ريو خليجي ولا وكيل ؟

**megooo13** · 11-03-2013 10:46 AM

انا خلاص نويت على ريو ان شاء الله بس محتار يبن الوكيل و الخليجى ... روحت عند اباظه و سألت اللى عرفتو ان الفرق فى Highline ان فى الخليجي ان الزيادة Parking Sensor و الجنط 17 سبورت بس .. لكن مثبت السرعة و كل الاوبشنز التانية زى بعض .. اصلى كل اللى مخاوفنى من الخليجى عيوب الصناعة لأن مع مع صاحبى قبل كدة فى السيراتو حصل عيب فى ال Gear box و الضمان غيرهولو كلو .. فا خيف يحصل معايا كدة و مش معقول تريبل A حتغيرو مش حبقى دافع 2000 جنيه و يغيرولي حاجة ب أكتر من 35000 جنيه .. أسف على الاطالة و ارجو الافادة ....

اللون الاحمر مخصص فقط للمداخلات الادارية والاشرافية
مشرف 6 ب
2.34pm
11/3/2013

**nagy wassef** · 11-03-2013 11:20 AM

انا كنت هشتريها و لفيت اللفة بتاعتك ديه قبل ما اجيب الفيكترا. و فى فرع روكسى السيلز مان اللى كان معايا قاللى لو عايز الباركينج سينسور نركبهولك. ( يعنى يبقى ابنى فى حضنى و ادور عليه) ما العربية ليها وكيل و ضمان محترم و هيركبوا السينسور كمان يبقى اسحل نفسى ليه؟ عشان جنط 17؟؟؟؟؟؟؟؟؟؟؟؟

**megooo13** · 11-03-2013 01:14 PM

المشاركة الأصلية كتبت بواسطة nagy wassef

انا كنت هشتريها و لفيت اللفة بتاعتك ديه قبل ما اجيب الفيكترا. و فى فرع روكسى السيلز مان اللى كان معايا قاللى لو عايز الباركينج سينسور نركبهولك. ( يعنى يبقى ابنى فى حضنى و ادور عليه) ما العربية ليها وكيل و ضمان محترم و هيركبوا السينسور كمان يبقى اسحل نفسى ليه؟ عشان جنط 17؟؟؟؟؟؟؟؟؟؟؟؟

ايوة ما هى دى وجهت نظرى انا كنت بسأل فى اي حاجة تانى زيادة فى الاوبشنز ولا لأ ؟؟

**nagy wassef** · 11-03-2013 02:39 PM

الخليجى فيها فرش جلد

**Tmhami** · 11-03-2013 03:05 PM

بص يا سيدى أنا معايا الوكيل أوتو الفئه الى قبل ال high line

بصفه عامه الخليجى بيكون أكتر فى الأوبشنز زى حساسات المطر و الضوء والباركينج سينسور
و كمان ممكن تلاقى في فرق فى نوع الفرش أو فى اللون و طبعا مقاس الجنط و الأهم شكله (شكل الجنط الخليجى مميز أوى)

الموضوع من الأخر عامل زى البطيخه ,يتقوى قلبك و تجيب الخليجى و تكسب فرق الأوبشنز أو تجيب الوكيل و تمشى جنب الحيط زى حالاتى و تكسب الضمان خمس سنين أو 100 ألف كيلو

الباركينج سينسور بيركب فى السبع(مركز معتمد) ب 850

لو محتاج حاجه أسئل وأنا تحت أمرك

**megooo13** · 11-03-2013 03:39 PM

المشاركة الأصلية كتبت بواسطة Tmhami

بص يا سيدى أنا معايا الوكيل أوتو الفئه الى قبل ال high line

بصفه عامه الخليجى بيكون أكتر فى الأوبشنز زى حساسات المطر و الضوء والباركينج سينسور
و كمان ممكن تلاقى في فرق فى نوع الفرش أو فى اللون و طبعا مقاس الجنط و الأهم شكله (شكل الجنط الخليجى مميز أوى)

الموضوع من الأخر عامل زى البطيخه ,يتقوى قلبك و تجيب الخليجى و تكسب فرق الأوبشنز أو تجيب الوكيل و تمشى جنب الحيط زى حالاتى و تكسب الضمان خمس سنين أو 100 ألف كيلو

