ياجدعان الحقونى انا بقالى سنتين معا العيب دا ومش عارف اعمل اية ؟

**hamada_5034** · 11-03-2013 12:35 PM

انا عربيتى لانوس اوتوماتيك موديل 2000 والعربية ليها معايا 3سنين ونص المهم العربية لما كنت جايبها كانت ماشاء الله حكاية من بداية الصيف اللى فات بدات العربية تجنن

المشكلة بالظبط
العربية من سنة ونص او كتر اكون ماشى بالعربية زى الفل ومفيش اى مشكلة ادخل فى زحمة كتير شوية يعنى امشى فى الزحمة لمدة نص ساعة او اكتر اللاقى العربية اتخنقت وتبطل ادور العربية تدور وتبطل تانى على طول لازم اسبها تبرد وترجع تمشى زى العفريت رحت للكهربائى اللى بتعامل معاه حط العربية على اسكانر قالى العربية زى الفل ومفيش حاجة المهم رجعت مشيت بيها تانى عملت نفس الحركة بس لمبة التشك نورت فرحت جدا ان اللمبة نورت روحت سبتها تبرد ورحت على الكهربائى اتحطت على اسكانر لاقيت العيب فى الموباينة المهم روحت جبت موباينة من ابو الحسن بـــ450 جنية داك وجبت سلك بوجيهات وبوجيهات ان جى كا وركبت كل حاجة مشيت العربية وعملت نفس العيب ولمبة التشك نورت رحت حطيت العربية على اسكانر تانى قالى موباينة رجعت الموباينة وجبت واحدة استيراد عملت نفس العيب حطيت العربية على اسكانر لاقيت حاسس الشكمان ضعيف غيرت الحساس عملت نفس العيب تانى فين لما حد قالى غير القلب بتاع الطرمبة البنزين غيرت القلب وكانت معا بداية الشتا اللى احنا فى دلوقتى فضلت العربية ماشية وزى الفل وسحب العربية فرق بصراحة لان دى كانت مشكلة تانية وانا كنت مركز معا العيب الاول دا المهم دخلنا فى الكام يوم الحر دول عملت منى العيب دا تانى تبطل ومش عاوز تدور بالصدفة كنت قريب من واحد صحبى جبلى الميكانيكى وجهه يبص عليها لانى سبتها تبرد لكن مرضيتش تدور ودا كان الجديد المهم الراجل دا جى بص على العربية قالى الطرمبة بنزين بتاعتك دى قاطعة قولتة دى جديدة المهم بص على علبة الفيوزات اللى فى الحوض شال الفيوز بتاع طرمبة البنزين وماكنش بايظ وحط واحد تانى العربية اشتغلت والطرمبة قامت المهم الراجل قالى تعالا الورشة ابص على العربية رحت وفك الكورسى اللى جنب السواق وطلع فيشة هو قالى انى دى فيها الاراضى بتاع العربية فك الفيشة من بعضها لاقه بن مملح قالى هو دا العيب اللى مطلع عينك عملها وظبتها ومشيت حوالى كيلو وراحت بطلت تانى روحت نزلت فكيت الخرطوم اللى داخل على فلتر البنزين لاقيت الطرمبة برضوة قاطعة روحت غيرت نفس الفيوز اللى الراجل غيرة وبرضو مكنش بايظ وحطيت واحد تانى العربية اشتغلت والطرمبة اشتغلت روحت للكهربائى قالى مفيش حاجة مش لاقى عيب اشتغل علية والمهم انهادرة يوم زحمة انا العربية عملت معايا الصح بكل انواعه وصلت الشغل الساعة 11 بسببها هى والزحمة .

ملحوظة : موشر الحرارة مظبوط على الوضوع الطبيعة وكمان ملاحظ ان المشكلة دى بتحصل معايا لما يكون الجو الحر انا بصراحة غلبت معاها ومش عارف اعمل اية

**م. محمد نافع** · 11-03-2013 12:59 PM

انت كان عندك مشكله في الموبينه ولما غيرتها اتحلت
المشكله الجديده في طلمبه البنزين حضرتك غيرت قلب طلمبه البنزين وانا اظن غالبا ان فلتر سحب الطلمبه مكتوم وهو اللي بيعمل المشكله دي
وده حصل معايا بعد ما غيرت قلب الطلمبه كانت العربيه بتبطل وبعد شويه تشتغل وغيرت طلمبه كامله استيراد واشتغلت والحمد لله الطلمبه الكامله تقريبا كانت ب210

**hamada_5034** · 11-03-2013 01:02 PM

لا انا غيرت العوامة بواحدة تانية استيراد معاه العلم ان المشكلة مكنتش انتهت لما غيرت الموبينة بس احنا كل تركزنا ان العيب دا مش هيطلع برة الكهربا اللى وصله للماتور او البنزين دا كلها كانت مجرد استنتاجات

**Salamonti** · 11-03-2013 01:09 PM

طب ما يمكن الفيوز اللي انت بتغيره ده مكانه مملح هو كمان ؟؟
مجرد تخمين لا اكتر ولا أقل -- جرب نضف مكانه ومش هاتخسر حاجة

**JAM** · 11-03-2013 01:19 PM

هرجع تانى وأقولك انا كان عندى العيب دا...وصرفت مبالغ رهيبة بسبب إنى مشيت ورا الصنيعية.. وطلعت فى الآخر الطلمبة بتاعة البنزين... ياباشا هتلاقى الموتور بتاع الطلمبة اللى حضرتك ركبته باظ تانى.. نصيحة غيره.. وهات واحد بوش.. هوا كل صينى .. وافتكر إنى كنت شاريه ب 70 جنيه ومن ساعتها والحمد لله كله بقة تمام.. ولو عايز تتأخد . روح عند واحد كهربائى محترم وهوا بيقيس كبس موتور الطلمبة على كام بار.. وكان فى موضوع هنا فى المنتدى بيشرح كيفية قياس ضغط الطلمبة بنفسك.. وبالمناسبة المفروض الضغط الصح يكون بين 43 الى 47 psi على السلانسية

