ازاى اعرف ان عداد البنزين مش مرحل من تحت ؟

**aldesha989** · 09-03-2013 04:12 PM

السلام عليكم ورحمة الله وبركاتة

انا هيحصلى حاجه واعرف عداد البنزين اخره فين انا عمرى ما جيبت اخر يعنى بحط بنزين وهو على الربع او قبل الربع بحبه حلوين

انا مش هستهلك على طول لحد الاخر علشان عارف ان بيبقى فى وساخه فى التانك بتأثر على العربيه بس انا عايز اعرف هو اخره فين
لما بحط بنزين المؤشر بيترفع بعد اخر شرطه بحبه كتير يعنى بيوصل لحد علامه التانك اللى هى بينها وبين اخر شرطه زى ما تقول ربع تانك بس من غير شرط

وبخاف من اول ما يوصل على النص وبروح احط بنزين افول 29 او 30 وفى مره اول ما اخدت العربيه حطيت 39 لتر وكسور واللى قريته ان عربيتى 43 لتر بس اللى فاكره ان المؤشر ماكنش للأخر

طب دى كده عوامه ؟ لو العداد مرحل لفوق بزياده ولا العداد نفسه مش مظبوط ؟

**rotanamasoud** · 14-03-2013 06:18 PM

مهو من الاخر لو عايز تعرف لازم تفضى التانك
عملتها قبل كده ايام ال27 كنت عايز اعرف اللمبه اللى بتنور قبل البنزين ما يخلص بتنور ولا لا والعربيه بتمشى كام كيلو واللمبه منوره بس عملت حسابى ومليت جركن بنزين فى الشنطه

**magic girl** · 15-03-2013 01:31 AM

تقريباً العداد بينور لما بيبقى فاضل 5 لتر تقريباً.. يعني انا نور قبل كده و كنت عند المنيب رايحة المعادي و طلعت الدائري و رحت لحد البنزينة اللي في المدخل الأول و محصلش حاجة.. عامةً بيبقى مكتوب في المانيوال بتاع العربية.

**rotanamasoud** · 15-03-2013 01:34 PM

المشاركة الأصلية كتبت بواسطة magic girl

تقريباً العداد بينور لما بيبقى فاضل 5 لتر تقريباً.. يعني انا نور قبل كده و كنت عند المنيب رايحة المعادي و طلعت الدائري و رحت لحد البنزينة اللي في المدخل الأول و محصلش حاجة.. عامةً بيبقى مكتوب في المانيوال بتاع العربية.

تقريبا العربيه ممكن تمشى 20 كيلو باللمبه