بسم الله الرحمن الرحيم
السلام عليكم ورحمة الله وبركاته
من ساعة لما كنت بسقط الماتور ال1.4 في عربيتي الابيزا 99 السنة اللي فاتت والميكانيكي كان قايلي ان القواعد رايحة في داهية ولازمها تغيير
انا كنت مطنش رغم احساسي ان المكنة مش مستقرة والعربية كانت بتخبط معايا جامد وبترزع كمان
بردو العفشجي بتاعي قالي نفس الكلام
لازم تغيير قواعد الماتور
انا قولت ما بدهاش وحان وقت التغيير
اشتريت الثلاث قواعد بتاعة الماتور والفتيس استيراد (واحدة امامية للموتور وواحدة خلفية للماتور وواحدة جانبية للفتيس)
دي القاعدة الامامية
واضح عليها spain ولوجو فولكس و seat
دي الامامية والخلفية
دي الخلفية
بردو واضح عليها spain ولوجو فولكس و seat
ودي قاعدة الفتيس
وبعد ما الميكانيكي خلع القواعد القديمة
اكتشفت التالي في القاعدة الامامية
اكتشفت اني كنت ماشي بالموتور وهو مفكوك ومش متثبت علي القنطرة
يعني انا كنت ماشي بالعربية والموتور قاعد علي القاعدة الخلفية فقط
الحمد لله
بعد التقفيل طلعت اجرب وروحت بالعربية الشغل في وسط البلد
الحمد لله حسيت ان العربية ماسكة نفسها كتير عن الأول
اتمني يكون التقرير عجبكم
وانتظروني ان شاء الله في صيانة جديدة وتقرير جديد
والله المستعان
،
،
المفضلات