الموضوع: سيارات من الخليج

يا باشا العربية هتكون زيها زي اي خليجي مالهاش ضمان في مصر لكن سعرها هيكون اقل من سعر المعارض وده اللي انا عامله كعرض لنايل موتورز

ياباشا انت مشكور والله على المبادره الجميله دى بس انا ليا واكيد برضه لبعض الاعضاء شويه استفسارات
موديل العربيه
ــــــــــ هل زيرو ولا اي موديل نطلبه
وضع الاوراق بتناعتها
ــــــــ هل هيبقى فيه مشاكل مع الجمارك والمرور
ثمن العربيه
ـــــــ هل هيكون قبل الجمارك والترخيص ولا بعدهم ويكون شامل كل الاجراءات واخد الرخصه باسمى
الماركات
ــــــ هل الاختيار محدود على الجيتا والاوكتافيا ولا المجال مفتوح
ياريت تقولنا على الاجابات دى ولو انت عندك اجابات زياده عن حاجه نسيت اسأل عليها برضه قولها لسهولة استيعابنا للموضوع
ونرجومنك وضع بعض الاسعار للعربيات من بعد نهايه الاجراءات وتسلم الرخصه بما فيها المده المطلوبه للاستلام
وشكرا لمجهودك الجميل ده (بالنيابه عن الاعضاء)

انا متشكر اولا على الردود وهحاول بقدر المسطاع اني ارد على كل الاسئلة ، العربية هتكون زيرو محدش ركبها قبلك زيها زي اي عربية والسعر اللي هدهولك هيكون السعر اللي حضرتك هتشتري بيه العربية هتاخد مني العربية تروح ترخص بدون اي مشاكل، فيما يتعلق هل العرض متضمن كل العربيات ولا الاوكتافيا والجيتا بس حاليا دول اللي ممكن اعمل عليهم عروض كويسة لاني كنت محضر مفاجاة للي هيشتري العربية انه هيروح لمركز خدمة معتمد انا متفق معاه عشان صيانة الاوكتافيا والجيتا وده ممكن اي حد يعمله لكن الجديد مني انا اني هدي ضمان على العربية لمدة سنة لو حصل لا قدر الله ان العربية فيها اي عيوب تصنيع وده طبعا هيجيلي بتقرير من مركز الصيانة فالقطعة دي هتتغيرله بالمجان لكن برضه لو في طلب على نوع معين من السيارات يا ريت تقولولي وانا هحاول اشوف ايه الخدمة اللي ممكن اعملها عشان اجيبها بسعر خاص ليكم. بالنسبة للتقسيط الموضوع ده عايز شوية وقت لاني لسه بادئ لكن قريبا ان شاء الله هيكون التقسيط متاح. وانا في الخدمة لو عندكم اي استفسار تاني

يا باشا زي ما قولتلك انا بدات اشتغل في العربيتين دول دلوقتي لان هما دول اللي عرفت اجيب فيهم احسن اسعار فركزت عليهم لكن زل ما قولتلك يا باشا لو الاعضاء عدد كبير منهم استقر على نوع معين هبدا اركز عليه واجيبلكم فيه سعر كويس ان شاء الله