الموضوع: تشتري لانوس حديث ولا ياباني قديم؟

على فكرة احسن العربيات فى المنطقة الحرة الى بتكون مضمونة الاسكودا الاوكتافياوالفولكس فاجن والدايو والهيونداى ومتوفرة قطع غيارها ودى نقطة مهمة جدا وانت بتاخد عربية اوروبى بالزات تتأكد ان ليها قطع غيارها فى السوق وعربيات متقطعة منها عشان غير كدة هدوخ دوخة مايعلم بيها الا ربنا دة لو فانوس اتكسر مش لو فية مشكلة فى قطع الغيار والصيانة
لما لفيت كان فية عربيات تحفة وكتيرة جدا واشكال والوان وموديلات مرترتة منزلتش مصر ولما تشدك عربية من دول وتبتدى تستفسر عاليها تلاقيهم عيزين يسرفوا العربية دى ويسهلك فيها عشان يغريك بس لو عربية بياعة ومطلوبة فى السوق تلاقية متمسك بكلمة وعلى رقبتة ينزل حاجة من سعرها
بس اهم شىء تفحص العربية جامد جدا كل صغيرة وكبيرة والبارومة خلى بالك منها كويس اوى ولو خبرتك مش كفاية فى العربيات خد حد معاك يكون واعى فى العربيات عشان زى ما العضو bee وضحلك بتكون فى صفقات فى الجمارك احنا مش عرفين عنها حاجة
بس العربيات الى هناك النظيفة بتكون واقفة وبحالتها بجد حتى لو موديلات تسعينات وبلاش تاخد حاجة اقل من 95 عشان العربية متكونش شقيانة يعنى كان فية صفقة عربيات تويوتا كورولا الى قبل العيون الى كشفاتها من قدام مستطيلة كانت شقيانة بمعنى الكلمة
واخيرا بعد ما ربنا يوفقك فى الشراء اول حاجة تعملها فى العربية تطلع على مركز خدمة محترم وتعمل صيانة شاملة للعربية وتغير بعض الحاجات الى محتاجة تتغير لما تيجى تجيب عربية استعمال الى هيا السيور والفلاتر والحاجات دى والصيانة بعد الشراء درورى جدا عشان ممكن تكون العربية واقفة مدة كبيرة على الارض فى الجمرك
وربنا معاك

انا طولت شوية فى الكلام بس عشان تكون عندك معلومات كفية وانت بتشترى من السوق الحرة