الموضوع: لما بتشوف حال البلد...بتقول ايه لنفسك ؟؟(بعيدا عن السياسه)

المشاركة الأصلية كتبت بواسطة amdd

المشكلة يافندم اننا اعتبرنا نفسنا اعداء لبعض وبقينا بنحارب بعض والله الناس فى الدول التانية بقت بتضحك علينا
انا نفسى الاقى مشكلة ولو صغيرة بتتناقش على الفضائيات عند الدول دى مفيش غيرنا احنا اللى مبنحبش بعض وبنشكك فى بعض وبنموت ونخون بعض للاسف
انا مش ضد الاعلام لكن نفسى كل القنوات الحواريه دى تتبث على تردد ارضى ومتطلعش الفضا بدل ماحنا ناشرين غسيلنا كده بره قدام اللى يسوا وميسواش
انقسمنا مؤيدين ومعارضين وخصوماتنا بقت بتزيد وبتولع اكتر
مع ان قبل كده كنا عايشين مع بعض من غير اختلافات
صدقونى قريب الناس هتبتدى تفكر تروح لاخصائيين او دكاتره نفسيين للعلاج النفسى والاكتئاب والاحباط ...انا نفسى بفكر اعمل كده
لما بشوف حال البلد ...بقول ياريتنى ماتجوزت ولا خلفت على الاقل كنت هبقى بطولى فى اى داهيه
لكن البلد دى فيها ناس كتير طيبه وربنا اكيد هيكرمنا ان شاء الله

لا مش لدرجة العداء يعنى
كل الحكاية ان كلنا اعصابنا تعبت ومش عارفين بكرة فيه ايه
ومش معترضة ان الثورة طلعت اسوا مافينا لكن دى فترة وهاتعدى وهانرجع ناس طبيعيين تانى
يعنى ممكن نعتبر نفسنا فى فترة مرض شديد وتليه النقاهة باذن الله ونرجع لطبيعتنا تانى
لكن اكيد ده مش هايحصل غير بوجود اجهزة دولة تطبق القوانين لان مهما كان الشعب طالما لا يطبق عليه القانون يصبح زى ماحنا شايفين كدة
حكاية البرامج الحوارية والكلام ده كله غير مؤثر غير على نفسياتنا بس لانهم بيورونا السواد اللى فى المشهد بزيادة اوى لكن ده اكل عيشهم وبعدين بصراحة هم مش بيجيبو حاجة من برة
حاليا فعلا الصورة قاتمة لكن هم عندهم قدرة على اضافة بهارات للخلطة
تحلية بضاعة يعنى لكن ده مش معناه اننا نستسلم للاحباط
لاااااااااااااااازم نبقى اقويا ونعدى الفترة القاتمة دى بمنتهى التماسك والمستقبل باذن الله هايبقى احلى

المشاركة الأصلية كتبت بواسطة dolly13

باحس ان البلد بقت غريبة علينا او احنا اللى غريبين عليها ومفاصلها اتفككت
لكن دايما متفائلة وباقول باذن الله بكرة احلى من النهاردة
كتير اوى فكرنا نسافر ونسيبها لكن عمرنا ماقدرنا ناخد القرار ده فى اخر لحظات نرجع فى كلامنا ونقول والله ماحنا مسافرين
طبعا خايفين على ولادنا لدرجة الجنون لكن عندى امل ان التجربة القاسية تعلمنا حاجات كتير تغير مننا كمصريين للاحسن رغم ان الدرس كان صعب اوى لكن باذن الله يعدى الصعب

يا ريت تغير فينا للاحسن مش للاسوأ

المشاركة الأصلية كتبت بواسطة ahmed_selmy

للاسف .....اللى الواحد كان منتظره او متوقعه بعد الثورة محصلش منه حاجه.
فعلا الواحد بدا يقول كنا فضلنا زى ما احنا واهى كانت ماشيه.
المشكله ان الناس دلوقتى محدش عارف احنا عايزين ايه ولا احنا رايحين فين .....وللاسف الشديد كل اللى فى السلطه او على الساحه السياسيه عموما كلهم عايزين حاجه واحده .....السلطه فقط
بصراحه انا مش شايف فيهم حد عايز فعلا مصلحه البلد .....كله صراع من اجل السلطه والكرسى .......وكل واحد عايز ياخد السلطه علشان يطبق فكره او علشان ميتحطش تحت فكر حد تانى .
انا مش شايف حد فعلا قدر يجمع الناس كلها وراه تحت رايه واحده .....وهى حب البلد ومصلحة البلد.

