تركيب كشافات شبورة ل اكسنت اربي

**amagroup** · 10-03-2013 01:23 PM

في 3 أجزاء هنقول ازاي نركبه
الموضوع منقول من مواقع اجنبيه ومجهودي في الترجمه فقط (احقاقا للحق)
الكشاف الواحد ثمنه 475 جنيه في التوكيل من غير لمبات (الحق قبل ما يغلي)
الجزء الاول
نرفع العربيه بزاويه ناحيه كل كشاف

نفك الغطا الدواخل للرفرف مفك صليبه والمسامير عباره عن كليبسات تفكها تطلع معاك وعند التركيب تضغط عليها فتم عمليه الكبس

زي ما الصورة موضحه كده الفيبر الداخلي مفكوك

نيجي بقي نبص علي الاكصدام من تحت في التلت الوسطاني من قدام هنلاقي مسمارين نفكهم كمان
ليه؟؟
عشان نبقي مرتاحين في فك الوش الفيبر اللي راكب مكان الفانوي وعشان انه مربوط بمسامير حديد في قواعد بلاستيك فأي قوه او مفك معوج ممكن يكسر القواعد اللي في الاكصدام وعشان كده هحتاج افك زي الصورة كده

كمان يفضل افك المسمار المستخبي ده عشان اقدر املك المكان اكتر

كده تمام طلعنا الفبره سليمة ومساميرها معانا

نركب الفانوس وكده يبقي كملنا الجزء الاول من التركيب للفانوس وطبعا نفس الحكايه للفانوس الثاني

**amagroup** · 10-03-2013 02:02 PM

ثمن الزراع 400 جنيه (الحق قبل ما يغلي)
اما بقي لو هتوصل زرار للنور ومستغلي الدراع فالزرار العادي هيتكلف حوالي 60 جنيه وطنش بقي فك كل حاجه في الدركسيون وانزل بالصفحه علي فك الجزء السفلي شمال للتبالوه

فك المسمار الجانبي كما بالصورة من الجهتين لخلع وش الدركسيون

تعامل معه براحه لو عندك وسادة هوائيه لانها في الجزء اللي انت خلعته ويفضل تكون فاصل طرف البطاريه السالب لمزيد من الإطمئنان فك من كليبسات اللي غطيانها برتقالي موضحه بالصورة

بمقاس مفتاح غالبا 21

لاحظ الدليل بتاع اتزان الدركسيون عشان يكون عدل

ارفع الدركسيون وفك المسامير الموضحه

اخلع الوش اللي تحت ده بشده لأسفل بحيت تمسك كل جزء احمر بايد وتزق بالابهام عند النقط الصفرا الموضحه

ارفع الوش اللي فوق

نزل الوش اللي شايل الدركسيون

فك الوش اللي ماسك الدرعات للمساحات والانوار

فك فيشه الداع بتاع النور عشان تكون مالكه واضغط بمفك عاده كما بالصورة لفك الدراع

تم تغير الدارع بالجديد الان قم بربط المسامير كما بالصورة

نروح بقي لصندوق الفيوزات ونعرف ازاي نفكه
اضرب مفك هنا وياسلام لو كان بلاستيك مقوي من اللي مش بيخربش

هتلاقي الغطا اتفك كده

فك المسمارين دول

ودول كمان (الاصفر) والاحمر

فك فيش الأزرار لو عنك ازرار راكبه او فيش راكبه

فك شداد الكبوت من زرار الكبوت

اخلع الفبره بالراحه

طب انا ليه فكيت الفبره دي
عشان يبقي قدامك علبه الفيوزات وتقدر تدخل الأسلاك اللي انت هتمدها من الكبوت لغايه جوه بشكل نضيف وميبنش منها حاجه وتقدر تقفل مظبوط وانت مرتاح
طبعا لو انت رايح لصنايعي وده افضل ممكن تروق علي العربيه في الفك وتروحله جاهزة علي توصيل الاسلاك والكتاوت وده هيكون افضل عشان ميعكعكش فيها ولا يخربش حاجه

