| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 37

  1. #1

    الصورة الرمزية OlaOsman

    رقم العضوية : 3891

    تاريخ التسجيل : 29Dec2007

    المشاركات : 3,655

    النوع : انثى

    الاقامة : القاهرة

    السيارة: لا يوجد

    السيارة[2]: Daihatsu Sirion GLX 2008

    الحالة : OlaOsman غير متواجد حالياً

    افتراضي هي الشتايم القذرة بأت حاجة عادية خلاص؟ - Facebook Twitter whatsapp انشر الموضوع فى :

    hasad">

    انا عارفة ان كلامي ده مش هايعجب ناس كتير هنا.. بس فعلا الموضوع ملفت جدا للنظر.. هي الشتايم القذرة بأت حاجة عادية كده ممكن الواحد يدخل موضوع و يقول انه شتم معرفش مين اللي نرفزه شتيمة قذرة؟

    هو مش برضه رسول الله صلى الله عليه و سلم قال" ليس المؤمن بطعان و لا لعان و لا فاحش و لا بذئ"؟.. دي أخدناها في ابتدائي.. يعني ألف باء دين.. و الحديث برضه المعروف جدا عن عبد الله بن عمرو ، عن النبي صلى الله عليه وسلم ، قال : " إ
    ن من أكبر الكبائر أن يسب الرجل والديه " ، قال : وكيف يسب الرجل والديه ؟ ، قال : " يسب أبا الرجل فيسب أباه ، ويسب أمه فيسب أمه ".

    المنتدى ما شاء الله مليان ناس محترمة و منهم ناس انا شخصيا باكن لهم كل احترام و تقدير.. انما ممكن ألاقيهم بيحكوا عن مواقف شتموا شتايم قذرة عادي خالص.. و حد برضه حكى انه كان عايز يشتم سواق كسر عليه و عشان مش هايسمعه قام عامل له حركة بإيده

    طبعا حاجات زي دي كنت باسمعها او اشوفها من الناس اللي ساكنين في المناطق الشعبية اوي و من الناس ال low class اوي.. انما كونها تطلع من ناس في مستوى احترام الأعضاء في نايل موتورز.. مش قادرة أبلعها بصراحة

    هل معنى كده ان خلاص؟ مافيش حد مش بيشتم في البلد دي؟ مش قادرة أصدق الصراحة.. و لو الحاجات دي بتطلع من ناس محترمة زي اللي هنا.. امال فين الناس اللي بتمسك لسانها عن الشتائم النابية؟ فين اللي بيكظموا غيظهم لوجه الله؟ فين المؤمن الحليم عف اللسان؟ فين الحلم اللي أوصانا به رسول الله صلى الله عليه و سلم و قال لنا انما الحلم بالتحلم و إنما الصبر بالتصبر؟

    معلش انا عارفة اني تقلت عليكوا في الكلام و ان فيه ناس كتيرة هاتبقى شايفة اني مكبرة الموضوع حبتين.. انما عايزة بس أسأل الناس اللي لسانها اتعود على الشتايم حاجة: بتعمل ايه في نهار رمضان؟ هل برضه بتشتم الشتايم دي؟ ما أظنش خالص و احسبكوا جميعا على خير.. بس ما دمت بتمسك لسانك في رمضان و بتقول إني صائم كما أوصانا رسول الله صلى الله عليه و سلم، طيب ما تمسك لسانك طول السنة.. كن ربانيا و لا تكن رمضانيا.

    باعتذر تاني عن فتح موضوع زي ده لأي حد ضايقه كلامي، انما فعلا لو كان الموضوع حالة فردية كنت بعت للي لفت نظري ده في مشاركاته رسالة خاصة و نصحته على الخاص.. انما للأسف الحالة مستفحلة و الكلام ده بيصدر من ناس - في نظري - في غاية الاحترام هنا في المنتدى و فعلا مش متخيلة اني أبقى ماشية مرة في الشارع و ألاقي فلان اللي باكن له كل احترام واقف بالعربية و خارج من فمه سيل من الشتائم القذرة

    يا ريت يا جماعة فعلا كلنا نراجع نفسنا في موضوع الشتائم ده، لو مش عشان السب و البذاءة نهى عنهم رسول الله صلى الله عليه و سلم، يبقى عشان ما نأذيش آذان الناس اللي مش بتشتم و سمعوا الشتايم دي عرضا.. مالهمش ذنب الصراحة


  2. #2

    الصورة الرمزية fady.bekatcho

    رقم العضوية : 5879

    تاريخ التسجيل : 17Feb2008

    المشاركات : 1,020

    السيارة[2]: شيفورلية افيو 2009 هاف اوبشن

    الحالة : fady.bekatcho غير متواجد حالياً

    افتراضي -

    انا من راى ان دى حسب اخلاق وتربية الانسان

    فى ناس بتعرف تمسك نفسها وامتة تشتم وامتة ما تشتمش

    بس مش معنى كلامى ان المفروض انهم يشتموا علشان ما حدش يقول انى برر الشتيمة

    مثال وانا فى اعدادى كنت فى مدرسة خاصة اسمها هابى هوم فى بنى سيويف

    المدير بتاعها بجد ربنا هيورينا فية يوم فى عز رمضان يقف فى وسط المدرسة واحلى الشتايم بتتقال من سب الدين وحاجات تانية كتير

    فمن راى ان دا هيكون حسب التربية واخلاق الانسان


  3. #3

    الصورة الرمزية 1.8Tee

    رقم العضوية : 3971

    تاريخ التسجيل : 05Jan2008

    المشاركات : 1,914

    النوع : ذكر

    الاقامة : Giza-Egypt

    السيارة: 4G93T

    السيارة[2]: Mitsubishi Lancer GSR CK1A

    دراجة بخارية: n/a

    الحالة : 1.8Tee غير متواجد حالياً

    افتراضي -

    بشتم 24/7 بعقلى.....بحاول مشتمش خالص ابتديت بالسواقة و الحمد الله مبقيتش اشتم. عقبال الباقى.

    VTEC: All of the lag...none of the BOOST l


  4. #4

    الصورة الرمزية Adham

    رقم العضوية : 2087

    تاريخ التسجيل : 07Sep2007

    المشاركات : 4,087

    النوع : ذكر

    الاقامة : Nasr City, Cairo

    السيارة: ميتسوبيشي لانسر 2006

    السيارة[2]: شيفرولية فرونتيرا 3200 V6 (ايسوزو روديو)

    الحالة : Adham غير متواجد حالياً

    افتراضي -

    بصي يا أنسة علا

    تدني الاخلاق بقى سمة

    تعرفي, اول امبارح كنت رايح النادي مع الاولاد, و قبل النادي بشوية واحد رخم بنيسان صني بيزنق عليا من الشمال علشان يلف قبل مني, غتاتة يعني, مع ان الطريق مش زحمه و انا مش ماشي ببطء, المهم انا رحت كابس بنزين و مديلة كلاكس وما رضيتش أعدية
    علشان طبعا هوة بيغتت مش بيتصرف بذوق و يحترم اولويلتي في دخول الملف
    لقيتة راح شاتم, رحت كابس فرامل و جايبة جنبي
    ووضحتلة انها مش غتاتة ان يجيء من ورايا و يزنق علشان يلف قبل مني
    و رحت مزعق فية و قلتلة وماتشتمش علشان انا كمان ممكن اشتمك
    وممكن كمان اخبطلك عربيتك (حيث يعني ان عربيتي 4*4 عالية و بدفندر)
    وممكن ابهدلك
    راح حاطط دماغه في الارض و أنا أسف جدا و ابتدأ يعتذر
    بصراحه احنا شعب مابيجيش غير بقلة الادب و بالكرباج


  5. #5

    الصورة الرمزية brown-eyes

    رقم العضوية : 2980

    تاريخ التسجيل : 03Nov2007

    المشاركات : 1,159

    النوع : ذكر

    الاقامة : haram-maadi () italy - roma

    السيارة: opel vectra

    السيارة[2]: opel corsa 95

    دراجة بخارية: honda vision 50cc

    الحالة : brown-eyes غير متواجد حالياً

    افتراضي -

    بصراحة الموضوع ده فعلا بيضايق جدا . بس المشكلة ان في مواقف فعلا الواحد مش بيعرف يمسك نفسه فيها فبيلاقي نفسه غصب عنه بيشتم او بيعمل حاجات مش مقبولة بس في فعلا ناس مستفذة جدا بتخرج الواحد عن شعوره . انا عن نفسي مابخرجش عن شعوري غير وانا سايق بس الحمد لله في اخر فترة بدات اقفل عليا الازاز واشغل قران واحاول احط اعصابي في تلاجة وماليش دعوة بحد وبحاول اطول بالي شوية حتي لو حد رمي عليا ولا حاجة بسيبه عادي بس مش دايما الموضوع ده ساعات مابقدرش امسك نفسي خصوصا مع سواقين التاكسي والميكروباص وبصراحة دلوقتي بحاول علي قد ما اقدر ماسوقش عربيات اصلا حتي لو ركبت اي موصلة مابقتش قعد جمب السواق او اللي سايق . بس دايما بحاول افتكر حديث عن الرسول صلي الله عليه وسلم ان (المسلم من سلم المسلمون من لسانه ويده )

