الكارينز الحالية هل يوجد منها 7 راكب؟

**أبو_يوسف** · 11-03-2013 09:28 AM

السلام عليكم
هل يوجد من الكارينز الحالية 7 راكب؟ او يمكن اجراء تعديل عليها لتركيب كنبة خلفية مثل الكارينز 2014؟

**mohamed_selim** · 11-03-2013 11:32 AM

مفيش وكيل
معرفش الخليجى بتنزل ال 7 راكب ولا لأ بس لو هتنزل هتلاقيها 2000 سي سي فمأظنش ان ليها سوقو التجار هيجيبوها
اى تعديل على العربيه الموجوده حاليا هيبوظ اكتر ما هيزود ... كنت قريت ان ال 7 راكب الشاسيه اطول حاجه بسيطه

**أبو_يوسف** · 11-03-2013 01:41 PM

كنت سمعت من فترة بس مش متأكد ان ممكن يتركب كنبة خلفية زي الصورة دي

حد جرب الموضوع دا؟

**محمد بدر** · 11-03-2013 02:09 PM

سيارة الوكيل 1600 cc بدون كنبة خلفية
وبالنسبة للكارينز الخليجى 2000 cc يتوفر فيها كنبة خلفية ودية طبعا سعرها مرتفع جدا وأنا شخصيا شوفتها كثير بس عليها نمر سياحة
وعن طريق الطلب الخاص ممكن الوكيل يوفرها لك
ومعلومه أكيدة ليس هناك أى أختلاف فى الشاسيه على الإطلاق
ومن السهل جدا تركيب الكنبة الثالثة وأعتقد ممكن تكون متوفرة فى الحرفيين وأنا شوفت التعديل بنفسى فى كارينز 1600 cc
ولاكن لتركيب الصف الثالث لازم وحتما ولابد من تغيير الجوانب الفيبر من بعد الباب الخلفى شامل جزء من العتب الفيبر كمان
طبعا ممكن تسأل ليه أقول لحضرتك
الصف الخلفى له مساند فى الفيبر ده طبعا غير حزام الآمان المثبت به وغير قواعد التثبيت فى الأرضية
والكراسى قابلة للطى
المهم الكلام ده كله بيكلف كام
تقريبا فى حدود 4000 جنيه وتحتفظ بالفيبر القديم المهم تلاقى الفيبر نفس اللون علشان كان فى ناس بيرشو الفيبر الجديد نفس لون الفيبر القديم وبصراحة معجبنيش
يارب أكون عرفت أشرح الموضوع بشكل وافى