سؤال عن الشبابيك والأبواب الالوميتال

**greenday** · 11-03-2013 12:44 AM

انا ناوى باذن الله اعمل الشبابيك اللى عندى كلها الوميتال فهل الحلوق هتختلف عن الشبابيك العادية يعنى هل لازم اشترى حلوق جديدة لان الشقة فيها حلوق متركبة وهل اركب الوميتال بعد ما اركب السيراميك فى المطبخ والحمام ولا قبل وهل دلوقتى اجيب النجار يظبط الحلوق وكده ولا اعمل ايه بالظبط ياريت حد يقولى الخطوات هى الشقة على المحارة وياريت اسعار متر الوميتال بكام وانواعه ايه وهل الأفضل اركب باب الحمام الوميتال ولا لا منتظر النصيحة

**AHMED12345678** · 11-03-2013 02:58 PM

الى اقدر افيدك فية
بالنسبة لشبابيك الالوميتال الافضل تتركب بدون حلوق اصلا يعنى تتركب على الحيطة مباشرة ودة الاحسن علشان تبقى ماسكة كويسة فى الحيطة لان الخشب بيتأثر بالعوامل الجوية
وبالنسبة لشبابيك الحمام والمطبخ بتتركب بعد السيراميك

**mo3tazanas** · 11-03-2013 04:31 PM

من الاخر الشابيك الالوميتال ممكن تركب على الحيطة على طول من غير حلق وممكن تركب بحلق والاثنين زى بعض
وطبعا لو هتركب الحلق الخشب لازم يتوزن علشان بتاع السيراميك يخدم علية ومايبقاش في شفة وطبعا الشبابيك بتركب فى الاخر علشان البرور الالومنيم بتاع الشباك يبقى راكب على السيراميك وبالنسبة لاسعار بتختلف حسب نوع الالومنيوم في نوع 350-400ج /للمتر وعاندك لحد 700-800ج /متر وبالنسبة لباب الحمام اعملة خشب بس يتخدم كويس فى النقاشة ويتريح الاول فى النجارة كويس وما تكترش فى الالومنيوم علشان تكلفتة ممكن تفتح معاك ....واى اسئلة