عرض للطباعة
وزير التحطيط اكد ان تخصيص 150 لتراً من البنزين شهريا للسيارات الملاكى فئة الـ 1600 سى سى ده خبر اكيد وال ٢٠٠٠ سي سي لهم الله يعني لتر البنزين حيبقي ب ٣.٢٥والكلام ده حيتم تطبيقه علي السيارات الحكوميه في شهر ٥ والملاكي في شهر ٦ ايه العمل في المشكله دي
الواحد يروح يسقط ١٦٠٠ ويسبتها علي الرخصه ويرجع يسقط ٢٠٠٠ سي سي تاني ولا نروح نراشي بتوع المرور ونعمل زي الي ثبت علي الرخصه ١٦٠٠ وهي ٢٠٠٠ سي سي
ايه اعمل :U_thin1[1]:
هو الموضوع هينطبق ايضا على بنزين 80؟
والله انا الي شاغلني بنزين ٩٢ لاني مينفعش امون ٨٠ بس الي سمعته ان المواطن حيبقي له ١٥٠ لتر شهري بس بمعدل ١٨٠٠ لتر سنويا وده لل ١٦٠٠ بس
هقول ايه بس حسبي الله و نعم الوكيل المفروض الاول الف بيه كده يشيل جمارك الالفيين سي سي قبل اي حاجه الناس مش علي مزاجهم و يخفض الضريبه السنويه
حسبى الله ونعم الوكيل فى الحكومة دى يعنى عربية زى عربيتى 2000 سىسى موديل 98 شاريها ب46 عايزين يحسبوها سيارة فارهة غالية لا تستحق الدعم...كل اللى طالبه 100 لتر فى الشهر بس وكمان بنزين 80...
انا معايا لانسر شارك 1600 سي سي موديل 2012
بحط بنزين 92
مش فاهم حكايه 150 لتر شهريا
يعني امللا 150 لتر ف الشهر ببلاش ولا 150 لتر ف الشهر بالسعر القديم واي لتر زياده هيبقا بدون دعم ولا ايه الموضوع ؟
هو ال ١٥٠ لتر هتملاهم بالسعر القديم
يعني يعتبر برضو ببلاش ... لان احنا بنتكلم ان سعر الليتر ب ١٨٠ قرش والحاجة الساقعه اللتر ب ٣ جنية
ده قزازة النفض (النفط) بقت باتنين جنيه ونص يعني البانزين يابلاش .
المهم انا كنت عاوز اسئل يابش مهندش عبدالرحمن هو الاوبل الفيكتر ال ٢٠٠٠ سي سي تفرق ايه عن ١٦٠٠ سي سي في السحب ؟
ولو عملت حركت وضع المتور ١٦٠٠ وتثبتوا على الرخصه وبعدين تشيلو وتركب ال ٢٠٠٠ فهل تفتكر ساعتك ال ١٥٠ لتر الشهرياً هيكفوك
تصور عربية زي دي هتستفيد من دعم البانزين ولا يطبق عليها القرار وهيا ٤٥٠٠ سي سي
http://content.bezaat.com.s3-externa...42fb885ffb.jpg
150 لتر 92 ولا 90 ولا على حسب؟
الموضوع ده اتقال كتيير جدا قبل كده ومتطبقش ممكن يكون مش حقيقى او اشاعات او اى حاجه زى كده يعنى
سياسة لا تحمل السياسة
الزيادة عمرها ما تبقي بالطريقة دي
يعنى اللى معاه 1000 سى سى زى اللى معاه 1600 سى سى
كله 150 لتر
طب ازااااااااااى
١٦٠٠ كثير المشاكل وضعيف علي جسم العربيه واكبر مشكله فيه وحده الكونترول وغير موجود بكثره في الاستيراد وقطع غياره اغلي بكتر عن ٢٠٠٠اقتباس:
المشاركة الأصلية كتبت بواسطة y a r i s
تاني جاجه ١٥٠ لتر انا عن نفسي ممكن يكفوني لاني بستخدم العربيه نصف الشهر فقط
آخر تصريح للوزير قال فيه إن كل السيارات حتى سنة 2000 سوف تعامل معاملة السيارات 1600 سي سي، يعني مفيش حد هيطبق عليه إلا اللي معاه موديل أعلى من سنة 2000.
بجددددددددد ؟؟؟؟؟؟ يارب يكون حقيقي يارباقتباس:
المشاركة الأصلية كتبت بواسطة driver101
عشان انا اساسا 2000 سي سي و استهلاكي اقل من ال1600 بعمل 200 كيلو في الصفيحه "20 لتر" بالتكيف و الزحمه و ساعات منغير تكيف و الكلام ده بتوصل لاكتر من كدا كمان الحمد لله يارب
ياريت لو في لينك يبقي تشكر
يا بشوات
كل واحد يحط فى بطنه بطيخة صيفى
لية بقة ؟
لان لا يفل الحديد الا الحديد
بالبلدى البنزين فى السوق السودة هتلاقية مرطرط
و الناس اللى مسافرة و معاها عربيات مركونة هتلاقى البنزين بتاعهم
و فى المرور الدنيا رشاوى
طالما انت عايش فى منظومة غير منظمة يبقى لا يوجد بها اية قوانين
لانه سهل جدا اختراقها و باقل الاسباب
ادى الحكاية انا بستهلك فى الاسبوع 30 لتر تقريبا و عربيتى 2000 سى سى و عربية المرحوم اخويا 1600 سى سى و مركونة فبكدة الدنيا تتعدل و زى الفل
فعلا بلد بايظة
و يجعله عامر
كل اللى عنده بنزينه ليه معرفه فيها
هيظبطوه
وايه الفرق بين موديل ٢٠٠٠ و ٢٠٠١ فيكترا بي مش واحد والله ظلم نحن في زمن النفخاقتباس:
المشاركة الأصلية كتبت بواسطة driver101
انت عارف يا طنانى ان جنب بيتى بنزينةاقتباس:
المشاركة الأصلية كتبت بواسطة tananybasha
جنب بيتى ازاى ؟
يعنى بطول الشقة عندى لو فتحت اى مخرج شباك البنزينة هترفع عليا قضية فتح على الجار
فبتالى هخلى اونكل البواب ياخد 5 بلبل و يظبط بتوع البنزينة و يجيلى الجركن لغاية باب الشقة
مش بقولك بلد وسخة
أو ممكن تشتري عربية سيات القديمة دي مش هتكمل 5000 جنيه بالترخيص بتاعها و تاخد ادعم بتاعها
كلامهم مش واقعى .. معلش يعنى ال 150 لتر دول وانا 1600 مش هيكفونى اسبوعين .. يعنى الباقى هشتريه بالسعر الحر .. واحنا مرتباتنا اساسا زى الزفت ولا هى حره ولا نيله ..
وبعدين دى سياسه كوكو واوا .. قال ايه هيوفرو الدعم بالمنظر ده .. طب ما انتو هتصرفوه تانى ف الكروت الذكيه والموظفين اللى هيعملوها او التعاقد مع شركه تعملهم والمكن اللى هينقرى عليه ومسئولين التوزيع و و و و ...!!!
مفيش اى تفكير لقدام اطلاقا .. اى قرار لا بيدرسوه ولا اى نيله ..
وما زلت عند رأيي ان االقرار ده صعب تنفيذه لانك ف بلد فقيره .. الناس تجيب منين يعنى ؟؟ شوف كام شاب شغال مندوب مبيعات وبيلف ليل نهار ..
ده زيه زي قرار الضرائب العقاريه .. خراب اسود وما ينفعش يتطبق ابدا ..