**م. محمد نافع** · 11-03-2013 01:26 PM

معلش انا فهمت انك غيرت قلب الطلمبه بس

لما حد قالى غير القلب بتاع الطرمبة البنزين غيرت القلب

طيب هو حضرتك لازم تحدد المشكله الاول و علشان العربيه بتبطل يبقي ممكن تحدد العطل
اول ما العربيه تبطل حضرتك هتفك خرطوم البنزين بحرص من بعد الفلتر وتدور العربيه لو جاب بنزين يبقي الطلمبه سليمه لو مفيش بنزين فك الفلتر لو لقيت بنزين بدفع يبقي الفلتر بايظ لو مفيش هتبص علي الفيوز لو كان سليم وغيرته واشتغل يبقي غالبا الطلمبه دي بتسحب امبير عالي وعايزه تتغير
لو كان في بنزين من بعد الفلتر يبقي حضرتك هتكشف علي الموبينه هتفك كل سلك من سلوك البوجيهات من ناحيه الموبينه بحرص ببنسه كهرباء وتشوف خارج الكهرباء علي الاربع سلوك لو سليم يبقي الموبينه سليمه لو كان فيه خارج ضعيف يبقي كده الموبينه بايظه

**hamada_5034** · 11-03-2013 01:32 PM

المشاركة الأصلية كتبت بواسطة magareh

معلش انا فهمت انك غيرت قلب الطلمبه بس

طيب هو حضرتك لازم تحدد المشكله الاول و علشان العربيه بتبطل يبقي ممكن تحدد العطل
اول ما العربيه تبطل حضرتك هتفك خرطوم البنزين بحرص من بعد الفلتر وتدور العربيه لو جاب بنزين يبقي الطلمبه سليمه لو مفيش بنزين فك الفلتر لو لقيت بنزين بدفع يبقي الفلتر بايظ لو مفيش هتبص علي الفيوز لو كان سليم وغيرته واشتغل يبقي غالبا الطلمبه دي بتسحب امبير عالي وعايزه تتغير
لو كان في بنزين من بعد الفلتر يبقي حضرتك هتكشف علي الموبينه هتفك كل سلك من سلوك البوجيهات من ناحيه الموبينه بحرص ببنسه كهرباء وتشوف خارج الكهرباء علي الاربع سلوك لو سليم يبقي الموبينه سليمه لو كان فيه خارج ضعيف يبقي كده الموبينه بايظه

بص حضرتك انا عملت كل الكلام دا فعلا وحتى مكان الفيوز مفيش فى اى حاجة لكن المشكلة ان الطرمبة الكهربا بتقطع عنها
بتقطع لية وازاى انا مش عارف اية السبب ؟

**hamada_5034** · 11-03-2013 01:34 PM

المشاركة الأصلية كتبت بواسطة jam

هرجع تانى وأقولك انا كان عندى العيب دا...وصرفت مبالغ رهيبة بسبب إنى مشيت ورا الصنيعية.. وطلعت فى الآخر الطلمبة بتاعة البنزين... ياباشا هتلاقى الموتور بتاع الطلمبة اللى حضرتك ركبته باظ تانى.. نصيحة غيره.. وهات واحد بوش.. هوا كل صينى .. وافتكر إنى كنت شاريه ب 70 جنيه ومن ساعتها والحمد لله كله بقة تمام.. ولو عايز تتأخد . روح عند واحد كهربائى محترم وهوا بيقيس كبس موتور الطلمبة على كام بار.. وكان فى موضوع هنا فى المنتدى بيشرح كيفية قياس ضغط الطلمبة بنفسك.. وبالمناسبة المفروض الضغط الصح يكون بين 43 الى 47 psi على السلانسية

انا فعلا لما جبت العوامة دى جبت قلب بورش وغيرتة وكان 70 جنية فعلا

**م. محمد نافع** · 11-03-2013 01:37 PM

اظن انك محتاج كهربائي علشان المفروض لما يحصل كده هيفك الفيشه بتاعه طلمبه البنزين ويديها كهرباء من الكتاوت ويقيس الكهرباء في الفيشه لو الفيشه مفيهاش كهرباء يبقي كده في سلك مقطوع وبيشرز ولو ملقاش فيها كهرباء هيوصلها ويجرب الطلمبه لو مطلعتش بنزين يبقي كده الطلمبه بايظه

**hamada_5034** · 11-03-2013 01:37 PM

المشاركة الأصلية كتبت بواسطة salamonti

طب ما يمكن الفيوز اللي انت بتغيره ده مكانه مملح هو كمان ؟؟
مجرد تخمين لا اكتر ولا أقل -- جرب نضف مكانه ومش هاتخسر حاجة

اتنضف والكهربائى راجع علية وقالى مفيش حاجة

الموضوع: ياجدعان الحقونى انا بقالى سنتين معا العيب دا ومش عارف اعمل اية ؟

LinkBack

أدوات الموضوع

عرض

-

-

-

-

-

المواضيع المتشابهه

الحقونى: انا تعبت من التوكيل ومش عارف اعمل

بقالى النهاردة سنتين في المنتدي...مش كده المفروض اتثبت.

بقالى اربع شهور تقريبا وماحدش عارف يفتى !!!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة