السلام عليكم ورحمة الله وبركاته

طبعا زى ما نتو عارفين بعد ما عملت جوان وش السلندر والعربيه تمام المارش اتحرق

العربيه كانت مع خطيبتى (ان شاء الله) ومكنتش عاوز تدور الصبح فقرصت على المارش شويه لحد ما قطع

ودينا العربيه للميكانيكى خلص الحرق على وش السلندر وقالى المارش بتاع العربيه قاطع

قلتله وديه عند كهربائى يعمله وانا هجيلك بعد الشغل واخد العربيه علطول وامشى

المهم روحت للراجل ده قالى المارش بايظ هات واحد جديد

خدت المارش عشان اجيب زيه بس جاتلى فكره الكهربائى اللى بتعامل معاه علطول

قالى يتصلح بس هنغير الموبينه بتاعته (كانت متكسره من جوه )

سعر الموبينه ب 80 جنيه
المصنعيه 20 جنيه

الاستنتاج


بعض الصنايعيه بيستهلوا ويقلك غير عشان مش عاوز يصلح ويتعب نفسه

بس الراجل ده فعلا محترم وبيحاول يصلح الحاجه وتقريبا مش غالى

وكل مارش وانتو طيبين