صوت رفة فى العجلة الخلفية

**lidosasa** · 11-03-2013 02:02 PM

السلام عليكم
العربية سوزوكى ماروتى 2007 عاملة 53900 كيلو
من أسبوعين ركبت طقم كاوتش جديد مع الترصيص ونفخ نيتروجين ونزلت تقرير بالكلام ده فى المنتدى
http://www.nilemotors.net/Nile/339789-4-gt.html
ومن حوالى يومين أو ثلاثة كل ما السرعة تعدى 40 كيلو ابدا اسمع رفة فى العجلة اليمين الخلفية تفتكروا ممكن يكون ايه السبب ؟؟؟
هى مش بتزيق ولا صفارة هى رفة يعنى زى العيال الصغيرة زمان لما كانت بتركب حاجة فى سلوك العجلة تعمل صوت كل ما تعدى على الدراع بتاع شاسية العجلة . بس طبعاً صوت أضعف منه بكتير وكل ما أزود السرعة صوت الرفة بيبقى أسرع مش أعلى ولكن أسرع

**mesaharaty** · 11-03-2013 02:13 PM

حضرتك متأكد من الكاوتش الجديد إن مافيهوش لوحة ؟
برضه شيك على الجنط كده
وإن شاء الله بسيطة

**dr.hazem** · 11-03-2013 04:06 PM

زلطه محشوره بين نقشة الكاوتش الجديد ياغالي...
جيب اي مفك او حاجه وطلع الزلط المحشور هتختفي باذن الله....
تحياتي

Sent from my SE Arc S using Forum Runner

**mesaharaty** · 11-03-2013 04:10 PM

المشاركة الأصلية كتبت بواسطة dr.hazem

زلطه محشوره بين نقشة الكاوتش الجديد ياغالي...
جيب اي مفك او حاجه وطلع الزلط المحشور هتختفي باذن الله....
تحياتي

sent from my se arc s using forum runner

صح الكلام برضه
وياريت تكون زلطة يارب علشان تبقى الحكاية بسيطة

**dr.hazem** · 11-03-2013 04:30 PM

المشاركة الأصلية كتبت بواسطة mesaharaty

حضرتك متأكد من الكاوتش الجديد إن مافيهوش لوحة ؟
برضه شيك على الجنط كده
وإن شاء الله بسيطة

الكاوتش الملووح او الجنط الملووح الاتنين يخلو العربية كانها محتاجه ظبط زوايا وترصيص (بتحدف وترج)...
تحياتي

Sent from my SE Arc S using Forum Runner

**lidosasa** · 11-03-2013 05:32 PM

جزاكم الله كل خير على سرعة الرد
الصراحة الرفة كانت روشانى مرة أسمعها فى العجلة اليمين الخلفية ومرة أسمعها فى العجلة الشمال الخلفية
وأنا لسه جاى حالا من عند فنى كاوتش رفعت العربية وجربنا الفردتين اللى ورا طلع الجنط بتاع الفردتين معوج خالص وباين جداً لما رفع العربية وقعدنا نلف العجل بإيدينا . والظاهر إن الجنط كان عايز يتغير مع الكاوتش القديم . قدر الله وما شاء فعل حغير الجنط بتاع الأربع فرد بالمرة . لقيت صينى الجنط ب 50 جنيه بس مش حشتريه مش بيستحمل . أنا نازل أشوف جنط عند واحد لسه مفكوك من عربية زيرو . والجنط القديم بفكر أوديه على مخرطة يستعدل وأشيله إحتياطى عندى محدش ضامن الظروف وخاصة إن شركة المياه فى المنطقة اللى أنا ساكن فيها بقالها سنة يتغيير شبكة المياه وحفر رهيبة فى الشارع وكأنهم كانوا بيدوروا على بترول . والحفر مردومة من الصيف اللى فات برمال ومع الشتا الرملة كلها هبطت وطول الشتا ولحد الآن كل الشوارع الرئيسية والفرعية زفت فى زفت . والشوراع القليلة اللى الأسفلت فيها نضيف الأهالى قاموا بالواجب وعملوا مطبات عشوائية سيئة جداً ومفيش منها مهرب . ربنا يسترها علينا جميعاً

