خصم 18 % لملاك كيا من جينز كار لفرش السيارات

**Ahmed.TV** · 10-03-2013 02:41 AM

المشاركة الأصلية كتبت بواسطة ابو ليلى

كل الشكر للحاج احمد مشعل لعرضه الكريم لقسم كيا فهو اخ اكبر لجميع اعضاء المنتدى
شخصيا عملت عنده عربية سول لصديق بصراحة شغله بيتكلم عنه وفاكر
لما رحنا بيه التوكيل علشان الصيانة كانو فاكرينها خليجى وسالو عن المكان اللى بيعمل الفرش ده

احمد مصطفى بتعدى عليك حاجات غريبة !!!!!

والله يا وائل من اللى الواحد بيشوف الايامة دى فى الشغل .. وعدد الساعات اللى بشتغلها من 13 ساعة الى احيانا 20 ساعة اكيد لازم حاجات كتير حتعدى ..

معلش لو بنسى حاجات

والف مبروك عرض كيا .. وشكرا للحاج احمد اللى متاخرش ابدا اول ما طلبت منه الخصم
وفعلا راجل محترم وشغله هو عنوانه ..

وزى ما انت وضحت الفرش بيركب اكنه فبريكة واحسن من الفبريكة

المشاركة الأصلية كتبت بواسطة moha4tec

الف شكر للعرض الجميل من جينز كار .و كالعاده شغل ممتاز و تقفيل 100%
ما شاء الله الشغل جميل جدا جدا خصوصا الريو و الاسبورتاج تحفه بجد بس كمان حسن اختيار الالوان فيهم عجبتنى جدا جدا
لو عربيتى مكنتش فرش جلد كنت عملتها فورا بس عربيتى هاى لاين بالجلد
بس بصراحه الوان الجلد اللى فى الصور تهبل خصوصا الاحمر بتاع الاسبورتاج و بتاع الريو لايق جدا مع الوان العربيه من الداخل
ما شاء الله
و شكرا جزيلا لاستاذ احمد
اســتشــارى قســم نـيـســـــان
على اللفته الجميله جدا دى
و يا ريت الاعضاء يلحقوا العرض دا و الخصم الكبير دا

والله يا محمد بدون القاب .. الواحد بيدور على مصلحة الجميع .. ولما جبت العرض ده فكرت فى اخوانى .. مش لمجرد استشارى او منسق او من الادارة .. اهم حاجة الاعضاء يستفاد

واكيد الواحد حيكون فرحان لو جبتوا عرض لينا فى نيسان .. لان كله بيصب فى مصلحة واحدة وهى افادة الاعضاء اخوانا جميعا

وسمحنى بعتلى رسالة معرفتش ارد والاقى وقت للرد .. لان والله مش شايف قدامى
لان تواجدى اصبح قليل جداااا .. واى رد واى موضوع بياخد وقت منى فى تجهيزه لان بحب ارد بالدلائل والاثبات .. وكمان بحب لما اتكلم على حاجة او اعمل حاجة اكون حاببها .. فللاسف ده بياخد وقت .. واصبح الوقت معايا قليل .. وعشان كدا قصرت معاك .. سامحنى

المشاركة الأصلية كتبت بواسطة jankiez

الف شكر للعرض الجميل من جينز كار

تسلم يا فندم

المشاركة الأصلية كتبت بواسطة shnory

يا ريتني كنت معاهم
طيب يا احمد بيك مينفعش اجيب الفرش وتجيبولي عربيه كيا؟؟؟؟
بس اللي حيقولي برايد حزعل منه ههههههههههه
بالتوفيق يا رجاله
الف شكر لاحمد مصطفي
ولنمور كيا الجامدين
وطبعا لاخي ومن احب الناس الي قلبي الحاج احمد مشعل

حبيبى يا محمد ..

