الموضوع: ما ضاع حق وراه مطالب

حدث هذا بالفعل معى
فى البدايه انا معايا 516 ls طبعا زى مانتوا عارفين ان الجنط اللى فيها عادى مش اسبور و من كتير المطبات الطاسات اتكسرت فى اول 25000 فاشلتها فبعدها بشويه كنت بلاحظ ان فى طاسه صغيره واقعه من الجنط و كنت بركبها و تقع تانى و كنت بركبها لحد ما وقعت على الطريق يعنى كانت العربيه عملت حوالى 35 - 40 الف تقريبا
المهم بدات اسمع صوت مشكله فى بلية العجل و ركب معايا واحد زميلى بيفهم فى العربيات قوى قالى الحق عندك بلية عجل فيها مشكله فا العربيه كانت قربت على صيانه 60 الف قولت خلاص اعشوفها لما اعمل الصيانه و العربيه لسه فى الضمان
فاروحت مركز ابو الفتوح الكيلو 32 و بدات اقول اللى فى العربيه و قولتله انى شاكك انى فى صوت بليه المهندس خد العربيه جربها و قالى ان العربيه لزم تبات عشان مفيش حجز قولت مش مشكله و خد دفتر الضمان و صوره و مشيت
لقيته بيكلمنى بيقولى طاسة الشحم بتاعت البليه واقعه و التراب بوظ البليه و اترفضت ضمان و هتمنها بس من غير تركيب و خلافه 450 جنيه ............. اشتغل ؟
قولتله لا اترفضت و الطاسه و قعت لوحدها يعنى سوء تقفيل قالى مفيش فايده اترفضت
روحت المركز و قابلت مهندس الضمان قالى نفس الكلام طبعا و لما شدت معاه قالى روح المركز بتاع 28 و اعمل كانك متعرفش حاجه و اشتكى من البليه ممكن هما يغروها و لو مردوش اطلع لمدير الضمان المهندس سيد صبرى و اعمله بولكه ( دوشه) و شوف هيعمل ايه
اتصلت 19227 و دخلت شكوى بعد اتصلات يوميه مستمره لمدة 10 ايام عمل انتهت بغلق الشكوى لفقد طاسة الشحم
اتجهت مباشرة للمهندس سيد صبرى و معايا كل فواتير الصيانه و كان فى بداية الكلام متمسك بفقد طاسة الشحم و لكنى قولتله ( انا ليه بروح مراكز صيانه ؟ قالى عشان مراكز معتمده قولتله و كمان عشان لما تكون فى مشكله فى العربيه او فى حاجه ممكن تعمل مشكله يتقالى عليها و محدش نبهنى ان عدم وجود الطاسه ممكن يعمل مشكله فا بعد فحص دفتر الضمان قام بالاتصال بالمهندس مجدى مسئول الصيانه و الضمان فى مركز الكويت و البلاد العربيه و قام بتوجيهى له و ذهبت اليه و شرحت له القصه فا تم الاتفاق على احضار طاسة شحم استيراد و سوف يتم تغيرها على الضمان
و بالفعل بعد بحص دام اسبوع تم احضرها استيراد و تم تغير البليه و لله الحمد

انت كدة مية مية