طنابير الصني الامامية وصيانة الخمسة

عرض للطباعة

11-03-2013, 10:49 AM
me.designer

طنابير الصني الامامية وصيانة الخمسة

يا جماعة رحت عملت صيانة الخمسة عادي جدا .. وكان عندي مشاكل في المساعدين اللي ورا واتعملوا في الضمان بس الغريب ان الطنابير الامامية عندي طلع فيها شفة وفي اوتو ايجيبت بيقولولي انهم مش في الضمان .. انا عارف انهم مش في الضمان .. بس هوا الجديد بقى اني اغير الطنابير على التيل مش العكس ؟؟؟ خمس الاف كيلو والطنابير تبوظ ؟؟ .. مهندس محمد درويش قاللي انهم عدلوا المشاكل دي في الاصدارات الاخيرة اللي منها عربيتي .. طب فين المشكلة اللي اتحلت ؟؟ ماهي لسه اهه طنابير باظت من 5 الاف كيلو ... وقالي هيعمل محاولة مع الضامن اللي هوا السبع ... اعمل ايه يا شباب .. وانا عارف وانتم عارفين ان في ناس كتير غيرت طنابير نفس العربية في الضمان على 10 الاف حتى ... اكلم نيسان ؟ ولا استنى لما المهندس يرد عليا ؟
11-03-2013, 11:01 AM
MohammedAladel

غيرها فى الضمان طبعا
11-03-2013, 11:34 AM
nagy wassef

ايه يا عم التهرييييييج ده؟؟؟؟ بره و لا جوه تتغير غصب عنهم..... ايه السرقة اللى عينى عينك ديه!!!!!
الطنابير بره الضمان عشان بتستهلك و بتتغير ، لكن بعد 5000 كيلو ده يبقى عيب صناعة و هما عارفين و بيصتعبطوا... اعمل فيهم شكوى و قلهم انك هتعمل فيهم شكوى ....هو فى ايه؟؟؟؟؟؟ هو احنا بنلاقى الفلوس فى الشارع؟؟؟؟ متسبش حقك......
11-03-2013, 11:38 AM
amdd

من غير زعل
الصنى 2013 اصلا مش عايزه تدخل دماغى خالص
11-03-2013, 11:45 AM
me.designer

والله يا ريس انا قلتلهم هكلم نيسان قاللي استنى متكلمهمش الا لما ارد عليك واقولك وصلت لايه وقاللي اديني 3 ايام .. لما نشوف بقى
11-03-2013, 12:56 PM
Dr'AhmZZong

غير الوكيل و روح واحد تاني زي أوتوا اجيبت ..
11-03-2013, 04:06 PM
Sehsss

ما تتنازلش عن إنك تغيرها في الضمان
11-03-2013, 05:33 PM
zambarota

الواحد ريقه نشف من تكرار الموضوع
برجاء مراجعه الموضوعات السابقه بموضوع التيل والطنابير وتغيرهم فى الضمان
11-03-2013, 05:38 PM
me.designer

والتيل كمان بيتغير في الضمان ؟
11-03-2013, 08:40 PM
zambarota

اقتباس:

المشاركة الأصلية كتبت بواسطة me.designer

والتيل كمان بيتغير في الضمان ؟

التيل بيتغير فى الضمان لان خامته رديئه ومش معقوله تيل يبوظ بعد الف كم

وكمان التيل بيأثر على الطنابير فالبتالى لو التيل باظ الطنابير هاتبقى بالسلامه

يبقى الاولى بالرعايه هو التيل يتغير فى الضمان والاثار الناتجه عن تلف التيل من تلف فى الطنابير

ده حقك ان تغير التيل والطنابير فى الضمان بدون دفع اي مصاريف او تكاليف

ولو حد اعترض اطلب الاتي

اطلب تقرير من مركز الصيانه (من حقك انك تطلب تقرير) مثبت فيه الحاله الفنيه للسياره والمطلوب تركيبه واستبداله للسياره

وتقولهم انك هاتصعد الموضوع لجهاز حمايه المستهلك

ولو عندك عزيمه تروح الجهاز وتعمل شكوي وتقدم مستنداتك وانا اؤؤكد ليك ان الجهاز هايكون جنبا الى جنب معاك

وهاتغير التيل والطنابير غصب عن اكبر راس فى نيسان ومراكز صيانتها
12-03-2013, 01:40 AM
MOK3336

اقتباس:

المشاركة الأصلية كتبت بواسطة amdd

من غير زعل
الصنى 2013 اصلا مش عايزه تدخل دماغى خالص

ولا دماغى انا كمان و حياتك :crying1:
12-03-2013, 09:36 AM
hatemfox2005

ده هبل ياجماعه يعني ايه طنابير تتغير علي 5000 كيلو
انا معايا تويوتا موديل 2007 عامله 250 الف كيلو وعمري ما غيرت الطابير وبغير التيل كل 60 الف
ده عيب صناعه وحرام تدفع قرش في الطانبير والتيل كذالك
12-03-2013, 10:04 AM
kfarouk

انا كنت يوم السبت الي فات في اوتو ايجيبت ابو رواش و انا العربية ماشية 14000 و قالولي حيغيروا الطنابير في الضمان بس لسة مش متوفرة فمستنيهم يكلموني فما تتنازلش عن تغيير تيل و طنابير في الضمان
12-03-2013, 02:38 PM
me.designer

بعد ما عملت شكوى في ادراة اوتو ايجيبت وشكوى تانية في نيسان ... أخيرا استجابوا وحجزت يوم السبت المقبل لتغيير الطنابير والتيل في الضمان .... شكرا على جهودكم وتوجيهاتكم يا شباب
12-03-2013, 02:40 PM
me.designer

اقتباس:

المشاركة الأصلية كتبت بواسطة kfarouk

انا كنت يوم السبت الي فات في اوتو ايجيبت ابو رواش و انا العربية ماشية 14000 و قالولي حيغيروا الطنابير في الضمان بس لسة مش متوفرة فمستنيهم يكلموني فما تتنازلش عن تغيير تيل و طنابير في الضمان

كلمهم تاني بقى لانهم كده جابوا طنابير وتيل والا مكانوش حجزولي السبت الجاي برضه في اوتو ايجيبت ابورواش