وبعدين يا رجالة الراجل ده كلامه صح .. ميقبلش اقل من سبورتاج
ومش مشكلة انا راضى بالبرايد

المشاركة الأصلية كتبت بواسطة houseiny

الف يا شكر يا احمد باشا على اخبارك الحصرية دايماً ، طبعاً لازم تكون حصري شغل تليفزيون بقى ، وبجد لولا اني لسه فارش العربية عند الحاج احمد كنت روحت وفرشتها تاني ، لأني بجد كفاية اني اروح بس واقعد مع الراجل ده ، حد بجد عالمي سواء في الأخلاق او في الشغل والنظام ، وبجد يا حاج أحمد انت رقم واحد وهتفضل رقم واحد ، لأي بجد جربت شغلك وشوفت شغل غيرك وبجد مش هقول غير ربنا يباركلك على الشغل المتحترم اللي بتعمله اللي فعلاً يستحق كل احترام ، وسيبك بقى من ابو 900 و400 والكلام اللي زي الفل ده ، لأ بجد أنت راجل لو طلبت 10000 جنيه في شغلك برضه مش كفاية عليك ، لأن انت تستاهل كل خير وفعلاً شغلك يستاهل

الله يحرق التليفزيون وسنينه .. انا بقيت شبه ببات فيه دلوقتى الله يكرمك متفكرنيش
فعلا كلامك صح .. فعلا الشغل والفنش اللى فى شركة جينز كار بصراحة لا يعلى عليه مقارنة باللى موجود فى السوق
بس استخبى بقا بردك ده .. ليقولوا انك بتعمل بيزنس مع جينز كار عشان تقول الكلام ده

اصل شهادة الحق دلوقتى بقت بيزنس .. وعقول الناس والحرية اللى بقت فى البلد اصبحت حاجة غريبة وبتدى للناس حقوق غريبة انهم يتهموا الناس بالباطل

ربنا يهدى الحال

**الغزالى** · 10-03-2013 03:10 AM

ينفع ... أودى حفيظه :d
مبروك لملاك الكيا العرض ده .. وان شاء الله أكبر عدد يستفيد منه

**dr.hazem** · 10-03-2013 03:58 AM

مينفعش تبعتولي فرش لعندي بره مصر؟؟

هههههه
تحياتي

Sent from my SE Arc S using Forum Runner

**SHNORY** · 10-03-2013 03:12 PM

المشاركة الأصلية كتبت بواسطة ahmed.tv

حبيبى يا محمد ..

وبعدين يا رجالة الراجل ده كلامه صح .. ميقبلش اقل من سبورتاج
ومش مشكلة انا راضى بالبرايد

لا ياعم السبورتاج لازمها بنزين 95 وحتخرب بيتي
انا كفايه عليا اخد السيراتو بتاعه ابو ليلي و2000 جنيه كل شهر لزوم الروشنه
ههههههههههه
وانت برايد ايه دي اللي حتوافق بيها
دا احنا في كيا يا راجل اغني اقسام المنتدي علي الاقل خد ريو حتي

المشاركة الأصلية كتبت بواسطة dr.hazem

مينفعش تبعتولي فرش لعندي بره مصر؟؟

هههههه
تحياتي

sent from my se arc s using forum runner

ينفع يا باشا طبعا
حنبعتلك كام متر جلد وبكرتين خيط
وخليهم عندك ولما تيجي يتفصلوا علي عربيتك

**محمد بدر** · 11-03-2013 09:03 AM

أستاذ / أحمد ومن غير سلام كمان
أولا" أنا زعلان جدا
ولى عندك حق عرب ومش هسيبه
وحضرتك حططتنى ديما فى دماغك مش عارف أنا عامل لحضرتك إيه
حضرتك ذكرت تقريبا موديلات كيا كلها فى هذا العرض حتى البيكانتو وتجاهلت تماما السبورتاج وده طبعا شئ متعمد من حضرتك وانا عارف السبب ومش هقول عليه

ههههههههههههههههههههههههه ههههههههه
سيبك بقى من التهريج ده كله إللى فوق وندخل فى الجد

