تقرير عن تغيير فلتر بنزين الفليشيا 200
السلام عليكم ورحمة الله وبركاته
اسوة لما يقدمه لنا الاخوة الافاضل من تجاربهم ومواقفهم مع سياراتهم ليستفيد منها الحميع وحتى يقتنى صاحب السياره سيارته وهو محب لها يأمن مواقفها الفجائية وبالعربى ميضحكش عليه حد
فليشيا 2000 موتور 1300 سى سى انجكشن
اشتريت فلتر البنزين صينى الصنع بسعر 45 جنيه
كنت اظن انى استطيع تركيبه بنفسى ولكن الحقيقه اخفقت
وتركت الامر لأهله لأن مكانه فى حته غتته اسفل التنك اعلى صاجه مصد الحراراة بتاعة الشكمان
لازم الصاجه تتحل والتنك يتفك شويه ويترفع وشغلانه مكعبله شويه
المهم تم التغيير وخرج الفلتر القديم فى غاية السوء مملوء بالشوائب السوداء الكثيفه
[overline]الخلاصه[/overline]
1- لابد من الاعتناء بميعاد تغيير الفلتر ولو كان بدرى شويه ميجراش حاجه
2- التغيير بواسطة ميكانيكى امين افضل
3- الفلتر الخاص بالفليشيا الافضل لأن فيه كذا نوع ممكن يركب مكانه يعنى مش فلتر والسلام
واخيرا تقبلوا تحياتى وموضوعى المتواضع