    ( وكان الانسان اكثر شيء جدلا }


  6. #6

    aif

    الصورة الرمزية aif

    رقم العضوية : 3914

    تاريخ التسجيل : 31Dec2007

    المشاركات : 9,343

    النوع : ذكر

    الاقامة : العباسية المنطقة .... مش المستشفى

    السيارة: فيرنا 2007

    السيارة[2]: سيراتو 2011

    دراجة بخارية: مش وش ذلك ههههه

    الحالة : aif غير متواجد حالياً

    افتراضي -

    ليس القوي بالصرعة لكن القوي من يملك نفسه عند الغضب
    ............
    الفرصة قدامنا ... رمضان اقترب .... مش معقول حد يضيح صيامه بسبب شتيمة مقدرش يمنعها ....... ولو نجحنا في السيطرة علي انفعلاتنا في رمضان ... ممكن تبقى عادة حميدة في باقي الشهور

    يظن الناس بي خيرا وإني ... لأشقى الناس إن لم ترض عني
    ومالي حيــلة إلا رجــائي ... وعفوك إن عفوت وحسن ظني
    محاسب / احمد ابراهيم


  7. #7

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,689

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    Exclamation -

    أولا:
    التنابذ بالألقاب ومعناه الشتم
    وهو محرم وفاعله فاسق
    يقول الله تعالى:
    ( يَا أَيُّهَا الَّذِينَ آمَنُوا لاَ يَسْخَرْ قَوْمٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلاَ نِسَاءٌ مِّن نِّسَاءٍ عَسَى أَن يَكُنَّ خَيْراً مِّنْهُنَّ وَلاَ تَلْمِزُوا أَنْفُسَكُمْ وَلاَ تَنَابَزُوا بِالأَلْقَابِ بِئْسَ الاسْمُ الفُسُوقُ بَعْدَ الإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ ) سورة الحجرات

    ثانياً:
    السب بشتم الآباء والأمهات
    وهو من أكبر الكبائر
    عَنْ عَبْدِ اللَّهِ بْنِ عَمْرٍو، قَالَ قَالَ رَسُولُ اللَّهِ صلى الله عليه وسلم ‏"‏ مِنَ الْكَبَائِرِ أَنْ يَشْتُمَ الرَّجُلُ وَالِدَيْهِ ‏"‏ ‏.‏ قَالُوا يَا رَسُولَ اللَّهِ وَهَلْ يَشْتُمُ الرَّجُلُ وَالِدَيْهِ قَالَ ‏"‏ نَعَمْ يَسُبُّ أَبَا الرَّجُلِ فَيَشْتُمُ أَبَاهُ وَيَشْتُمُ أُمَّهُ فَيَسُبُّ أُمَّهُ ‏"‏ ‏.‏ قَالَ أَبُو عِيسَى هَذَا حَدِيثٌ حَسَنٌ صَحِيحٌ رواه الترمذي‏.

    ثالثا:
    السب عن طريق قذف الناس بالفواحش سواء الآباء والأمهات أو أي شخص آخر
    وهو من الكبائر وفاعله ملعون
    يقول الله تعالى:
    ( إِنَّ الَّذِينَ يَرْمُونَ المُحْصَنَاتِ الغَافِلاتِ المُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ ) سورة النور

    رابعاً:
    السب عن طريق شتم أو لعن الدين
    وهو حرام وفاعله كافر وملعون لإستهزائه بدين الله وهو إستهزاء بالله
    يقول الله تعالى:
    (وَقَالَتِ اليَهُودُ يَدُ اللَّهِ مَغْلُولَةٌ غُلَّتْ أَيْدِيهِمْ وَلُعِنُوا بِمَا قَالُوا بَلْ يَدَاهُ مَبْسُوطَتَانِ يُنفِقُ كَيْفَ يَشَاءُ وَلَيَزِيدَنَّ كَثِيراً مِّنْهُم مَّا أُنزِلَ إِلَيْكَ مِن رَّبِّكَ طُغْيَاناً وَكُفْراً وَأَلْقَيْنَا بَيْنَهُمُ العَدَاوَةَ وَالْبَغْضَاءَ إِلَى يَوْمِ القِيَامَةِ كُلَّمَا أَوْقَدُوا نَاراً لِّلْحَرْبِ أَطْفَأَهَا اللَّهُ وَيَسْعَوْنَ فِي الأَرْضِ فَسَاداً وَاللَّهُ لاَ يُحِبُّ المُفْسِدِينَ ) سورة المائدة

