كيف تؤذي ضابط المرور المفتري
الموضوع ده حصل يا جماعه مع واحد صاحبي وانا ححكيهولكم بتفاصيله
كان صاحبي ماشي هو ومراته بالعربيه راح موقفه ظابط المرور وقاله مخالفه يا افندي
(مع انه مهندس محترم )
قاله خير ليه المخالفه
فقاله انت بتستعمل العربيه في نقل بضاعه بدون ترخيص
قاله بضاعه ايه
قاله الكرتونه اللي علي الكنبه دي
قاله هي دي بضاعه (كرتونه فيها 20 علبه تليفون محمول جديده)يعني مش مربطهم علي السقف
المهم من هنا لهنا الظابط قل ادبه علي صاحبي راح صاحبي شاتم الظابط ومظبط جدور وشجره عائله الظابط الكريمه بما يتناسب مع اصول قله الادب
المهم الظابط اخد الرخص وصاحبي قاله انا حوريك انا حجيبهم ازاي ومن غير وسايط
الباشا قام رايح علي مكان في مديريه امن اسكندريه اسمه التحريات (احفظوا الاسم كويس علشان حتحتاجوه) ودول مهمتهم التحقيق في افترا الظباط
وقام عامل محضر بكل اللي حصل بالتفصيل الممل
المهم الظابط بتاع التحريات قاله انا حجيبلك رخصك ونلم الموضوع ودي
صاحبي شاط اكتر
راح واخد بعضه وطالع علي مبني المخابرات العامه (بجوار كليه الهندسه)
وراح عامل محضر متين هناك بكل حاجه حصلت وبالشتايم اللي اتقالت (لازم يتعمل بالتفصيل الممل )
وتخيلوا بقي لما يتحط في موقف بعد كده انهم يقولوه طيب نخليه يبوس ايدك وتتنازل عن المحضر يقولهم طيب خلوه يغسل دماغه الاول(الظابط هو اللي يغسل دماغه )
بس طبعا الاجرائات دي محدش يعملها الا اذا كان مظبوم فعليا والظابط مش علي حق لانه لو علي حق يبقي ينسي انه يركب عربيات تاني
وارجوا لو حد عنده اضافه او نصيحه تانيه يقولها
اخوكم علي الطريق
shnory