قصتي مع مشكلة لمبة abs وعدم عمله اثناء اضائتها

السلام عليكم ورحمة الله وبركاته
كنت كتبت موضوع قبل كده عن اضاءة لمبة الـ Abs وطبعا كان الـ abs مش شغال ساعتها
وكنت بحس برجرجة بسيطة في دواسة الفرامل اثناء عدم اضاءة اللمبة

المهم .. اخوانا الكرام في المنتدى قالولي 100% وحدة abs
روحت كشفت والميكانيكي قالي نفس الكلام

اشتريت وحدة abs استعمال خارج وركبتها والمشكلة فضلت موجودة
الميكانيكي قالي كده تبقي صرة شمال ورا
ورحت كشفت كمبيوتر عند واحد تاني قالي نفس الكلام
رجعت الوحدة واشتريت الصرة
نفس المشكلة موجودة

المهم المشكلة في الاخر طلعت من الكابل اللي متوصل بالصرة اللي قدام يمين
كان فيه سلك ملمس والحمد لله روحت لحسام اوبل اللي في طنطا

وأخد 30 جنيه وصلح الكابل والحمد لله تعالي بعد ما صرفت اكثر من 700 جنيه
لاني معرفتش ارجع الصرة تاني للراجل وكان عنده حق لانه مش حقل تجارب

الحمد لله انه اتصلح ال abs أمااااان

معلش المصاريف المهم انك وصلت للمشكلة واتحلت الحمد الله
وخصوصا انها فالفرامل

السلام عليكم ممكن توصف فين الصرة دي وفين السلك ده

أنا أسمع ان حسام ده كويس فعلا.

الصرة بتكون موجودة خلف كل عجلة في السنتر
كتلة حديدية تمسك بالكفين وبها مكان يوضع به الكابل

ممكن عنوان ورقم تليفون حسام اوبل اللى فى طنطا ده ورأيك فيه لانى من جنوب سيناء والصنيعيه هنا حاجة زفت فممكن وانا فى المحلة اعدى عليه ولو فى حد بتاع تكييف كويس لانى عايز اركب خراطيم التكييف

ميروك يا باشا
بس مين قالك غير جهاز الاسكنر كان حيددلك
واي صرة سهلة الكشف عليها عن طريق فك العجلة ووضع اي مفك ليتماس مع الصرة
وعند الدوران سوف يظهر ازا كان في رفة ولا لا
عامتا الف مبروك