15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

**micho129** · 11-03-2013 04:24 PM

البلد دي مشكلتها في شعبها

**Samir Elshahawy** · 11-03-2013 04:26 PM

المشاركة الأصلية كتبت بواسطة khaledccie

دة الطبيعى يا بشمهندس سمير

زى ما انت عارف دخل فيا واحد حمار امين شرطة بعربية بوكس فى الجانب الشمال من العربية وخبطلى الاكسدام والرفرف والفانوس
فى طريق واسع 5 حارات وفاضى تماما ويوم جمعة ودة داخل فى عربيتى من وراء بدون اى اسباب
دول مش بنى ادمين للاسف وربنا ينتقم منهم

ما انت قولت لي
بس بصراحة أنا كان نفسي أي ح.....ر من بتوع الشرطة أو الجيش يلمس عربيتي و انا كنت طلعت فيه كل غل و حقد السنين اللي فاتت و اللي جاية

ياااااااه مش ممكن أنسي لما كنت بأشوف عربيات الامن المركزي علي طريق السويس بعد الثورة و كانت بتنتابني حالة هيستيرية و أكسر عليهم علشان أنزله عن الاسفلت و مرة كنت هأخبطه فعلا فأضطر يفاديني و كان هايتقلب و شوفت الطريق في المراية وقف و شكله كان حكاية

بجد كرهي للداخلية و الجيش زاد عن الاول 100 مرة لأنهم سبب كل البلاوي اللي أحنا فيها
- مرة بعدم أمتثالهم للقانون أيام المخلوع
- و مرة بأمتناعهم عن ردع المخالفين لمجرد معاقبتنا أن قمنا بثورة كسرنا فيها عصاية النظام (اللي هيا هما)

**mshmshm3** · 11-03-2013 04:27 PM

استاذي الفاضل
مدينة الرحاب بقيت ملجأ لاي حد عايز ينزل يلف
مع احترامي للبشر
تلاقي فيها اللي جي من كل حتة من البلد
و تلاقي فيها حرامية
و تاكس طيب سواق التاكس ساكن هناك مثلا وﻻ داخل يزور صاحبه ؟
ابتديت الكائنات الغريبة اللي بنشوفها في الشارع تلاقيها جوة
عايز اقولهم والله الرحاب مش في كوكب تاني مدينة سكنية فيها مباني
كل ده تسبب في وجود زحمة
يوم الجمعة اللي فات كان في حريقة في السوق بعد الصلاة
عربية المطافي رايحة السوق
كمية البهايم واقفين قدامها متنحين و السواق صوته اتنبح
وتلاقي اللي يطلع عشان ﻻقي حتة فاضية و مش مهم المطافي
واللي ماشي فاقد الوعي
ناس في منتهي التخلف
حاول تتحكم في اعصابك و تصبر مش في الرحاب بس ﻻ في اي حتة
ﻻن مستوي الوعي عند الشعب بينحدر للاسف
انا عارف ان في ناس كتير مش هايعجبها طريقة كلامي بس ده واقع

**S O P H O S** · 11-03-2013 04:49 PM

المشكلة ان دي بيقي الطبيعي
عمره ما كان طبيعي كده !

**Samir Elshahawy** · 11-03-2013 04:54 PM

المشاركة الأصلية كتبت بواسطة mshmshm3

استاذي الفاضل
مدينة الرحاب بقيت ملجأ لاي حد عايز ينزل يلف
مع احترامي للبشر
تلاقي فيها اللي جي من كل حتة من البلد
و تلاقي فيها حرامية
و تاكس طيب سواق التاكس ساكن هناك مثلا وﻻ داخل يزور صاحبه ؟
ابتديت الكائنات الغريبة اللي بنشوفها في الشارع تلاقيها جوة
عايز اقولهم والله الرحاب مش في كوكب تاني مدينة سكنية فيها مباني
كل ده تسبب في وجود زحمة
يوم الجمعة اللي فات كان في حريقة في السوق بعد الصلاة
عربية المطافي رايحة السوق
كمية البهايم واقفين قدامها متنحين و السواق صوته اتنبح
وتلاقي اللي يطلع عشان ﻻقي حتة فاضية و مش مهم المطافي
واللي ماشي فاقد الوعي
ناس في منتهي التخلف
حاول تتحكم في اعصابك و تصبر مش في الرحاب بس ﻻ في اي حتة
ﻻن مستوي الوعي عند الشعب بينحدر للاسف
انا عارف ان في ناس كتير مش هايعجبها طريقة كلامي بس ده واقع

