انا لو سمحتو ممكن حد يفيدني علشان انا ناوي اغير موتور 1000 cc الي 1400 cc في عربية سيات ابيزا 2001 وايه الحجات اللي هتتغير
عرض للطباعة
انا لو سمحتو ممكن حد يفيدني علشان انا ناوي اغير موتور 1000 cc الي 1400 cc في عربية سيات ابيزا 2001 وايه الحجات اللي هتتغير
السلام عليكم
حضرتك ممكن تقلب شويه في صفحات القسم وسوف تجد ضالتك من مشاركات
الأعضاء ومنهم محمد سيد وايهاب منصور وكريم ابيزا
بس انت ليه عاوز تسقط مكنه هوا ماتورك فيه ايه والقسم ممكن يفيدك من خلال خبراته
وتابعنا بالأخبار والجديد وربنا يعينك
نصيحة لو معندكش مشكلة فى الموتور أستنى شوية عشان موضوع البنزين والحصة اللى بيقولوا حتتوزع بداية من شهر يوليو وبالتأكيد الموتور الجديد إستهلاكه فى البنزين حيزيد وممكن يبقى عبأ عليك فيما بعد
السلام عليكم
قدام حضرتك حلين :-
1- انك تسقط شورت بلوك 1400 8 فالف و ده ممكن تسقطه او حالة فتيسك و أدوات تغذية المحرك سليمة و كويسة و هنا مش هتحتاج غير الشورت بلوك و الكنترول و لو قدرت يبقي الفتيس مقدرتش يبقي خليك علي فتيس ال 1000 عادي مش مشكلة و هيبقي افضل بكتييييييييير من القديم
2- انك تسقط موتور كامل 1400 16 فالف او 1600 او اي حاجه تانيه و هنا لازم تشتري موتور كامل من نص عربية و هتحتاج هنا موتور بادوات تغذيته و بكل مشتملاته من تكييف و باور و دينامو و فتيس و هتغير الضفيرة كاملة عشان مش هينفع عليه ضفيرة ال 1000 و هتحتاج تعديل و انا مبنصحش بتعديل الضفيرة و لكن دي هتكلفك وقت و مجهود و فلوس اكتر و لكن لو الشغل اتعمل صح و الموتور اختبرته و حالتة كويسة هتبقي تسقيطة بعمر العربية و مش هتحتاج حاجه تاني غير السيرفيس الطبيعي للعربية و ربنا يوفقك
قلنا ايه مشاكلك كما قال اخونا احمد فوق و ايه حالة موتورك حاليا و ان شاء الله هنحاول نساعدك قدر المستطاع و الله الموفق
نصيحه لو موتورك سليم وشغال خليك معاه لللاخر
لو فى حاجه ممكن تتصلح ومش هتكلفك كتير اعملها
لكن لو مفيش امل من الموتور بتاعك يبقى كلام اخويا ايهاب منصور مفيش بعده كلام
بس احب اقولك انك لو سقطت الموتور صح بالضفيره بالكنترول بالفتيس عند صنايعيه كويسين هتلاقى اداء كويس جدا لكن لو لا قدر الله حاجه من الى هتسقطها مش تمام او الصنايعى عمل فيها المخترع العبقرى وحب يجود شويه ويشتغل فى حاجه مش بتاعته وقفل غلط خصوصا الكهربا هتتعب وهتزهق وهتتمنى انك تخلص من العربيه
وربنا يستر طريقى وطريقكم
شكرا علي الافاده من احسن ناس زوق في الدنيا وربنا يخليكم بس انا من الجيزة وعايز اعرف اسعار الموتور بعد الزيادة ومين اقرب حد ليا يكون ميكانيكي كويس يسقطهولي وعايز اعرف برضو سعر التسقيط كام ده لو مش هتقل عليكم
اقتباس:
المشاركة الأصلية كتبت بواسطة ehab_mansour
انا اخوك ميدو كنت فى حيره زى بتاعتك حبه ماتور 1 كامه وحبه
ماتور 2 كامه
استقريت فى الاخر على
نص بولو 2000
1400 سيسي 2 كامه aua (تكييف باور عفشه تابلوة كبوت و2 رفرف ولكصدام بالفوجات والفوانيس abs قدام egr tn hglhj,v )
النص ماشي 105000
انا فكرت لقيته اوفر من انى اشتري
ماتور ودفيره وكنترول وتكييف وباور
انصحك بالتجربه انا فى مرحله التسقيط لسه بس ربنا يكرم
انا اخدت النص ب 9500
الف مبروك يا ميدو ربنا يتملك التسقيط علي خير و تتمتع بالعربيةاقتباس:
المشاركة الأصلية كتبت بواسطة mido_antouhh
علي فكرة انا لسه مجرب اليوم ماكينة زي بتاعتك دي بالضبط و متسقطه لسه ما شاء الله عليها ربنا يسهل و تبقي حالتها حلوه بتاعتك و تتمتع بيها
خلي بالك من ضبط سير الكاتينة لأن الميكانيكي اللي سقط العربية اللي جربتها دي كان مركبه غلط و مش مضبوط و الحمد لله اتظبطت اليوم و لو عايز صور لكيفية ضبطه عشان تتابع الميكانيكي قول و انا احطها هنا
و الله الموفق
ياريت تفدنى وياريت تقولى حيكلف كام مصنعيه
؟
انا بعتلك على الخاص
مستنى ردك
المصنعية و الأسعار دي بالاتفاق و لكن معتقدش ياخد اكتر من 1000 جنيه مصنعيه و إلا يبقي كتير شوية و كمان بتختلف المصنعية من منطقة لأخرياقتباس:
المشاركة الأصلية كتبت بواسطة mido_antouhh
يعني الحرفيين غير الهرم غير اسكندرية غير بورسعيد غير دمياط كل مكان و له تسعيره
و ربنا يوفقك