الباركينج سينسور بيركب فى السبع(مركز معتمد) ب 850

لو محتاج حاجه أسئل وأنا تحت أمرك

ما انا وجهت نظري ان الفرق بسيط لو على الفرش الجلد و ال parking Sensor كل دة مش حيتكلف 2000 جنيه كانك دفعتهم فى شراء الضمان للخليجى و الجنط ال 17 مشاكلو كتير فى شوارع مصر انا بس كنت بتأكد من الفروق و اظن هى حاجات بسيطة ماتستهلش اضحى بالضمان عشانها

**Tmhami** · 11-03-2013 03:59 PM

أنا برضه بشوف الفرق ميستهلش المخاطره ,بس معرفش فرق الفلوس أد أيه

**mostafaelfayed** · 13-03-2013 01:44 AM

انا معايا الخليجي و لسه فيناير 2013 لدلوقتي .. وواخد زميلي جايب الوكيل قبلها بكام يوم ... الاتنين واحد كيا و كيا ... بس لاحظت الفروق و انا راكب معاه و هو بيركب معايا احيانا .. حاجز الصوت في الخليجي افضل ... احنا الاتنين فول اوبشنز عندي ليدات و هو لأ مثلا .... التكييف في الخليجي افضل من الوكيل و عمتن الاتنين واحد و اتوكل على الله و ربنا يوفقك و تيقى نمر من نمور كيا قريب

**mostafaelfayed** · 13-03-2013 01:47 AM

خليجي اتكل على الله و هات الخليجي المهم من معرض تبعك و تعرفه و لو عاوز اوصلك بالناس اللي جبت منهم ناس محترمة

**temo85** · 13-03-2013 06:05 PM

المشاركة الأصلية كتبت بواسطة megooo13

انا خلاص نويت على ريو ان شاء الله بس محتار يبن الوكيل و الخليجى ... روحت عند اباظه و سألت اللى عرفتو ان الفرق فى highline ان فى الخليجي ان الزيادة parking sensor و الجنط 17 سبورت بس .. لكن مثبت السرعة و كل الاوبشنز التانية زى بعض .. اصلى كل اللى مخاوفنى من الخليجى عيوب الصناعة لأن مع مع صاحبى قبل كدة فى السيراتو حصل عيب فى ال gear box و الضمان غيرهولو كلو .. فا خيف يحصل معايا كدة و مش معقول تريبل a حتغيرو مش حبقى دافع 2000 جنيه و يغيرولي حاجة ب أكتر من 35000 جنيه .. أسف على الاطالة و ارجو الافادة ....

مش فارقه كتير فى حوار الضمان ده لان ضمان الوكيل مجرد ضمان شكلى ليس الا ,, متنساش انك فى مصر
اقلك على حاجه بسيطه ,, صديق ليا معاه سيراتو 2010 راح بيعمل صيانه ال80 قالوله محتاج تغيير جوز المساعدين قدام قالهم ليه قالوله مرشحه زيت !!!!
كلمنى من هناك قالى الكلام ده قلتله زيت ايه يبني المساعدين غاز فى السيراتو ,, ادينى المهندس اللى قالك الكلام ده
قاله خد كلم قاله اسف مبكلمش حد من بره ,, قاله ماشي بس المساعدين فى السيراتو مش غاز ,, اتربك شوية كده قاله مش فى كل الموديلات !!!! فى و فى !!!
قاله طب متغيرش راح و رجع قاله الفنى فك و ركب الجداد خلاص ,, عشان الراجل مؤدب زياده عن اللزوم قاله خلاص مش مشكله طالما غيرتوهم خلاص بس دول اكيد فى الضمان العربية لسه 80 الف و الضمان لحد ال 100 صح ؟؟؟؟
قاله لا مش صح ده مش عيب صناعه فى المساعد ده سوء استخدام منك قاله ازاى انا مخدش مطبات جامده ولا حاجه كله نقر و حجات اللى فى الشارع قاله هو كده و دفع و مشى بس خد المساعدين البايظين معاه ,, قلتله تعالى نروح لعفشجى يبص على المساعدين القدام رحنا قاله دول يمشوا 80 الف كمان مين قالك غير !! قاله التوكيل ضحك و سكت
هو ده التــــــــوكيل ببساطه