إلي اللقاء في الجزء الثالث

**khaabas** · 10-03-2013 02:46 PM

جاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااامد ما شاء الله الله يبارك لك
الف مبررررررررررررررررررررررر ررررررررررررروك يا كبير بس انتا ركبت فين والضفيرة وموال انها تخرج من الضمان يا ريت تفاصيل
وسؤال يا كبير انتا عربيتك فيها خاصية الثبات الالكترونى ازاى مع ان عمو غبور مبينزلهاش مصر ؟؟؟؟؟

**amagroup** · 11-03-2013 09:23 AM

المشاركة الأصلية كتبت بواسطة khaabas

جاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااامد ما شاء الله الله يبارك لك
الف مبررررررررررررررررررررررر ررررررررررررروك يا كبير بس انتا ركبت فين والضفيرة وموال انها تخرج من الضمان يا ريت تفاصيل
وسؤال يا كبير انتا عربيتك فيها خاصية الثبات الالكترونى ازاى مع ان عمو غبور مبينزلهاش مصر ؟؟؟؟؟

انا اسف اني موضحتش الموضوع انا لسه مركبتش انا بس بعرض الموضوع وهتقل شويه علي التركيب والتنفيذ

فعلا لما تركب هتخرج من الضمان

الثبات الالكتروني ده انا معرفوش اوصفه ليا يمكن يكون عندي

**john55** · 11-03-2013 11:12 AM

انا فعلا نفسي اركبهم بس بصراحه مقدرش اعمل زي الصور اللي حضرتك جبتها انا يدوب بحط المفتاح في الكونتكت وبمشي بلعربيه لا اعرف افك او احل اي حاجه في العربيه وبلنسبه للثبات الالكتروني دي خاصيه مش موجوده في مصر لكن ممكن تلاقيها في العربيات الخليجي اصل غبور شايل اغلبيه الاوبشن اللي نازل في العربيه ومكنها في الثلاث الزراير اللي ملغيين فوق علبه الفيوز وشكرا

**amagroup** · 11-03-2013 12:18 PM

المشاركة الأصلية كتبت بواسطة john55

انا فعلا نفسي اركبهم بس بصراحه مقدرش اعمل زي الصور اللي حضرتك جبتها انا يدوب بحط المفتاح في الكونتكت وبمشي بلعربيه لا اعرف افك او احل اي حاجه في العربيه وبلنسبه للثبات الالكتروني دي خاصيه مش موجوده في مصر لكن ممكن تلاقيها في العربيات الخليجي اصل غبور شايل اغلبيه الاوبشن اللي نازل في العربيه ومكنها في الثلاث الزراير اللي ملغيين فوق علبه الفيوز وشكرا

انا برضه مبحبش العب في العربيه بنفسي بس علي الاقل لو صنايعي شغال اكون عارف ازاي الطريقه عشان ميبوظش الدنيا

فعلا الزرار دول ملغيين بس الغريب بقي انك لو بصيت في عربيتك هتلاقي فيشتين راكبين مكان الزرار الاول والثاني كأنهم مستنين الزرار نفسه يركب عشان يشتغلوا
انا كنت اثرت الموضوع ده وكان نفسي اجرب زار او اثنين وشوف هيشتغلوا ولا لأ

لو تقصد الثبات الالكرتوني هو Eco ف في الغالب اللي في مصر غير بره مصر

لانه الزرار معمول لوحده علي جنب مش مع زرار تريبTrip والله اعلم

**john55** · 11-03-2013 01:16 PM

لا اللي انا اقصده دا زرار بيبقي مكتوب عليه eps وممكن تلاقيه في كتالوج العربيه وبساعد علي توازن العربيه في الملفات والفرامل

