استطلاع - مبـــروك مـــامـــا عروســـة .. بـــابـــا عريـــس ( سلسلة استطلاعات جادة 1
النهاردة هانتكلم في موضوع اهم واصعب
وهو زواج الام او الاب
اذا حدث طلاق لا قدر الله بين الوالدين
او حدثت وفاة (بعد الشر) لاحد الوالدين
هل توافق على زواج الطرف الاخر؟
قبل ما تجاوبوا عايزاكم تفكروا في العدل
هل من العدل ان يموت الطرف الحي مع وفاة الاخر
او ان تنتهي حياة الطرفين بسبب الطلاق ؟
سمعنا عن حالات كتير يموت الزوج وتكون الزوجة في ريعان الشباب وترفض الزواج من اجل الاطفال(اذا كان اولادها في سن الطفولة)
تكرس حياتها لاولادها ولكن سنة بعد سنة تجد نفسها وحيدة
ده غير نظرة المجتمع للمطلقة اللي بتخليها صعب تتجوز تاني وخصوصا لو معاها اطفال
طيب لو الطلاق حصل في وقت متأخر شوية
والاطفال بقوا شباب كبار
هايوافقوا ان امهم او ابوهم يتجوز تاني ؟؟
عارفة ان الموضوع صعب
ازاي هانتخيل حد تاني يحل محل والدنا او والدتنا
بس كمان ازاي يعيشوا حياتهم لوحدهم
فيه ناس هاتوافق اذا الاب او الام لسه صغيرين ولو كبار هايرفضوا
هل الحياة بتقف عند الطلاق او حدوث وفاة ؟؟
طيب نفترض انهم مش هايتجوزوا تاني
ياترى انت لما تتجوز ويبقى عندك اطفال
هاتبقى متواجد معاهم باستمرار؟
هاتعوضهم وتملا وحدتهم والا هاتنشغل عنهم؟
عايزة اسمع اراءكم بكل صراحة
هاتوافق والدك او والدتك يتجوزوا والا لا
