وقعت على وشى لأول مرة فى تاريخ حياتى - أعصابى باظت يا بشر

من أول ما كنت طفلة و أنا بلعب ضغط لكن بأعداد قليلة حوالى 7 مرات مرتين فى الأسبوع
كبرت شوية و بعمل نفس الرقم بس من أرتفاع أعلى و دة أصعب جدا لحد من شهرين تقريبا
بطلت كونغ فو و ضغط و أيروبيك من شهرين
أمبارح أول حاجة فكرت أعملها ألعب ضغط عالى
حطيت رجلى فوق و سانده بأيدى و بنزل و بطلع لقيت نفسى نزلت تانى على وشى :crying1:
الفكرة كلها أننا متجوزة من فترة بسيطة فأنا مش عارفة أكمل فى نفس التمرينات دى ولا أكبر دماغى خالص ؟ بس المشكلة أننا دى هوايتى الوحيدة فى الدنيا
دلوقتى أنا فكرت فى كام حل
أبطل خالص و هحس بملل
أخد برشام لتقوية الأعصاب بس خايفة
أغير النشاط و أستمر على الأيروبيك بس حاجات خفيفة منه بس خايفة بعد كدة يحصل نفس المشكلة تانى و أقل على طول

اقتباس:

---

المشاركة الأصلية كتبت بواسطة manola

من أول ما كنت طفلة و أنا بلعب ضغط لكن بأعداد قليلة حوالى 7 مرات مرتين فى الأسبوع
كبرت شوية و بعمل نفس الرقم بس من أرتفاع أعلى و دة أصعب جدا لحد من شهرين تقريبا
بطلت كونغ فو و ضغط و أيروبيك من شهرين
أمبارح أول حاجة فكرت أعملها ألعب ضغط عالى
حطيت رجلى فوق و سانده بأيدى و بنزل و بطلع لقيت نفسى نزلت تانى على وشى :crying1:
الفكرة كلها أننا متجوزة من فترة بسيطة فأنا مش عارفة أكمل فى نفس التمرينات دى ولا أكبر دماغى خالص ؟ بس المشكلة أننا دى هوايتى الوحيدة فى الدنيا
دلوقتى أنا فكرت فى كام حل
أبطل خالص و هحس بملل
أخد برشام لتقوية الأعصاب بس خايفة
أغير النشاط و أستمر على الأيروبيك بس حاجات خفيفة منه بس خايفة بعد كدة يحصل نفس المشكلة تانى و أقل على طول

---

حضرتك بتقولى انك متزوجة من فترة بسيطة
لو بطلتى خالص فعلا هتحسى بالملل والخنقة لانك متعوده على رياضه بتحبيها
ولا انصحك بالبرشام لان ممكن يكون له اضرار جانبية
تغيير النشاط والاستمرار على التمرينات الخفيفه هو الحل الامثل
خصوصا وان ممكن يكون او يحصل حمل والبرشام او عمل الضغط والقدم لاعلى واليد على الارض يأثر على صحتك والله اعلم

استشيري الطبيب قبل أي حاجه .. خصوصا في الفترة دي.

اقتباس:

---

المشاركة الأصلية كتبت بواسطة kar!m

استشيري الطبيب قبل أي حاجه .. خصوصا في الفترة دي.

---

بالظبط كده

قبل ماتعملى التمرين دة , لازم الاول تعملى تمرينات احماء للعضلات , وبعد كدة , اعملى تمرينك المفضل وان شاء الله هتلاقى نفسك زى الاول

- وبلاش الادوية دلوقتى نهاااااائى , لانها كلها منشطات , واى حاجة بتفكرى تاخديها لازم الاول تعملى تحاليل وتروحى لدكتور عشان يشوف الدواء المناسب وبدون اى اثار جانبية

يا ريت ما ترجعيش للخلف. أقصد طالما كنتي بتعملي حاجة مفيدة أوعي تفرطي فيها. أبدأي تاني ان شا الله تعملي مرة واحدة و زودي كل كام يوم تاني. أنا كنت بعمل ضغط عادي علي الأرض (مستوي واحد) و كنت بجيب مثلا 20 مرة و بعد كده بطلت مدة كبيرة. حاولت من حوالي 3 شهور كده للأسف جبت حوالي 13و كنت باموت.
كنت هعيط و الله لكن ما سكتش و فضلت أعمل كل يوم و أحاول و النهاردة بعمل 35 مرتين أو تلاتة في اليوم.
نصيحة اطلعي لقدام ما ترجعيش لورا.

انت ممكن تاخدي b12 بس برضوا اسالي دكتور افضل
b12 عباره عن فيتامينات للاعصاب و بيبقي معاه b6
هي مالهاش اضرار جانبيه ...بس مش حلوه لو اخدتي كتير
بتوقف عمليه الاحساس في اللعب و ممكن تتمزقي لقدر الله او تعملي حركه غلط لو ما اخدتيش بالك
هي حقنه عاديه ناس عاديه بتاخدها من غير لعب حاجه...والافضل تاخديها مره كل ثلاث اسابيع
بس اسألي برضوا دكتور للتاكيد بسبب الجواز

سلامات
استشيري الطبيب
اي شيء مفيد
قليل دائم خير من كثير منقطع-بدون قتل طموح

مبروك الجواز !

انا بصراحه اتفجعت مرتين (بلغة الاسكندرانيه )

اولا من اسم الموضوع (بصراحه خفت لا قدر الله يكون حصل مكروه ) والواحد ما يحبش يسمع عن اى اذى لاى حد

ثانيا : ان سيادتك كنتى بتلعبى كونغ فو و ضغط و أيروبيك (هو فى ايه للدنيا يا جدعان)

دى ماحصلتش لى فى شرخ الشباب ايام ما كنت باجرى 3 كيلو فى اليوم

و لا حال الناس هنا , و الواحد فيهم بيقول انا عاوز اركب عجله

بصراحه احييك

و مع الزملاء فى استشارة الطبيب