طريقة فك لوحة التكييف بالتفاصيل والصور_2

**مصطفى-حسن** · 12-03-2013 12:49 AM

المشاركة الأصلية كتبت بواسطة khaled lanos

الله ينور عليك ياباشا..ياريت طريقة فك الطابلوه كلو لأني نفسي أعمل حوار العزل دا بردو..

ياترى حسيت بفرق بعد عزل الطابلوه في الصوت أو الحرارة؟

وكلفك كام العزل دا؟

ولو معندكش مانع ممكن نبقى نعمل الحوار دا مع بعض..

وألف شكر ياباشا.

العفو اخى الفاضل
وشكرا على ذوقك

بالنسبة لطريقة فك التابلوة انا هعملها نهاية الاسبوع الجاى
ويوم السبت باذن اللة هعمل طريقة فك قطمة الدركسيون بالكامل وبالتفاصيل والصور
لان دى لازم تتفك الاول عشان تعرف تفك التابلوة

يعنى انا هعمل المواضيع بترتيب الفك

واخر حاجة خالص هعمل العزل

بالنسبة لسؤالك عن العزل والتكلفة
عزل الحرارة بالارما فليكس 100% بجدارة
يعنى انسى خالص موضوع انك تحس بحرارة من صدر العربية او من عند الفتيس

لكن عزل الصوت ما زلت اتتبع واتحسس دخول الصوت للكابينة حتى بعد ما خلصت شغل

لان العزل اللى فى مزاجى وفى دماغى انى اسمع صوت المكنة زى (زنة الدبانة)
وصوت المكنة على فكرة هو اول واعلى صوت تسمعة فى الكابينة وبعد كدة صوت مروحة التكيف لما بتشتغل على 4 او 3 وبعدين صوت احتكاك الكاوتش بالاسفلت وبعدين صوت احتكاك الهواء بجسم السيارة من الداخل

ولحد دلوقتى بصراحة موصلتش لانى اسمع صوت افكارى داخل الكابينة

انا عارف ان العزل اللى انا بحلم بية دة (للصوت) بيبقة فية عوامل اكبر منى وتدخل فى صلب صناعة السيارة فى المصنع نفسة ومنها خامة الصاج الحديد ومعالجتة ونوع الطلاء الداخلى والخارجى وعوامل كتير تانية

بس ادينى بحاول

بالنسبة للتكلفة هتبقى فى حدود 500ج تذيد او تقل عشان فية مصاريف مباشرة ومصاريف غير مباشرة وتفاصيل كتير هبقى اشرحها فى وقتها

**مصطفى-حسن** · 12-03-2013 11:33 AM

المشاركة الأصلية كتبت بواسطة ahmedzizo131

بسم الله الرحمن الرحيم
شغل على مية بيضة
و كمان
نار هدية
تسلم و الله ينور عليك

ربنا يباركلك يا باشا

**مصطفى-حسن** · 12-03-2013 07:27 PM

المشاركة الأصلية كتبت بواسطة S O P H O S

ما شاء الله
مجهود رائع ..

تسلم يا باشا

**مصطفى-حسن** · 13-03-2013 11:37 AM

المشاركة الأصلية كتبت بواسطة magareh

اللانوس مفيهاش ثرموستات للتكييف
دي اكيد اضافه
والله ينور علي الشغل

هو صحيح المعلومة دى ؟؟؟؟؟
كل الانوس مفيهاش ترموستات تكييف

يعنى الكمبروسور بتاع التكييف بيفض شغال علطول حتى لو درجة الحرارة وصلت المطلوب فى الصالون

**مصطفى-حسن** · 13-03-2013 08:14 PM

المشاركة الأصلية كتبت بواسطة rabso88

مجهود رائع
يارييت حد يكون عمل الموضوع ده للنوبيرا

هقولك على فكرة بسيطة
فك المسمارين بتوع درج التابلوة وطلع الدرج برة
وبص مكان الدرج لو لقيت الويرين قدام عينك يبقى تمام
بص الناحية التانية جنب دواسة البنزين لفوق
لو لقيت الوير الاولانى
يبقى كدة الباقى كل سهل

**مصطفى-حسن** · 16-03-2013 01:10 AM

المشاركة الأصلية كتبت بواسطة ahmedzizo131

بسم الله الرحمن الرحيم
ظريف باشا
و انت بتفك التكييف
لاقيت فلتر للتكيف ؟؟؟

لانوس 2 مفيهاش فلتر تكييف اصلا

ومكان بداية دخول الهواء الى التكييف (المروحة يعنى) اما من الصالون من حوالين درج التابلوة تحديدا

او من الفتحة الخارجية ودى توصلها من عند الكبوت لما تشيل الفبرة اللى تحت المساحات اللى امام الكرسى الموجود بجوار السائق

هتلاقى فتحة فى صدر العربية من فوق
ميل بجسمك وبص فيها هتلاقى الفتحة اللى بتدخل هوا لبداية دورة التكييف

وغالبا فى المكان هتلاقى ورق شجر وطين وزبالة عند بعض الناس ودة سبب من الاسباب اللى بتخلى بداية التكييف لما يشتغل يبقى فية ريحة عطانة (ريحة وحشة) لو انت فاتح لدخول الهواء من خارج جسم السيارة

على العموم انا كدة كدة عملت فلتر للمكان دة بايدى وعملت فلتر للمكان اللى عند درج التابلوة بايدى وهبقى ارفعهم من ضمن المواضيع اللى انا بجهزلها بالصور

وكدة يبقى خلال شهر مارس بأذن اللة هرفع المواضيع دى بالصور والشرح بالتفصيل

عمل فلتر للتكييف داخلى وخارجى
فك تابلوة الاضاءة
فك العدادات
فك الدركسيون
فك التابلوة نفسة بالكامل
فك التلاجة
فك سربنتينة السخن
فك دواسات الوقود والفرامل والدبرياج
فك الفبر
فك فرش السيارة بالكامل
طريقة اصلاح الاطارات المتهالكة القديمة

ربنا يسهل من عندة وارفع المواضيع دى كلها خلال شهر مارس