امبارح حصل حاجة غريبة
السرعة الاولى في المراوح فصلت لوحدها والسرعة التانية هي اللي اشتغلت
الموضوع حصل الساعة 10 باليل وقعد حوالي 10 دقايق على الحال ده ان السرعة التانية هي اللي تشتغل والغريب اني جربت اشغل التكييف بردة المراوح مشتغلتش علي السرعة الاولي
وبعدين اشتغلت عادي خالص وكأن مفيش حاجة حصلت
هل ده مؤشر لحاجة انها هتبوظ قريب ولا اية السبب
وشكرا
متابع
غسلت الموتور بالميه او في ميه جت علي ترموستات المروحه اللي تحت في الرادياتير شمال؟؟
لو الاجابه ,لا
تاكد ان فيشه الترموستات في وضعها الطبيعي وراكبه كويس
لو كله تمام ,يبقي الترموكابل اللي جوه الترموستات ضعف وبكده هتغير الترموستات
راجع على مجموعة الكداوت اللي في العلبة اللي قدام السواق في الكبوت المشكلة مش هتخرج من هنا
هي من ساعتها وهي شغالة عادي
مفيش مشاكل
شكرا لردودكم
عموما المشكلة بتكون ان علبة الكنترول فيها 4 كداوتاقتباس:
المشاركة الأصلية كتبت بواسطة moabany
من السخونة بتلاقي في كد اوت منهم رجوله او احدهم مش لامس النحاس مظبوط
الدليل خليها وهيا مهيسة كده افتح العلبة وهز الكداوت بايدك واحد واحد واللي قاطع هيشتغل بمجرد ما تحركة وهتسمع صوته وهوا بيشتغل
وهتتظبط وانتا واقف
لو اتكررت تاني راجع زي ما قلت لحضرتك
الموضوع حصل تاني
ان السرعة التانية تشتغل والاولى لأ
كده يبقى ترمستات السرعة الاولى عايز يتغير
سألت علية في التوكيل 330جم
gm
الكتاوت فكتهم ونظفت رجولهم بال wd40
وكانت رجولهم نضيفة ومفيش حاجة سايحة
كده يبقى ترمستات صح
طب اية رأيكم في السعر ده
وشكرا
هات الثرموستا الاصفر 130ج سرعتين 82 و 92
تمام الله ينور يا عمرو باشا..
نفس اللى حصل عندى
مش ترموستات غالباً
نضف فيشة المروحه اللى قدام
و مروحه التبريد
لا مش ثرموستات انسى تماما الثيرموستاتاقتباس:
المشاركة الأصلية كتبت بواسطة moabany
رجول الكد اوت مش بتحتاج تتنضف ولا بتكون في حاجة سايحة
الكلبسات اللي بتمسك الرجول بتكون مش حكماها كويس ومع الحرارة في كد اوت بيقطع
زي ما قلت لحضرتك قبل كده والمراوح قاطعة سرعة اولى والعربية سخنة هز الكد اوت واحد واحد علشان تحدد اللي فيه مشكلة ساعة المراوح ماتشتغل وكمان هز الفيوز الصغير
علشان ماتتوهش نفسك
شكرا لردودكماقتباس:
المشاركة الأصلية كتبت بواسطة mifs
وانا بفك الكتاوت كانوا بيطلعوا مش بسهولة يعني الرجول كويسة
بس امبارح وانا مراقب الموضوع وفاتح الكبوت لقيت المروحة الامامية (بتاعة التكييف) لما بتكون شغالة صوتها مش ثابت يعني تعلى وتوطي يعني سرعتها مش ثابتة
كده ده عيب مروحة ولا حاجة تانية
سألت على المروحة عند سوسو
لقيتها 350جم
كتير جدا
خصوصا ان دي حتكون موديل 95 يعني اخرها تشتغل صيف واحد بالعافية
حد يعرف الجديدة بكام
بص يا عم الحاج
هنمشى من الالف للياء
طالما السرعه الاولى مش شغالة يبقى 95 % السر فى مروحة التكييف لان السرعه التانية شغالة فى مروحة الردياتير و بكدة نستبعدها كون عطل فيها
يبقى اللعب كله فى مروحة التكييف - لما بتقف بتوقف معاها مروحة الردياتير السرعة الاولى فقط فقط فقط
ماشى يا باشا
مروحة التكييف اسباب عطلها
1 - عايز طقم جلب
2 - عايزة طقم شربون
التكييف فك و تركب و كل الذى منه
ثمانون جنيها
ثمانون جنيها
ثمانون جنيها
و لسة عاملها من تلات سنين بتكلفه 60 جنيها
و المرة التانية عملها من شهر بتكلفة 80 جنيها
اسيب العربية و ارجع اخدها زى الفل و شغالة و قمة الجمال
طب سؤال عشان المروحة تتفكاقتباس:
المشاركة الأصلية كتبت بواسطة cayman69300
لازم يحل سربنتينة التكييف ويفضي فريون
ولا يفك الاكصدام بس
الراجل اللي عند سوسو قالي ان بتاعة المرسيدس 200 أو 230 تركب عادي على نفس الفيشة بدون تعديل
من باب العلم بالشئ سألت في التوكيل عليها قالي موجودة ب 2200جم يعني مش حرام عربية موديل 94 مروحتها بالسعر ده
وشكرا
بص يا برنس
هيفك الردياتير و يفك مروحة التكييف و بدون اى فك او اى تسريب للفريون
لو صنايعى ناصح
و الاكصدام بتاع الفكترا اية يتفك فى حالة واحدة
بعد الشر الف مرة فى الحوادث فقط
لكن الدنيا عندنا واسعه جدا
روح عند حد بيفهم و يتصرف فى الكلام اللى انا باقولهولك
ممكن اعرف ازاي اعرف سرعات المراوح و امتى بتشتغل و الكهربائى ازاي بيظبط عل السرعه التانيه ولا الاولى
صوت السرعه الاولى او السرعه البطيئه بيكون بالكاد مسموع - و لما تقف قدام العربية ممكن تسمعه او لآاقتباس:
المشاركة الأصلية كتبت بواسطة kornclub
لكن السرعه التانية او السريعة ثق تماما هتسمعه و انت جوة العربية و لو طلعت من برة حاول تبعد من وش العربية بدل ما تتشفط
ههههههههههههههه
الفرق سهل اوى بين الاتنين
بالنسة للظبطة الكهربائى دى مش قصته خالص
وهو يصلح المرواح و يراجع على التوصيلات و سوتشة الحرارة اللى راكبة فى الردياتير و العربية هتتظبط لوحدها
هل شوفت كهربائى يظبط لمبة بعد ما يركبها - يا ركبها صح و اشتغلت يا ركبها غلط و طلعت حاجة مش شغالة ( قصدى على السرعه الاولى او السرعه التانية )