الموضوع: كيف تؤذي ضابط المرور المفتري

موقف حصل معايا فعلا
كنت ماشى فى المنيل عند شارع عبد العزيز ال سعود ولقيت مكان فاضى قلت اركن فيه ولسا بركن لقيت واحد جالى وبيقولى انا من المباحث العامة وطلعلى كرنية وقالى لو سمحت انزل الظابط شاور عليك وعاوزك المهم نزلت قالى هات البطاقة بتاعتك قلتله خد بص فيها وبعدين قالى انت وقفت هنا ليه قلت مكان فاضى وبركن قالى هنا حصلت جريمة قتل وانا لازم اخدك للقسم قلتله ليه قالى دى اوامر المهم حسيت انه عاوز فلوس فطلعت 20 جنية بديهالوا قالى عشرين جنية وضحك وقالى دانت هتبات فى القسم النهاردة ومش هتطلع ولو دفعت 500 جنية المهم قلتله ليه قالى لما هنروح هتعرف ولقيته ل الناحية التانية وعاوز يركب معايا ونمشى
فسبحان الله ربنا الهمنى انى ما خلهمش يركب وقفلت الباب وقفلت العربية وقلتله انا هاجى معاك
فلقيت مصصمم انى اروح بالعربية
قلتله لا انا هاجى معاك ونركب البوكس ونروح للقسم
فارتبك
فطلعت ال 20 جنية تانى عشان يحل عن دماغى (كل دا وانا مقتنع انه من المباحث فعلا) فحاول يركب تانى ونمشى بالعربية وانا قفشت وابتديت ازعق وقلتله مش هنمشى بالعربية وخدنى على القسم من هنا لهنا خد الفلوس وقالى امشى من هنا الدنيا مقلوبة المهم مشيت ورحت طالع على القسم وطلبت عمل محضر ضد ضابط المباحث دا
قالولى مباحث مين فدخلت للمامور بعد ما عملت هيصة وهددت انى هطلع على الوزراة لمكتب الوزير المهم دخلونى للمامور وبعدين اتصل بظابط المباحث وكان برة فى اشارع وقالوا تعالى بسرعة عشان فيه مشكلة من رجالتك والراجل عاوز يطلع على الوزارة لقيت بعد شوية جه بالبوكس وحكيلتلة الموضوع فسالنى ايه مواصفات الراجل وصفتهالة قام مطلع دفتر وقالى كنت فين بالظبطت قلتله المكان بالتحديد فبص فيه وقالى مفيش حد فى المكان دة الان وركب معايا ورحنا المكان وسال البوابين وقلب الدنيا وفى الاخر قالى دا تلاقية واحد عامل كرنية مضروب وورانى كرنيهه طلع فعلا مختلف عن الكرنية التانى وقالى اشرحلى ايه اللى حصل بالظبطت حكيتلة وحكيتلة موضوع اصرارة انى يركب معايه ونروح القسم فقالى احمد ربنا انك مانعته من الركوب وقالى اللى متوقعة انه هيركب جنبك وتمشى شوية وبعدين يثبتك بمطوة فى جنبك وهتلاقى ناس مستنيين قدام هيركبوا معاك بالعافية ويخلوك تطلع فى حتة مقطوعة فى الصحرا وبعدين يقلبوك وياخدوا العربية ويمشو ويرموك فى الصحرا وقال بتحصل كتيير.
ومن ساعتها وانا بخاف اصلا اركب حد معايا معرفوش ولو على الطريق السريع وبيشارو لتوصيلة
انا قلت احكى اللى حصل دا عشان النتاس تستفيد