الموضوع: كيف ابحث عن وظيفة

المشاركة الأصلية كتبت بواسطة sayed911

بسم الله الرحمن الرحيم

السلام عليكم ورحمة الله وبركاته


اخواني في الله

كالعادة لما بعجز وبتضيق بيا السبل بجيلكم انتم !!

ليا بنت عمي متخرجة دفعة 2011 من كلية هندسة قسم اتصالات ولم تبحث عن عمل ولكن في هذه الفترة قررت انها تبحث عن عمل وانا متولي هذه المهمة مكانها واحب اقولكم انا شوفت بلاوي بلاوي بلاوي !

انا كل اللي طالبه حد يعرفني ازاي ادورلها على وظيفة كويسة ومحترمة مش مهم المرتب هيا البنت ما قاطني مدينة الرحاب فالوظيفة تكون في مصر الجديدة مدينة نصر التجمع او مكان قريب لمراعاة انها فتاة حاولت ادور على مواقع كتير ولكن دون جدوى الوظائف مبهمة ومش فاهم حاجة فيها وخايف ارميها رمية طين فقولت استعين بحضراتكم اكيد حضراتكم ها تفيدوني اعمل ايه واتصرف ازاي وادور ازاي ! ولا اصرف نظر عن مجال هندسة وادورلها في اي مجال تاني اسهل ؟ اعينوني اعانكم الله ... ولو حد عنده وظيفة كويسة يقولي وانا ها ابعت الـ cv في انتظار الرد ..

سيد باشا :) وعليكم السلام ورحمة الله وبركاته
انت من الناس اللي بحبها لله في لله من غير ما أشوفها! فياريت تاخد الكلام اللي جاي بدون تنشنة. ماشي يا زعيم؟ :)
البنت اللي ماتحاولش تدور بنفسها على شغل هتطلع عين اللي هتشتغل معاهم. ومن ده كتير جدا ويوم ما تشتغل وتنجز (بالنسبة لها يعني) هو هو نصف أو أقل شوية من شغل يوم أي راجل فينا. وبنعاني جدا من محاولة توضيح الكلام ده للزميلات بعد ما يشتغلوا بس بيكون خلاص الفاس وقعت في الراس وتم التعيين من المديرين وإحنا اللي بنشيل كالعادة
فرجاء لمصلحة قريبة حضرتك على المدى البعيد خليها تعتمد على نفسها وتدور بنفسها. حتى عشان لما ربنا يرزقها إن شاء الله بشغل كويس تحس بقيمته
وسامحني كلامي قاسي شوية بس والله العظيم ده هيجنبها مشاكل كتير في المستقبل. وانت راجل انك بتحاول تساعد قريبتك بس بالطريقة دي بتئذيها أكتر ما بتساعدها. أنا فعلا آسف لو كلامي جارح أو بتدخل في اللي مليش فيه

طيب مبدئياً انا متفقة مع كلام استاذ خالد، هيا مفروض فعلاً تدور لنفسها.. علشان أولاً هيا أكثر معرفة بالمجال اللي هيا حاباه بالظبط.. ثانياً عشان فعلاً تحس بقيمة الشغل لما ربنا يوفقها و تشتغل..

ثانياً، دي شوية جروبات لشغل ال IT عامة و فيه بينزل حاجات لمهندسين الإتصالات..

http://www.facebook.com/groups/2361348974/

http://www.facebook.com/groups/205641852872172/

http://www.facebook.com/ITJobsInMidd...ref=ts&fref=ts

http://www.facebook.com/msrjobs.IT?ref=ts&fref=ts

http://www.facebook.com/egyptitjobs?ref=ts&fref=ts

و دول جروبات توظيف

http://www.facebook.com/DGOnlineRecruitment?fref=ts

http://www.facebook.com/Jobsinegypt?ref=ts&fref=ts

و ممكن تدخل على مواقع زي..

Bayt.com

amcham.org.eg

arabrec.com

jobs-factory.net

wuzzuf.com

و فيه غيرهم طبعاً بس ده اللي فاكراه..

و ربنا يوفقها و يجازيك خير انك بتحاول تساعدها.. بس بجد، خليها تدور مع نفسها شوية، هيا مهندسة مش هاتغلب :)