الموضوع: خلاصة تجربه زيت التعاون sm فى سيارتى

بناءا على شكر الاعضاء هنا فى زيت التعاون وحمله شجع المصرى

من مده اشتريت زيت التعاون الاصفر sm اللى لزوجته 20-50 من بنزينة التعاون فى صلاح سالم وتاريخ انتاجه حديث والعلبه متبرشمة بالبلاستيك بتاعها وغيرته فى البنزينه ولم اغير فلتر لانه اتغير فى التغيير اللى فات

الراجل بتاع البنزينه قاللى بيقعد 7 الاف جوه البلد و9 الاف بره البلد وكان سعره 105 جنيه فطبعا كان سعره منافس لان 7 الاف ب 105 ممتاز جدا ليا

وكان فيه ال sl ب 95 جنيه بيقعد 5000 كيلو جوه البلد و7 الاف بره البلد (ةده على كلام الراجل)
دلوقتى هو بقاله معايا 4000 كيلو فقط وفقد لزوجته وبقى زى الميه واسود جدا علما ان سيارتى اكسيل والماتور بيعرق ميه من الشكمان ومبتاكلش زيت والزيت نفس المقياس من ساعة ماحطيته من اول مره يعنى حالة الماتور ممتازة

انا كنت بستعمل قبل ذلك توتال 3000 sf وكان بيقعد معايا ال 3000 او اكتر شويه كان سعره 68 جنيه

وكمان خدت بالى ان زيت التعاون وهو بيتحط كان ريحته ريحة زيت عاديه ولونه زى زيت الطعام الفاتح عكس زيت توتال كان لونه مايل للاخضر وكان اتقل شويه وليه ريحة مميزة

سواقتى دايما فى اشارت ووقفه وزحام ونسبه الحرق لا تتعدى 30 فى الميه وسرعتى دائما لا تتخطى 90 او 100 دقائق قليله ومتوسط السرعة بشكل شبه دائم 40

الموضوع للاعضاء اللى حابين يجربوا زيت التعاون وده تقرير مفصل بكل حياديه

اترك لكم التقييم