إستفسار فى تركيب خزان مياة للشقة

**Memo-kh** · 10-03-2013 10:43 PM

كنت محتاج رأى الأخوة الأفضال اللى عندهم علم بالموضوع ده لأنى طهقت الصيف اللى فات من إنقطاع الميه طول الصيف وخصوصآ الشهر الكريم يعنى ساعتين أو تلاته بالكتير فى الفجر وبخ بقية اليوم طبعآ قمة المعاناه وقله الأدب ففكرت فى أنى أركب خزان خاص بى بالسطح بس السؤال ايه الحجم المناسب 500 لتر أو 1000 مع العلم ان فى طفلين وهل سيكون ضغط نزول المياه من الخزان مناسب لتشغيل الغساله مثلا و سخان الغاز مع العلم انى آخر دور يعنى الخزان هيكون فوق الشقة تماما وإزاى يكون توصيل الخزان على العمومى بشكل مستمر ولا أفصله عشان لا يستخدم فى مياه الشرب

آسف للإطالة وياريت لو حد عنده أى إفاده

**hesham ahmed** · 11-03-2013 02:08 AM

احنا عاملين كده عندنا ... هو البيت بتاعنا ... و مركبين خزان للشقه بتاعنا بس ... هو سعته 2500 لتر ... و تقريبا دا كان اصغر حاجه من 7 سنين تقريبا
و حتي انا و والدي اللي ركبناه ساعتها ...
و عملنا وصله الخزان علي العمومي عادي ... بحيث بقي في داخلتين مياه لل شقه .. واحده الاساسيه و التانيه الخزان .. و كل واحده عليها محبس ... بختار براحتي عايز اشتغل علي مين ..
و هو بيتملي لواحده لما المياه تيجي ... زي الكومبينيشن و مش محتاج انا اتابعه و هو بيتملي
و احنا بارضو في الدور الاخير ... ضغط المياه مش جامد .. هو كويس للحنفيه ( غسيل ايد و وضوء و كده ) لكن ميشغلش سخان و لا غساله ... لكن دي سهله لو عايز ضغط عالي .. ممكن تركب موتو صغير مثلا ربع حصان هيقضي الغرض زي الفل

لو عايز اي تفاصيل تانيه تحت امرك

**Memo-kh** · 12-03-2013 03:28 PM

الف شكر على الرد ياباشا وكنت عايز اعرف من حضرتك بتشرب من مية الخزان ولا لأ الشركة قالولى ممكن الشرب منه لأنة مواصفات أبنيه تعليمية بس الصراحة انا مقلق من الموضوع ده
وشكرآ لحضرتك

**Abo Yasso** · 12-03-2013 03:39 PM

المشاركة الأصلية كتبت بواسطة Memo-kh

الف شكر على الرد ياباشا وكنت عايز اعرف من حضرتك بتشرب من مية الخزان ولا لأ الشركة قالولى ممكن الشرب منه لأنة مواصفات أبنيه تعليمية بس الصراحة انا مقلق من الموضوع ده
وشكرآ لحضرتك

**hesham ahmed** · 12-03-2013 07:57 PM

لا الصراحه مش بشرب منه ...

**salodas** · 19-03-2013 10:18 AM

نصيحة لو الأسرة صغيرة ... هات خزان 500 لتر وده أعتقد أصغر حاجة ...ليه بأه ؟
علشان يستهلك بسرعة وتفضى منه الميه بسرعة وبالتالى يملاء باستمرار .... تفاديا لتراكم الترسبات وعملية النضافة صعبة ..
وطبعا لا أنصحك تشرب منه .
وبعدين لازم تجيب فلتر على الأقل مرحلتين لمياه الحمفية لو هتشرب منها .

**dedi** · 19-03-2013 12:52 PM

و احنا بارضو في الدور الاخير ... ضغط المياه مش جامد .. هو كويس للحنفيه ( غسيل ايد و وضوء و كده ) لكن ميشغلش سخان و لا غساله ... لكن دي سهله لو عايز ضغط عالي .. ممكن تركب موتو صغير مثلا ربع حصان هيقضي الغرض زي الفل

لو عايز اي تفاصيل تانيه تحت امرك
[/color][/size][/QUOTE]

بعد اذن صاحب الموضوع
استفسار صغير يعنى اية ضغط المياة ضعيف انا عارف انة مياة العمومية بها ضغط هواء للاندفاع للادوار العليا و لكن هو موش فية جاذبية ارضية يعنى مفروض انة سرعة اندفاع المياة شديدة من اعلى لاسفل
ولو هااشغل دش للاستحمام موش هاتطلع المياة فية و لا لا انا عندى نفس المشكلة بردة اخر دور فهل معنى كدة المياة سوف تكون ضعيفة معلش ياريت تشرح الموضوع دة بالتفصيل لو سمحت و شكرا

**Memo-kh** · 19-03-2013 05:40 PM

المشاركة الأصلية كتبت بواسطة salodas

نصيحة لو الأسرة صغيرة ... هات خزان 500 لتر وده أعتقد أصغر حاجة ...ليه بأه ؟
علشان يستهلك بسرعة وتفضى منه الميه بسرعة وبالتالى يملاء باستمرار .... تفاديا لتراكم الترسبات وعملية النضافة صعبة ..
وطبعا لا أنصحك تشرب منه .
وبعدين لازم تجيب فلتر على الأقل مرحلتين لمياه الحمفية لو هتشرب منها .

شكرآ لحضرتك وفعلآ عندى فلتر باناسونك لأن الميه بلاقى فيها حاجات غريبه
وبالنسبة لموضوع الحجم انا كنت برضه بفضل ال500 بقول ده مناسب لفترات إنقطاع الميه وماكنش فى بالى موضوع النضافة وكده شكرآ على النصيحة

**Memo-kh** · 19-03-2013 05:46 PM

المشاركة الأصلية كتبت بواسطة dedi

و احنا بارضو في الدور الاخير ... ضغط المياه مش جامد .. هو كويس للحنفيه ( غسيل ايد و وضوء و كده ) لكن ميشغلش سخان و لا غساله ... لكن دي سهله لو عايز ضغط عالي .. ممكن تركب موتو صغير مثلا ربع حصان هيقضي الغرض زي الفل

لو عايز اي تفاصيل تانيه تحت امرك
[/color][/size]

بعد اذن صاحب الموضوع
استفسار صغير يعنى اية ضغط المياة ضعيف انا عارف انة مياة العمومية بها ضغط هواء للاندفاع للادوار العليا و لكن هو موش فية جاذبية ارضية يعنى مفروض انة سرعة اندفاع المياة شديدة من اعلى لاسفل
ولو هااشغل دش للاستحمام موش هاتطلع المياة فية و لا لا انا عندى نفس المشكلة بردة اخر دور فهل معنى كدة المياة سوف تكون ضعيفة معلش ياريت تشرح الموضوع دة بالتفصيل لو سمحت و شكرا[/quote]

باشا المقصود بضعف مية الخزان أنه ضغط نزول المياه منه ( بفعل الجاذبيه ) مش هيكون كفاية لتشغيل الغسالة الأوتوماتك ولا سخان الغاز بيحتاجوا ضغط شديد وهيكون مناسب لأغراض الوضوء وغسيل اليدين والإستحمام دا اللى أنا فهمته من سؤالى فى الموضوع ياريت اكون أفادتك