**dr.hazem** · 12-03-2013 01:49 AM

المشاركة الأصلية كتبت بواسطة lidosasa

جزاكم الله كل خير على سرعة الرد
الصراحة الرفة كانت روشانى مرة أسمعها فى العجلة اليمين الخلفية ومرة أسمعها فى العجلة الشمال الخلفية
وأنا لسه جاى حالا من عند فنى كاوتش رفعت العربية وجربنا الفردتين اللى ورا طلع الجنط بتاع الفردتين معوج خالص وباين جداً لما رفع العربية وقعدنا نلف العجل بإيدينا . والظاهر إن الجنط كان عايز يتغير مع الكاوتش القديم . قدر الله وما شاء فعل حغير الجنط بتاع الأربع فرد بالمرة . لقيت صينى الجنط ب 50 جنيه بس مش حشتريه مش بيستحمل . أنا نازل أشوف جنط عند واحد لسه مفكوك من عربية زيرو . والجنط القديم بفكر أوديه على مخرطة يستعدل وأشيله إحتياطى عندى محدش ضامن الظروف وخاصة إن شركة المياه فى المنطقة اللى أنا ساكن فيها بقالها سنة يتغيير شبكة المياه وحفر رهيبة فى الشارع وكأنهم كانوا بيدوروا على بترول . والحفر مردومة من الصيف اللى فات برمال ومع الشتا الرملة كلها هبطت وطول الشتا ولحد الآن كل الشوارع الرئيسية والفرعية زفت فى زفت . والشوراع القليلة اللى الأسفلت فيها نضيف الأهالى قاموا بالواجب وعملوا مطبات عشوائية سيئة جداً ومفيش منها مهرب . ربنا يسترها علينا جميعاً

الجنط الاصلي بيتباع مفكوك من الفان الواحد ب60جنيه تقريبا وبيبقى جديد لنج لان أغلب الفان بيجنطو اول اما يشتروه...
تحياتي

Sent from my SE Arc S using Forum Runner

**lidosasa** · 12-03-2013 02:32 AM

المشاركة الأصلية كتبت بواسطة dr.hazem

الجنط الاصلي بيتباع مفكوك من الفان الواحد ب60جنيه تقريبا وبيبقى جديد لنج لان أغلب الفان بيجنطو اول اما يشتروه...
تحياتي

sent from my se arc s using forum runner

كلامك مظبوط وطول عمرك أستاذ
فعلاً جبت 4 جنوط بتوع فان وربنا كرم وأخدت الواحدة ب 50 جنيه وهما زى الفل وبيلمعوا وكأنهم لسه جايين من المصنع لآن كل الفان اللى شغال سرفيس أول حاجة بيعملها إنه بيجنط العربية قبل ما ينزلها تشتغل
وبعت القدام الواحدة ب 10 جنيه لآن حالتهم تعبانة عملوا اللى عليهم وكتر خيرهم على كده

**dr.hazem** · 12-03-2013 07:09 AM

المشاركة الأصلية كتبت بواسطة lidosasa

كلامك مظبوط وطول عمرك أستاذ
فعلاً جبت 4 جنوط بتوع فان وربنا كرم وأخدت الواحدة ب 50 جنيه وهما زى الفل وبيلمعوا وكأنهم لسه جايين من المصنع لآن كل الفان اللى شغال سرفيس أول حاجة بيعملها إنه بيجنط العربية قبل ما ينزلها تشتغل
وبعت القدام الواحدة ب 10 جنيه لآن حالتهم تعبانة عملوا اللى عليهم وكتر خيرهم على كده

الحمد لله انها جت على قد كده وحاول انك متمشيش بعنف في الشوارع المكسره وياريت تظبط الكاوتش على 27 عشان متحملش عالعفشه بشكل عام ويبقى الكاوتش مرن وبياخد ويدي...
تحياتي

Sent from my SE Arc S using Forum Runner

**mesaharaty** · 12-03-2013 08:47 AM

هو الجنط بتاع الفان بيمشى على الماروتى ؟
مش الفان دى جنط 13 والماروتى 12 ؟
يعنى بيكون فيه أى تأثير أو أى تعديلات بتتعمل فى الماروتى اللى بتركب جنط الفان ؟

الموضوع: صوت رفة فى العجلة الخلفية

LinkBack

أدوات الموضوع

عرض

-

-

-

-

-

-

-

المواضيع المتشابهه

العجلة الخلفية بترقص!!!

مشكلة في العجلة الخلفية

العجلة الخلفية للإستيد

صوت فى العجلة الخلفية

صوت زنة جنب العجلة الخلفية الشمال

الكلمات الدلالية لهذا الموضوع

المفضلات

المفضلات

ضوابط المشاركة