كله بيدور علي مصلحته...لو كان فيه حد يجمع الناس دي كلها باختلاف ارائها ماكانش ده الحال مع انه صعب تلاقي الشخص ده...بس تقول ايه...ربك يحسن الحال

المشاركة الأصلية كتبت بواسطة l_khaled_l

+111111111111111

للأسف لم يفكر احد فى مصلحه مصر وشعبها من البسطاء والطبقه المتوسطه التى اختفت ، انا من اولى الناس اللى نزلت الثوره واولى الناس برضه اللى انسحبت من الميدان بعد تحول هدف الثوره من تصليح المفسدات فى البلد الى هدم المؤسسات وكل طائفه تريد اسقاط النظام من اجل ان تصل هى الى الكرسى فقط ، وحتى الان وبعد ظهور الكثيرون على حقيقتهم وجشعهم سواء السلطه او المؤيدون او المعارضون فالجميع لا يريدون الا الكرسى فقط وقريبا سيثور المجتمع عليها اذا استمر الوضع على نفس المنوال ، فهناك اناس من الطبقه المتوسطه اصبحوا فقراء وهناك فقراء يموتون جوعا كل يوم وهؤلاء كل يوم يمر عليهم على هذا الحال سيجعلهم يرفضون المجتمع بكل ما فيه ويثورون عليه وهذا محتمل قريب ، ولكن كل ما اتمناه ان يتم اصلاح عقول المؤيدون والمعارضون ويركزوا على البلد وشعبها كويس ويتحدوا من اجل مصلحتها العليا فالصراع ليس فى مصلحه احد بل ضد كيان الدوله اساسا ، ومع انى مش شايف اى بادره امل فى اصلاح الحال ف مصر ولكننى اصر على عدم السفر للخارج لان مصر الان فى امس الحاجه لابناءها من الشباب وان شاء الله هترجع زى الاول واحسن

ياريت ترجع للاحسن فعلا وكله بيدور هلي مصلحته للاسف

المشاركة الأصلية كتبت بواسطة bobbozo4b

رائ الخاص بعيد عن مقولة "اللى جاى بكره احلى"
الحلم اللى كلنا كنا بنحلمه بعد الثورة
بقول اننا كلنا كنا حزب واحد بيلعن مبارك والظروف وكنا عايشن بنجرى وراء اكل العيش بس
وكنا عايشين فوق وش الفته ومافيش حد فاهم حاجة "بس البلد كانت وقفه محلك سر"
اما الان بقينا مليون حزب و طائفه وكله بيلعن ويخون التانى وبيستغل الظروف عشان يكسب من تانى
وعايشين فى قلب الفته ومافيش حد فاهم حاجة " البلد دلوقتى بترجع لوراء"

لو كل واحد اتقي ربنا في كل حاجه بيعملها هاتلاقي الحال اختلف بس تقول ايه بأه

المشاركة الأصلية كتبت بواسطة y a r i s

انا طول عمري كنت ضد مبارك وكان لساني هو الي جايبني ورى ...
بس لمن قامت الثورة بيني وبينكم كنت رافضها وكنت ضددها مش لسبب ... ولكن لخوف من داخلي ان الزبااااااااااااالة هتطلع والافاعي والعقارب هتوخرج من جحورها تطالب بحقوقوها ... مكنش نفسي الثورة تستمر كفاية ان الولاد ادروا يضربوا حسني قلم. علموه الادب ... وينسحبوا بقه ... بس لقيتهم بيقولوا مش هنمشي هو يمشي .

