المشاركة الأصلية كتبت بواسطة exact;3. 874870654
أنا سعيد انك قلت كده الصراحة...:ta_clap[1]: ومش باتريق والله احنا بنتبادل الآراء و شوية brain storming
بخصوص البخر...
هو حضرتك مجربتش بعد مشوار طويل كده في صيفنا الجميل.. انك تفتح غطا الزيت؟؟
هل التركيب الكيميائي للزيتين قريب؟؟ محتوى الفوسفور وخلافه...
هل نظام الاحتراق بواسطة الحرارة الكامنة اللي في الديزل زي نظام الحرق بواسطة البوجيهات؟؟؟
هل مخلفات الاحتراق في الحالتين زي بعض؟؟
هل مركبات التنظيف واحدة في الاتنين؟؟؟
أنا شخصيا أشك... وخصوصا اني شفت ان موبيل ديلفاك بره فيه منه عادي وفيه منه تخليقي بالكامل... واللي ممكن نستخدمه هو موبيل وان ديلفاك عشان مواصفته قد تناسب بعض المحركات البنزين...
والله الواحد يتمنى ان حاجة زي دي تنفع... هاشتري جركن 20 لتر فورا بس هيبقى شيل ريميولا لأني ما باطيقش حاجة موبيل