**Samir Elshahawy** · 12-03-2013 04:42 PM

موضوع جميل جدا و قيم أحييك عليه
و نظرا لأهميته تم ضمه لفهرس موضوعات الاكسنت أر بي الجاري أنشائه حاليا

**amagroup** · 13-03-2013 11:56 AM

المشاركة الأصلية كتبت بواسطة samir elshahawy

موضوع جميل جدا و قيم أحييك عليه
و نظرا لأهميته تم ضمه لفهرس موضوعات الاكسنت أر بي الجاري أنشائه حاليا

شكرا جزيلا وربنا يزيدكوا علم
ويارب دايما اكون عند حسن ظنكم

**amagroup** · 13-03-2013 12:15 PM

طبعا آخر جزء هو التركيبات داخل الكبوت وطبعا لو انت بتعملها عند كهربائي هو اللي هيتولي الموضوع ده بس الصور بتوضح وجه نظر لطريقة التركيب

في الصور دي فضل اللي بيركب انه يحط الكتاوت جنب فلتر الهو عشان يكون ظاهر وعشنا يقدر يمد الاسلاك بسهوله ويسر وطبعا عندك اطراف توصيل للتغذيه داخل علبه الفيوزات خد منها الكهرباء والارضي

وهنا يمكن الوصول من الكتاوت إلي كشاف الشبورة اللي تحته اما الجانب الثاني فممكن تمشي مع الرادياتير من فوق لغايه متوصل للكشاف الثاني

نجي بقي لاهم جزء وهو ازاي ادخل اللسلك لجوه كابينه السواق وده من خلال فتحه مجهزة اصلا لتعديه الكابلات متوضحه في الوصةر اللي جايه

بعد لما تدخل الاسلاك كلها مع بعض من الفتحه دي هتوصل للجانب الاخر وهنوضحه بالصورة

كنت ممكن تدخله عن السهم الاحمر مع بقيه الاسلاك بس مشورها اطول لغايه الدركسيون فالافضل انك تعديها عند الدائرة الصفراء وده حسب راحتك انت

النقطه اللي جايه دي مهمه شويه طبعا حسب الصورة فيه فيوز ازرق داخل فيه سلك احمر وجامبه سلك بمبي سميك والفيز ده معمول كده عشان تقدر تشغل نور الشابوره سواء مع النور العالي او الواطي يعني ملوش علاقه بيهم

اما لو انت حبيت انك تخلي نور الشبورة يكون منور لما تكون مشغل النور الواطي ولما تشغل العالي وانت فتحه يقوم يفصل فقم بقطع السلك الاحمر وموصله مع السلك البمبي السميك اللي طالع من الفيشه البيضا في دراع النور

وطبعا بعد ماتقوم بالتوصيلات دي لفه بافيز بلاستبك ولا حاجه عشان يكون التقفيل حلو وشيك ومفيش اسلاك تسبك في الدركسيون ولا حاجه

تم بحمد الله

طبعا لو حد عنده اضافه ياريت يقولها عشان الناس كلها تستفيد ونوضح اي معلومه مش باينه او فيها تفاصيل مش متوضحه

الموضوع: تركيب كشافات شبورة ل اكسنت اربي

LinkBack

أدوات الموضوع

عرض

تركيب كشافات شبورة ل اكسنت اربي - انشر الموضوع فى :

الجزء الثاني-تركيب ذراع الشبورة بدلا من الموجود حاليا -

-

-

-

-

الجزء الثالث والاخير- الوصلات داخل الكبوت -

المواضيع المتشابهه

الاقى فين كشافات شبورة زينون byd f3

تقرير مصور بتركيب كشافات شبورة للماروتي

عاوز اظبط عربيتي اكسنت اربي

هام جداً 00عاوز كشافات شبورة لكرولا موديل 2000 رموش

عاوز اشترى كشافات شبورة....منين وبكام؟

الكلمات الدلالية لهذا الموضوع

المفضلات

المفضلات

ضوابط المشاركة