واول ماشفت كارفور المعادي بيتسرق. قلت ااااااااااه ابتدينا ابتدينا ابتدينا ... بس طول مافيه بكره ربنا يعوض علينا ... ويعوض الله يعوض الله يعوض الله ههههه وهوبا. الي عملوه في المهندسين وتكسير الاسواق الحرة وسرقتها ... ده حتى مكن الايتي ام بقينا نشوف شاشات مخرومة ولاد المتخلفة كاسرين الشاشه فاكرين ان الفلوس محطووطة وراها :)

انا عن نفسي مش متفائل ... مش لسبب بس لان الشعب اتعود واتربى على الهمجية على الفوضى على العشوائيه في كل شيء .... شعب عايش على الفهلوة وشغل الحلق حوووش ... شعب بتاعت مصالح ... وممكن يبيعك في لحظة علشان خاطر جنية ... فطبيعة شعب زي كده غرقانين في الفوضى ومغموسين في الانانية والسبهلله لايمكن تيجي تقولهم يالله يا حبيبي انتا وهو. في ثورة وكل واحد حررر ... اعمل الي انتا عاوزوا !!!

متزعلوش مني بس بالقمع والديكتاتورية بنينا الامجاد وسابقنا الامم ... وبالدلع وبالطبطبه كل محافظة عاوزة تعلن استقللها حالياً :) وتحياتي

مانزعلش منك خالص..ده رايك يحترم...وعندك حق بس للاسف من الاخر كله بيركب الثوره عشان مصلحته.......ومن بعد الثوره ظهر اللي انت شايفه حاليا بس ده مش ذنب الثوره ولا مشكلة البلد...دي مشكلة الناس او سميها مشكلة اخلاق ليها مسميات كتير اوي ادت الي شكل البلد بالمنظر ده ...كان نفسنا البلد تبقي احسن من الاول وبندعي ربنا ...
وتحياتي ليك

المشاركة الأصلية كتبت بواسطة mohammedabdallh

انا رائى اننا كنا بنتسرق بس عايشين فى امان وبنلاقى حاجات كتير حلوه
اما دلوقتى برده بنتسرق ومش لاقين اى شى ولا اى حاجه
وقال ايه بكره احلى

بعيدا عن الدخول في سيايه والجو ده...اكيد معاك حق بس انت اكيد بتدور علي حياه كريمه من غير ما حد يسرقك واك تعيش في امان ..يعني الواحد نفسه في حاجات بسيطه...نفسك تعيش في بلد تحترم بعض....يلااااا ربنا يعدل الحال

المشاركة الأصلية كتبت بواسطة s o p h o s

بحس انها كانت بلد نصها ضايع وشعبنا هيموت علشان ترجع لينا
ولما حصل ثورة طارت الطورطه كلها ومبقاش لينا فيها اي قطعة
لنا حق المشاهدة فقط ..

فعلا كله نزل فرتك التورته والشعب يتفرج

المشاركة الأصلية كتبت بواسطة dolly13

ايه ياجماعة التشاؤم ده كله
اكيد احنا فى فترة انعدام وزن ده صحيح واكيد البلد اتخطفت من اهلها ده صحيح
واكيد فيه ايام جاية اسوا من اللى احنا فيه بكتير على فكرة
لكن بكرة اللى اقصده بتاع ولادنا
بكرة المؤمن بالعلم والتحضر بعد الفوضى والدروشة وزمن البهاليل اللى احنا فيه دلوقتى
انا صحيح مش عارفة الموضوع هاياخد كام سنة
لكن اوعى حد فيكو ينكر اننا شعب قوى جدا وهانعدى المرحلة دى وكل من تسبب فى اذيتنا هاينال مايستحقه تماما واتمنى ان يكون بالقانون وليس عن طريق جلسات عرفية وخلافه
لا تفقدوا الامل بالسرعة دى
اعتبروا اننا بنحارب عشان بلدنا تبقى احسن لاولادنا صحيح احنا مش عارفين بنحارب مين بالظبط لكن يوم بعد يوم الرؤية بتنكشف وهانعرف طريقنا لاننا مش ناقصين مخ ولا ارادة
يبقى اكيد بتوفيق ربنا هانكون احسن
كام سنة دربكة ولخبطة واحباط معلش يعدوا هوا ونبنى نفسنا بعدها ونبقى افضل من اى وقت عشناه قبل كدة
اعتذر عن الاطالة لكن الاحباط ده وحش اوى
تحياتى