والله وحشنى جدا
وفى البداية أتقدم لشخصك الكريم بخالص الشكر والتقدير لدعمك لقسمنا الغالى كيا بهذا العرض المميز وهذا يؤكد إنتمائك للمنتدى ككل بجميع أقسامه ولا يقتصر على قسم واحد وأيضا يؤكد كلامى الذى أقوله دائما ان هذا المنتدى العظيم بيتا" واحدا" مهما أتفقنا أو أختلفنا فنحن فعلا" أسرة واحدة تجتمع على الصداقة والحب والمودة

أخى وصديقى الحبيب / أحمد بك
طبعا بالنسبة لجينز كار

أولا التجربة خير دليل والله أنا لاأقول إلا كلمة حق مكنتش أتمنى أحسن من كده فى فرش السبورتاج يا فندم الفرش فبريكا بمعنى الكلمة والكلام قلناه كثير على المنتدى و عند ذهابى لآحد السروجية المعروفين والمشهود لهم بالكفائة والله الناس قعدوا يرفعوا الكراسى ونزلوا الكنبه ومكنوش مصدقين أن الفرش تفصيل وفى الآخر قالوا لى أكيد بيشتغل بمكينات غالية إحنا المكينات عندنا صينى - على فكرة انا كنت عند السروجى ده علشان أعمل كفر كبوت علشان السفر

محدش يقدر يتكلم طبعا على شغل جينز كار إلا بكل خير وأتحدى
ولاكن هذا العرض المغرى المقدم من جينز كار ده طبعا لى كل تقدير وأحترام منى وأعتقد إن عروض وخصومات جينز كار مستمرة طول السنة وهدايا جينز كار أيضا مستمرة وبدون عروض كمان
يعنى إللى يفوته العرض الأسبوع ده ميخفش العروض طول السنه مش كده برضو يأبو حميد

الناس دول مجرد علمهم إنك من أعضاء نيل موتورز إنسى إنسى
أحلى خصم وأحلى واجب - الناس ديه بتقدر أعضاء المنتدى بشكل رائع ولا ننسى حرص الأستاذ / أحمد مشعل على حضور أجتماعات المنتدى لمقابلة أعضائه وكمان تقديم شوية هدايا كده على الماشى وهذا ما فعله معنا فى مقابلة قسم كيا فى الرحاب

وعلشان كده لازم نرد لهم الجميل فى شهادة حق لهم مش علشان حاجة لأ علشان هذه الروح الطيبة

ألف مليون شكر جينز كار
ألف مليون شكر أحمد / يوسف / عبدالفتاح مشعل طبعا" مع حفظ الألقاب
ألف مليون شكر أحمد مصطفى وفقك الله دائما إلى ما هو فيه خير لك وللجميع
أه ومتنساش حق العرب
هههههههههههههههه حبيبى والله

**zicooo2008** · 18-03-2013 01:53 PM

جزاك الله خير ا/ احمد و فعلا الشركة محترمة و ده بيبان من اول شىء و هو قيامى بعمل مكالمة مع الاستاذ / احمد مشعل و ترحيبه الممتاز بأى عميل جديد

**big big** · 18-03-2013 02:31 PM

ياجماعة عندي مشكلة الاستيكر بتاعي اتسرء ق من علي العربية كنت لزئه علي الشنطة نزلت الصبح لئيت واحد شايلة وملهوش اي اثر وللعلم انا كنت شارية ب 50 ج من جينز كار اول ما عملت عربيتي الالنترا عنده من سنة اعمل اية ياريت حد يدلني

-

-

الموضوع: خصم 18 % لملاك كيا من جينز كار لفرش السيارات

LinkBack

أدوات الموضوع

عرض

-

-

-

-

-

المواضيع المتشابهه

تجربتي مع محل لفرش السيارات ..

خصم خاص من جينز كار لفرش السيارات لاعضاء نيسان

الكلمات الدلالية لهذا الموضوع

المفضلات

المفضلات

ضوابط المشاركة