مشكلة محتاج حل

**wawoo** · 04-08-2008 06:21 PM

السلام عليكم يا شباب

فى مشكلة كدة ,و محتاج رأيكم فى حلها , هناك امام مكان سكنى , محل صغير لبيع شرائط الكاسيت , المشكلة ان صاحب المحل يضع سماعة كبيرة خارج المحل و يقوم باذاعة محتويات الراديو و شرائط الكاسيت منها ,احنا فى الدور الاول عشان كدة الصوت بيكون اعلى حاجة عندنا و وحولت ان اشرح لة ان هناك مرضى و اخرون يريدون ان يستريحو بالليل فى بيوتهم و لكن فشلت جميع المحولات معة فى منع او تخفيض الصوت , و قمت بأبلاغ الشرطة عدة مرات و يقومون مشكورين بازالة السماعة و عمل محضر لة و لكن بعد ذلك بكام يوم يقوم بوضعها مرة اخرى و كأن شىء لم يكن ,مش عارف اتعامل معاة ازى دة ,مافيش اى احترام للجيرة او اى زوق , اكون شاكر اذا كان فى بعض المقترحات للحل .

**1.8Tee** · 04-08-2008 06:25 PM

و ريح دماغك.

**wild_man** · 04-08-2008 06:28 PM

بندقية رش من البلكونة و سن نملة الدبانة أسفل منتصف الهدف (السماعة) و ............. اضررررررررب........

ض ر ب

بعدين انزل صبح عليه...

يا راجل دنا لو منك كنت اتسليت عليه كل يوم

**sherif_m72** · 04-08-2008 07:43 PM

مفيش غير حل واحد وسورى بئه متقوليش انا مش بتاع كده
ما يؤخذ بالقوه لا يسترد ألا بالقوه
يعنى انت تنزل ومعاك كام واحد من العماره المتضررين وتمسكوه وتكسروله السماعه بالكاسيت وان لزم الامر يبقى المحل كمان
وقتها هيعرف ان الله حق وهيقول ياريت اللى جرى ماكان
وشد حيلك واجمد كده
فيه ناس كتير مبتجيش الا بالعافيه وقلة الادب وانا متأكد انه من النوع ده

**MoToRiZeR** · 04-08-2008 08:15 PM

بلغ الشرطة تاني و وضحلهم انه بيرجع السماعات تاني و يا سلام لو تخليهم يمضوه علي تعهد

SS · 05-08-2008 01:41 AM

بتوع البيئة على حسب ما سمعت من ناس بيقفلو الورش و المحلات اللى بتسبب قلق فى المناطق السكنية و فعالين اكتر من القسم...عن تجربة دكتور معرفة بس كانت ورشة مش محل شرايط....و بعدين هل المحل ده ليه ترخيص ...و هل لو فيه هل الترخيص ده لبيع شرايط و لا نشاط تانى...ان و اثق لو دعبست وراه هتلاقى عنده اكيد حاجة غلط.

**mohamed2002** · 05-08-2008 01:56 AM

المشاركة الأصلية كتبت بواسطة sherif_m72

مفيش غير حل واحد وسورى بئه متقوليش انا مش بتاع كده
ما يؤخذ بالقوه لا يسترد ألا بالقوه
يعنى انت تنزل ومعاك كام واحد من العماره المتضررين وتمسكوه وتكسروله السماعه بالكاسيت وان لزم الامر يبقى المحل كمان
وقتها هيعرف ان الله حق وهيقول ياريت اللى جرى ماكان
وشد حيلك واجمد كده
فيه ناس كتير مبتجيش الا بالعافيه وقلة الادب وانا متأكد انه من النوع ده

دة حل ,محاضر كل شوية ,بتوع البيئة ,يعني شغل مخك وحتلاقي كذا طريقة

**wawoo** · 05-08-2008 10:54 AM

المشاركة الأصلية كتبت بواسطة ss

بتوع البيئة على حسب ما سمعت من ناس بيقفلو الورش و المحلات اللى بتسبب قلق فى المناطق السكنية و فعالين اكتر من القسم.

شكرا يا شباب على المشاركة . مش عارف اشكركم ازى

بتوع البيئة دول الاقى نمرهم فين , و هل عندم ضبطية قضائية مثلا ولا اية , ياريت اذا كان حد تعامل معاهم يقلى على تجربتة
.

**mohamed2002** · 05-08-2008 11:54 AM

المشاركة الأصلية كتبت بواسطة wawoo

شكرا يا شباب على المشاركة . مش عارف اشكركم ازى

بتوع البيئة دول الاقى نمرهم فين , و هل عندم ضبطية قضائية مثلا ولا اية , ياريت اذا كان حد تعامل معاهم يقلى على تجربتة
.

دة موقع وزارة البيئة ,قدم شكوي من خلالة
http://www.eeaa.gov.eg

**sniper2010** · 06-08-2008 12:01 PM

المشاركة الأصلية كتبت بواسطة MoToRiZeR

بلغ الشرطة تاني و وضحلهم انه بيرجع السماعات تاني و يا سلام لو تخليهم يمضوه علي تعهد

أوافق تماما _ _ _ و ما تزهقش خليك وراه و اللي يزهق الأول يمشي و ياريت لو كل مرة اتنين يبلغوا مش شرط إنت تبقى كل مرة _ _ _ ويا ريت كمان لو تعلى بمستوى البلاغ يعني تبدأ ب 122 و بعدين تروح لجهة أعلى و بعدين مديرية الأمن و لو عاوز توصلها للمحافظ عادي جدا لغاية ما يحس على دمه و يمشي من الحته خالص