معاكي حق بس الواحد بيحاول يتفائل ويقول بكرة ان شاء الله احليزززبلدنا جميله بس احنا اللي عاملين فيها كده...عشان تبقي كويسه لسه كتيير اوي ..المتفائل يقولك بتاع عشر سنين...شوفي بأه المتشائم يعني الواحد يدعي انها تكون احسن عشان الجيل اللي جاي مش لينا
ربنا يعدل الحال

المشاركة الأصلية كتبت بواسطة amdd

المشكلة يافندم اننا اعتبرنا نفسنا اعداء لبعض وبقينا بنحارب بعض والله الناس فى الدول التانية بقت بتضحك علينا
انا نفسى الاقى مشكلة ولو صغيرة بتتناقش على الفضائيات عند الدول دى مفيش غيرنا احنا اللى مبنحبش بعض وبنشكك فى بعض وبنموت ونخون بعض للاسف
انا مش ضد الاعلام لكن نفسى كل القنوات الحواريه دى تتبث على تردد ارضى ومتطلعش الفضا بدل ماحنا ناشرين غسيلنا كده بره قدام اللى يسوا وميسواش
انقسمنا مؤيدين ومعارضين وخصوماتنا بقت بتزيد وبتولع اكتر
مع ان قبل كده كنا عايشين مع بعض من غير اختلافات
صدقونى قريب الناس هتبتدى تفكر تروح لاخصائيين او دكاتره نفسيين للعلاج النفسى والاكتئاب والاحباط ...انا نفسى بفكر اعمل كده

لما بشوف حال البلد ...بقول ياريتنى ماتجوزت ولا خلفت على الاقل كنت هبقى بطولى فى اى داهيه

لكن البلد دى فيها ناس كتير طيبه وربنا اكيد هيكرمنا ان شاء الله

مش للدرجه بس للاسف كله بيتهم الاخر بالتخوين مع ان الاتنين خايفين علي مصلحة البلد..وحوار الفضائيات هو الاعلام حاليا تلاقيه منقسم...ماتفهمش بيجيب حاجات ويسيب اللي مش علي هواه........تلاقي قنوات تانيه نفس الكلام.........المشكله مش في اللي برا من البلاد التانيه.........المشكله في اللي جوا البلد ومابيفكرش في اللي بيسمعه...ودي المشكله وتلاقي كميه اخبار مغلوطه لقلة ادب لاستهانه بعقول اللي بيتفرج

وتفتكر السفر هايكون حل.....لان دي نقطة الموضوع الاساسية

المشاركة الأصلية كتبت بواسطة y a r i s

طيب تصدقوا وتأمنوا بالله

يواد قول لا إله الا الله انتا وهوا ... تصدقوا ان في حاجة غريبة لاحظتها تايد لكلام اخويا amdd من ساعت ماقامت الثورة والدنيا مدربكة وابص الاقيلك ناس بتتجوز حتى في جمعة الغضب ذات نفسها ... ولمن سئلت واطقست لقيت كمية تسهيلات تسهيلات للشباب يعني مش ناقص غير يقولولوا هات دبلتين ويالله خوش جوا نقيلك عروسة وشيل بالبركة ويالله ... ده حتى الاهالي الي كانو قاعدين بيتعنطزوا. ولا لا لا عاوزين زابط ولا لا لا عاوزين طيار. ولا دكتور ونقبل بالصيدلي هههههه النهردة لو جالهم حتى كومسري. بس بيكسب كويس وعندو شقه بيوفقوا عليه ... تقريباً الاسر المصرية بقيت خايفه على بناتها جداً وبقوا حاسين ان الزمان ملهوش أمااان

وكل واحد عاوز يجوز بنتوا قبل ما يصاب بطلق خرطوشي ولا حاجة نهههههه وتحياتي

انت شايف كل يوم الدنيا بتبقي عامله ازاي.......كله عايز يستر بناته ويجوز ولاده....الموضوع مابالك كان صعب شوف دلوقتي الدنيا عامله ازاي فالناس لازم تساعد كل اللي لسه بيبتدي طريقه

المشاركة الأصلية كتبت بواسطة ahmed metwaly

الحمد لله بقيت حاسس اني عايش غريب بس ومستني اليوم القريب الي استلم التأشيره علي جواز السفر واحجز الطياره واخلع

عندك حق فعلا