الموضوع: تشتري لانوس حديث ولا ياباني قديم؟

يا باشا
انت بتتكلم عن عربية خالصة ولا منطقة حرة بس عشان نكون فاهمين ؟؟

المشاركة الأصلية كتبت بواسطة morabet79

حضرتك لو بقارن مثلا بين لانوس 99 ، وبين هوندا سيفيك 94

لو أدامي العربيتين بنفس السعر ، وشرائي للعربية في المقام الأول يعتمد على أعطال أقل وقطع غيار بتعيش

يبقى أيهما أفضل؟

حالة العربية هي الفيصل , و طالما الفرق سنة الإنتاج بين العربيتين مش كبير ,
و انا بفضل الهوندا بس ده لو حالتها كويسة , أما لو تعبانة يبقى اللانوس أفضل .

السلام عليكم ورحمة الله وبركاته

شوف يا باشا
من وقت قريب كنتي بشتري عربية لاخويا ولفيييييييييت واتفرجت في معارض وخلافه
وخلاصة القول شوية حاجات تاخد بالك منها

فيه عربيات ميراج في السوق منطقة حرة سعرها غريب يعني ممكن من 25 الف لحد 30 وده مش سعرها .. بس اقولك انا ليه .. لان العربيات دي امريكاني جايه من فيضانات امريكا ولما تحب تتأكد هتلاقي ريحتها من جوا باينه كده انها كانت غرقانة وهتلاقي اي مكان فيه مسامير على أملاح وصدى كده .. خصوصا في مسامير الكراسي والمسامير الي بتثبت الحلايا بتاعت الابواب
ده غير لما ترفعها هيظهر المستخبي
وسعرها الواقعي هتلاقيه ما بين 33-40 حسب الكماليات لو فيها جنط كاسيت كده يعني
والاضمن لو لقيت 98 لان معظم ال 99 ان لم يكن كله زي ما بقولك

بالنسبة لحاجه تانيه فيه مازدا 98 امريكاني
العربية دي كويسة لو كشفت عليها وحالتها كانت تمام بس مشكلتها تحس انها بتتدهور بسرعه خارجياً يعني عايزه عناية جامده .. وعيبها الموجود في معظمها قواعد الموتور بتكون عايزه تتغير..
وسعرها من 25 إلى 30 الف بردو حسب الحالة ونصيحة متخدش عربية رشة منها ..

بالنسبة للهوندا بقى .. انسىىىىىىىىىىىىىىىىىىى انك تجيبها نظيفة الـ 94 كله تعباااااااااااااان والي معاه نظيف ونظيف ده يعني راشش بره ومغير حاجات وحاجات هتلاقيه طالب 37 وارقام مريخية ..

لو اللانوس يا باشا حضرتك جربتها وعاجباك هتجبها نظيفة فعلا من الاستثمار ..
بس لازم ترفع العربية في جميع الاحوال .. ولو حبيت تعرف ترفع فين انا بعتلك رقمي ع الخاص لو احتجت اي مساعده تحت امرك

واهم حاجه متستعجلش عشان باذن الله تجيب عربية كويسة ..
وانا من ناحيتي هدورلك بردو
ربنا يوفقك في الشراء