تجربة تغير الطنابير و تيل الفرامل الامامى fsv

**Hmatchy** · 10-03-2013 04:26 PM

فى البدايه شكر واجب لحبيبى مصطفى meshmesh 78 صديقى و مستشارى الحبيب لانى قرفتو معايا يوم كامل على التليفون وطبعا لما ركبت التيل مكلمتوش تانى
طبعا بعد المعجزة الجبارة اللى قام بيها التيل القديم وهى انو عمل 70 الف كيلو حبيت اغيروا هو و الطنابير علشان الهزة اللى فى الطارة على سرعة اعلى من 120 مع الفرامل و اللى ابتدت تنزل بظهورها حتى مع سرعة 100 و بطريقة رخمة
قلت مبدهاش
سألت ورحت وجيت زى ما عملت فى الكاوتش بالظبط لحد ما وصلت لمعلومة ان تيل وطنابير الجولف 4 بيركبو عليها من غير اى تعديل
مكدبتش خبر و ابتديت اركز البحث بتاعى على تيل وطنابير الجولف 4
وسمعت اسعار متفاوته كتير
اللى يقولى الطنابير 800 و اللى يقولى 425 و اللى يقولى الالمانى الاصلى 500
و التيل 350 و 200 و ارقام بعيد عن بعض
لحد ما بحكى قدام واحد صاحبى قالى انو يعرف حد بيشتغل فى حاجات الفولكس
اول ما قالى سعر التيل و الطنابير كانو 720 و من هنا لهنا ختوهوم ب 650
جاين فى علب ابيض فى رمادى
ركبتهم وركبو من غير اى مشاكل تذكر
وبالمرة غيرت فلتر البنزين ب 70 جنيه جبتو من بكين فى دمشق وقلت اركبو بالمرة وكانت اجمالى المصنعيه للتيل و الطنابير و الفلتر 65 بالبقشيش للصبى
و اتكلت على الله وقولت اطلع اجرب
الفرامل بقت من اول لمسه مش زى الاول لما كان حوالى 1/8 المشوار بتاع الدواسه مبيعملش حاجة
استجابة عاليا
abs , epd شغالين زى الفل
على 120-130 فى شارع المرغنى و فرامل مع تمويج العربية جامد فى حارتين وماسكة فى الارض
اقدر اقول انها رجعت لمستوى الفرامل كانها زيرو او افضل سنة و ان شاء الله التغير اللى جاى اظبط التيل و الطنابير اللى ورا ونشوف يركب عليها ايه