    اللهم تب علينا وتجاوز عنا
    والله يقبل التوبة من كل تائب
    يقول الله تعالى:
    (إِلاَّ مَن تَابَ وَآمَنَ وَعَمِلَ صَالِحاً فَأُوْلَئِكَ يَدْخُلُونَ الجَنَّةَ وَلاَ يُظْلَمُونَ شَيْئاً ) سورة مريم

    غفر الله لنا ولكم

    مهندس أحمد. رحم الله المجاهد سليمان الحلبي, قتل قائد الاحتلال الفرنسي لمصر عندما كان الإسلام هو الوطن facebook.com/AHMED1981


  8. #8

    الصورة الرمزية د.أحمد سمير

    رقم العضوية : 38

    تاريخ التسجيل : 17Apr2007

    المشاركات : 1,847

    النوع : ذكر

    الاقامة : مدينة نصر ـ القاهرة

    السيارة: none

    السيارة[2]: Kia Rio 2006

    دراجة بخارية: لا

    الحالة : د.أحمد سمير غير متواجد حالياً

    افتراضي -

    كنت عملت قبل كدة استطلاع من أكتر من سنة عن الموضوع ده ..
    http://www.nilemotors.net/Nile/showt...A+%D3%C7%ED%DE
    ممكن تراجعوا الموضوع عسى أن تكون في إجابات الناس ما يجيب عن أسئلتكم
    تقبلوا خالص مودتي

    ما عاد يجدي الكلام ..


  9. #9

    الصورة الرمزية dr_click

    رقم العضوية : 1071

    تاريخ التسجيل : 20Jun2007

    المشاركات : 128

    النوع : ذكر

    الاقامة : -

    السيارة: -

    السيارة[2]: -

    دراجة بخارية: -

    الحالة : dr_click غير متواجد حالياً

    Thumbs down - 10000 -

    اقتباس المشاركة الأصلية كتبت بواسطة OlaOsman مشاهدة المشاركة

    طبعا حاجات زي دي كنت باسمعها او اشوفها من الناس اللي ساكنين في المناطق الشعبية اوي و من الناس ال low class اوي..
    اقتباس المشاركة الأصلية كتبت بواسطة Adham مشاهدة المشاركة
    بصراحه احنا شعب مابيجيش غير بقلة الادب و بالكرباج




  10. #10

    الصورة الرمزية meza

    رقم العضوية : 2167

    تاريخ التسجيل : 14Sep2007

    المشاركات : 1,425

    النوع : ذكر

    الاقامة : Cairo

    السيارة: 00

    السيارة[2]: Hyundai new accent 2011

    دراجة بخارية: 00

    الحالة : meza غير متواجد حالياً

    افتراضي -

    hasad">

    عمرى ما شتمت حد نهائى ... أكتر كلمة قلتها .. ده متخلف ده ولا إيه ؟ .... على إعتبار إن متخلف دى وصف مش شتيمة

    بصراحة بحس إن الشتيمة بتقلل من إحترامى قدام الناس .... و كمان هو لو أنا شتمت واحد خلاص كده يبقى أخدت حقى و لا حتى خليته يحرم يعمل كده تانى؟!! ... ما إستفدتش حاجة نهائى غير ذنب زيادة و حرقة دم و أعصاب عالفاضى.

    خليك كووووووووول ... خصوصاً و إنت سايق فى المحروسة. :D



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. افتونى ... حاجة عادية و لا كده الموتور كده بالسلامة
    بواسطة megadeath في المنتدى دايــو+شيفرولية لانوس
    مشاركات: 4
    آخر مشاركة: 17-07-2011, 12:21 PM
  2. الشتايم المصريه اصلها ومعانيها :-)
    بواسطة Donzi في المنتدى المنتــــــدى الاجتمــاعى
    مشاركات: 65
    آخر مشاركة: 13-12-2010, 09:28 AM
  3. مشاركات: 7
    آخر مشاركة: 21-06-2009, 01:15 AM
  4. هي خبطة العربية دي حاجة عادية؟
    بواسطة OlaOsman في المنتدى المنتــــــدى العـــــــــــام للسيــارات
    مشاركات: 60
    آخر مشاركة: 03-03-2008, 11:43 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2