عايزة اعمل الليزك و خايفة

**misry** · 10-03-2013 12:20 AM

بص مش شرط.. ماهو ياما دكاترة بيدخنوا، و ياما دكاترة اسنان و سنانهم ما يعلم بيها إلا ربنا و سهل انهم يعملوا تقويم، و ياما دكاترة تخسيس و بيبقوا 100+ " شفت بعيني محدش قاللي !! " .. ده انا مرة قريت من سنين عن دكتور طلق مراته عشان مخلفتش ولد !! و معروف إن اسوأ المرضى هم الأطباء، فطبيعي متلاقيش دكاترة كتير عاملينها :)

كلام صحيح 100% ... مع اني دكتور اسنان الا اني بخاف اروح لدكتور الاسنان

أختي عملت العملية وهي ممتازة جدااااا , بس متعبة أول فترة بعد العملية ...

بالتوفيق

**magic girl** · 10-03-2013 12:39 AM

المشاركة الأصلية كتبت بواسطة misry

كلام صحيح 100% ... مع اني دكتور اسنان الا اني بخاف اروح لدكتور الاسنان

أختي عملت العملية وهي ممتازة جدااااا , بس متعبة أول فترة بعد العملية ...

بالتوفيق

ماهو دكاترة الأسنان بصراحة محدش بيحب يروحلهم، ده كفاية اصوات الألات و هيا شغالة في الفم، ههههههههه

**misry** · 10-03-2013 12:49 AM

ماهو دكاترة الأسنان بصراحة محدش بيحب يروحلهم، ده كفاية اصوات الألات و هيا شغالة في الفم، ههههههههه

بس بيروح لهم في الآخر للأسف ...

العيون بقى حاجة تانية , الواحد بيروح وهو فرحان ومرتاح مش متوتر ...

على العموم عملية الليزك آمنة بنسبة كبيرة جدا والدكتور اللي هيحدد اذا كانت تنفع وللا لأ , بس على فكرة

لو بتلبسي عدسات هيبقى في مشكلة وأعتقد انك لازم تقلعيها قبل العملية بفترة ...

بالتوفيق

**Egyzizo** · 10-03-2013 02:00 AM

فيه 3 قريبين منى عملوها وانبسطوا ..
ما تنفعش للمقاسات العالية الأكتر من 12 (ليها بدائل تانية بتجيب نتائج حلوة).

بيصلح قصر النظر
بيصلح طول النظر
بيصلح الأستجماتزم

الحاجة الوحيدة اللى مش بينفع معاها (الليزك العادى اللى موجود فى مصر) هو طول النظر اللى بيحصل بعد سن الأربعين (بصر الشيخوخة) (بالعكس ، الليزك بيخليه أسوأ).

**Ahmed_selmy** · 10-03-2013 07:44 AM

العمليه عاديه يا جماعه , انا اختى عملتها بقالها يمكن سنتين او اكتر ومفيش اى مشاكل, وليا قرابى واصحابى عملوها من سنين وزى الفل محدش اشتكى خالص منها.
اهم حاجه ان حضرتك بعد العمليه تلتزمى بالكلام بتاع الدكتور والقطرات اللى حيديهالك, وحيقولك شوية نصايح كدا زى متغسيليش عينك لمده اسبوع ومتقعديش امام التلفاز لمده معينه وهكذا .....وان شاء الله حضرتك حتبقى زى الفل ومفيش منها اى مشاكل.

**احمد المصرى** · 10-03-2013 07:48 AM

انا عامل العمليه من حوالى 3 سنوات والحمد لله تمام جدا المشكله الوحيده هيا بعض الجفاف فى العين ودا علاجه قطره وخلاص

**S O P H O S** · 10-03-2013 12:29 PM

انا اخويا عمل العميلة من سنة ونص تقريبا والحمد الله كويس ..

**h_shahin** · 10-03-2013 12:44 PM

انا عملت العملية من 7سنين و كان عندي استجماتيزم خفيف و الحمد لله لغاية دلوقتي معنديش مشاكل
لكن بعد الاربعين ابتدت مشكلة طول النظر و دي طبيعية في العمر ده
ليا فريب عمل العملية و عينة كانت هتروح من التلوث
مشكلته انه و هو مروح بعد العملية التراب دخل في عينه
و التهبت بشكل كبير و قعد يتعالج من الالتهابات دي لمدة طويلة

Sent from my MZ601 using Forum Runner

**nona_yaris** · 10-03-2013 01:04 PM

هل العملية دي بتغني عن استخدام نظارة المشي فقط
او انها بتغني كمان عن لبس نظارة القراءة
وخاصة لمن هم في سن اكتر من 40 سنة ؟؟؟
انا سمعت ان الاجهزة الحديثة ممكن تغني المريض عن نظارة القرءة تماما
هل حد عنده خلفية عن النقطة دي