صغيرة
بس بصراحة استاذة و فاهمة جدا