الموضوع: فيكترا اية - السرعة الاولى في المراوح فصلت واشتغلت تاني

المشاركة الأصلية كتبت بواسطة mifs

لا مش ثرموستات انسى تماما الثيرموستات
رجول الكد اوت مش بتحتاج تتنضف ولا بتكون في حاجة سايحة
الكلبسات اللي بتمسك الرجول بتكون مش حكماها كويس ومع الحرارة في كد اوت بيقطع
زي ما قلت لحضرتك قبل كده والمراوح قاطعة سرعة اولى والعربية سخنة هز الكد اوت واحد واحد علشان تحدد اللي فيه مشكلة ساعة المراوح ماتشتغل وكمان هز الفيوز الصغير
علشان ماتتوهش نفسك

شكرا لردودكم
وانا بفك الكتاوت كانوا بيطلعوا مش بسهولة يعني الرجول كويسة
بس امبارح وانا مراقب الموضوع وفاتح الكبوت لقيت المروحة الامامية (بتاعة التكييف) لما بتكون شغالة صوتها مش ثابت يعني تعلى وتوطي يعني سرعتها مش ثابتة
كده ده عيب مروحة ولا حاجة تانية

سألت على المروحة عند سوسو
لقيتها 350جم
كتير جدا
خصوصا ان دي حتكون موديل 95 يعني اخرها تشتغل صيف واحد بالعافية
حد يعرف الجديدة بكام

بص يا عم الحاج
هنمشى من الالف للياء
طالما السرعه الاولى مش شغالة يبقى 95 % السر فى مروحة التكييف لان السرعه التانية شغالة فى مروحة الردياتير و بكدة نستبعدها كون عطل فيها
يبقى اللعب كله فى مروحة التكييف - لما بتقف بتوقف معاها مروحة الردياتير السرعة الاولى فقط فقط فقط
ماشى يا باشا
مروحة التكييف اسباب عطلها
1 - عايز طقم جلب
2 - عايزة طقم شربون
التكييف فك و تركب و كل الذى منه
ثمانون جنيها
ثمانون جنيها
ثمانون جنيها
و لسة عاملها من تلات سنين بتكلفه 60 جنيها
و المرة التانية عملها من شهر بتكلفة 80 جنيها
اسيب العربية و ارجع اخدها زى الفل و شغالة و قمة الجمال

المشاركة الأصلية كتبت بواسطة cayman69300

بص يا عم الحاج
هنمشى من الالف للياء
طالما السرعه الاولى مش شغالة يبقى 95 % السر فى مروحة التكييف لان السرعه التانية شغالة فى مروحة الردياتير و بكدة نستبعدها كون عطل فيها
يبقى اللعب كله فى مروحة التكييف - لما بتقف بتوقف معاها مروحة الردياتير السرعة الاولى فقط فقط فقط
ماشى يا باشا
مروحة التكييف اسباب عطلها
1 - عايز طقم جلب
2 - عايزة طقم شربون
التكييف فك و تركب و كل الذى منه
ثمانون جنيها
ثمانون جنيها
ثمانون جنيها
و لسة عاملها من تلات سنين بتكلفه 60 جنيها
و المرة التانية عملها من شهر بتكلفة 80 جنيها
اسيب العربية و ارجع اخدها زى الفل و شغالة و قمة الجمال

طب سؤال عشان المروحة تتفك
لازم يحل سربنتينة التكييف ويفضي فريون
ولا يفك الاكصدام بس
الراجل اللي عند سوسو قالي ان بتاعة المرسيدس 200 أو 230 تركب عادي على نفس الفيشة بدون تعديل
من باب العلم بالشئ سألت في التوكيل عليها قالي موجودة ب 2200جم يعني مش حرام عربية موديل 94 مروحتها بالسعر ده
وشكرا

بص يا برنس
هيفك الردياتير و يفك مروحة التكييف و بدون اى فك او اى تسريب للفريون
لو صنايعى ناصح
و الاكصدام بتاع الفكترا اية يتفك فى حالة واحدة
بعد الشر الف مرة فى الحوادث فقط
لكن الدنيا عندنا واسعه جدا
روح عند حد بيفهم و يتصرف فى الكلام اللى انا باقولهولك