بالعكس ...
أنا مقتنع بكل كلمة أنت قولتها أو ماقولتهاش خوفا من الرقابة هههههههههه

للأسف أمبارح أنا كنت هأتشل أو هايجي لي حاجة من كم اللامبالاة و البلاهة بتاعة الناس اللي واقفة تتفرج و تقول لي خلاص ماحصلش حاجة و هما شايفيين مين الغلطان و مين اللي مش غلطان

يااااااااااااااااااه أنا كل ما أفتكر أحس أني هأموت
للدرجة دي وصلنا للقاع و تدني الاخلاق و القيم و ضاعت الحقوق

يارب أرحمنا برحمتك

**CaptaiN-AhmeD** · 11-03-2013 05:05 PM

استاذ سمير انا كنت ماشي ف نفس الطريق دا امبارح والله العظيم اغرب يوم شفته ف حياتي فعلاً كان امبارح ف تاريخ سواقتي طريق الـ n/a كله حوادث وبلاوي اكتر من 6 عربيات شفتهم داخلين ف بعض وواحد معجون وسطهم ع رجليه امبارح يوم عمري ما هنساه
مش مسألة سواقين بهايم ولا حاجه دا من زمان عادي بس امبارح فعلا كان في حاجه غريبه اول مش قادر افسرها غير اني قولت الحمد لله اني مشيت من التجمع الخامس سليم
اخرها وانا قدام هيئة الشرطه ع محور الشهيد وماشي بسرعه والطريق سالك ببص لقيت فجأه عسكري شرطه وقف قدام العربيه مش بيتحرك ولا يمين ولا شمال ولا بيعدي انا هديت عشان هو يقرر انه يعدي الشارع معداش وسنتر نفسه بالظبط في نص كبوت العربيه اعمل ايه ف ابن المؤذيه دا

قررت اقف خالص وانا خلاص السرعه اقل من 10 لقيته هو بيلف حولين نفسه قبل مالمسه بلحظات وبيرمي نفسه ع الارض

انا من شدة الفرامل مسمعتش اذا كنت خبطته ولا لا

نزلت اشوف في ايه بصيت لقيت عربية شرطه جايه والظباط نزلو طلبو مني رخص طلعت بكل ادب لا قولت انا ظابط ولا حاجه ببص لقيت نقيب فيهم خدني ع جنب بيقولي وهو بيضحك العسكري كان عايز يعمل عليك نمره عشان ياخد اجازه !!!!

وعينك ماتشوف الا النور جبته من قفاه والله لولا الناس الي واقفه واتلموا كان هيروح المستشفى بعد علقة تمام

**CaptaiN-AhmeD** · 11-03-2013 05:09 PM

الي اقدر اقوله لاستاذ سمير سواء امبارح او اي يوم كله بتاع ربنا بس حاول تملك اعصابك اكتر من كده لأنك بالشكل دا هتنتهار نفسياً اما تقعد تحلل مع نفسك كل الناس غلط كله غلط والمجتمع كله مذنب وغير عارف بالحقوق والواجبات انا معاك ان الفكره صح بس مش هنقدر نغير الناس والعالم والدنيا الي حولينا للاسف دي ثقافه شعب كامل الا من رحم ربي
حاول تملك نفسك والااا بعد الشر هتتعب اوي بجد

**haysam2000** · 11-03-2013 05:15 PM

ياااااااااااااااا بشمهندس انا شخصيا فى اسكندريه قربت اخد مهدئ قبل ما انزل اسوق فيرنتى

**MohammedAladel** · 11-03-2013 09:01 PM

المشاركة الأصلية كتبت بواسطة samihanwar

انت فى مصر ام الدنيا
يعنى لازم تاخد على كده
وقوى قلبك
وربنا يسترها على الجميع
انت صحيح يا باشا مقولتليش ايه رايك فى بتوع الموتسيكلات
اكيد بونبونى

هو يعنى ايه بونبونى

أصل حد يعز عليا كان زمان بيقولهالى

والشيف حسن الرغاى دا كان دايما يقول ... بونو بونو يا مدام رشا

الموضوع: 15 محاولة للأصطدام بالالنترا خلال يومين فقط - هيا الناس دي بتسوق أزاي ؟؟

LinkBack

أدوات الموضوع

عرض

-

-

-

-

-

المواضيع المتشابهه

إصابة مأمور ضرائب بطلق نارى خلال محاولة سرقة سيارته بالإسماعيلية

هستلم m11 خلال يومين تلاتة ان شاء الله ارجو الافادة

فرصة للبيع خلال يومين فقط جولف 1 ...............بحالة نادرة

ان شاء الله هخلص فى ميرا فى خلال يومين استفسار لو سمحتم

الكلمات الدلالية لهذا الموضوع

المفضلات

المفضلات

ضوابط المشاركة