!!!!!!!!!!!!!!!!!!!!!!!!!!!!
عرض للطباعة
ومن الاخر كدا انا اتخنأت منكوا واتخنأت من كل واحد في البلد دي شايفها سودا ومابيشتغلش ومابيعملش اي حاجة غير انة يشوف زبالتها ويحطها قدام العالم وينشر غسيلها الوسخ ويقولك حريو رأي. لو الاعلام الزفت ولا الناس اكميلة اتكلمت بس في المشاريع اللي شركتي بس شغالة فيه والعقود اللي عاملينها وهتحتاج 5 سنين ان شاء الله للتنفيذ هيعرف ان الخير جاي ان شاء الله سواء بكائبتكوا وهي معانا او من غيرها هنشتغل ونكبر البلد دي اوي كمان. تفائلو خيرا تجدوة.
واللي مش عاجبة الكلام يقعد جنب الحيطو ويصوت ويولول كالعادة
يااخى احنا هنضجك على نفسنا مصر فيها حاجة موش مضبطة وكل الناس عارفة وحضرتك موضوع السياحة اللى حضرتك بتتكلم عليه ده حرام نجيب السياح وبعدين متعرفش توفر لهم حماية كافية او تعرضهم للموت وانا اللى بقوله حصل لى شخصيا وتاثرت بموضوع الشرطة وعدم اهتمامهم بالجرائم اللى بتحصل ومن الاخر لغاية لحظتتنا الحالية اغلب رجال الشرطة كارهين الاخوان وكارهين حكم الرئيس مرسي
بقولك اية يا محمد يا يوسف كرهك في الاخوان مش هيكرهني في البلد دي ولا هيخليني ابطل شغل او اكبرها. وان شاء الله هنكبر البلد دي بشغلنا وعرقنا. وكل مشاركاتك في المنتدي هنا مش هتحبط الا اللي زيك بس. نهاية الكلام البلد فيها مشاريع ضخمة بتتعمل وشركتي جزء منها واحنا بنشتغل فعلا بيكوا او من غيركوا وكلها كام سنة ويبان شغلنا لبلدنا ان شاء الله. عجبك الكلام مد ايدك واشتغل بهمة مش عاجبك ولا هتفرق -------
لقد تحول الحوار الى الشخصنة والتهكم وهو ما يخالف القاعدة رقم 12 من قواعد المنتدى
لذا تم حصولك على انذار مع ايقاف لمدة اسبوع
مشرف 6 ب
1.20 am
12/3/2012
انت كنت مصدق انك عايش في بلد الامن والامان فعلا. اة نسيت ان الاعلام كان بيزيغ مسلسلات وماتشات 24 ساعة ويوم ما يزيع مشكلة يزيع مشكلة مرات عم عبدة الي ضفرها اتكسر وهي بتظبطة!! ياراجل مااحنا عايشين فيها اهو وكل حاجة تمام والحمدلله في شوية مشاكل اة بس مافيش حاجة بتيجي بالساهل. وانا كان عندي 100 فرصة اني اسافر برة واعيش مع اهلي وانا رافض تماما وانا متأكد ان عمري ما هندم علي كدا بأذن الله
انا مبدافعش عن حال البلد ال30 سنة اللى فاتت .... وهو الواحد خرج براها يدور على وظيفة عدلة تعيشه فى مستوى انسانى الا بسبب السنين اللى فاتت ...لكن انا بقصد وضع حالى اصبح اسوء لانه زيادة على تراكم 30 سنة جهل وفقر وظلم زاد عليه عدم استقرار وصراع على السلطة وكراهية عامة يبقى اكييد الوضع باى صورة متحسنش لا اصبح اسؤ
من مجال عملي في المشاريع الكبيرة وفي الاستثمارات الاجنبية ومشروع قناة السويس. اقولك الكلام اللي عمر الاعلام ما هيقولهولك ان الايام اللي جاية فيها خير كتير ان شاء الله بالمناسبة احنا اكبر شركة partner sap في الشرق الاوسط cic . وخبر حصري ليك احنا لسة موقعين عقود مع اكبر شركتين روس من ال 10 اللي مضوا اتفاقيات في مصر في مجال البترول وصناعة الكاوتش. وفي غيرها كتير ولسة المصانع الايطالية والتركية ان شاء الله. وكلها كام سنة والايام هتثبت وافتكر الكلمتين دول كويس جدا يا خويا
WWW.CIC.AE
احب الاول احيى جدا الاخmahmoudselim لانه راجل حامى وغيور على بلده و لانى انا نفسى بفكر بنفس الطريقه ودايما بحاول اتفائل لانى معنديش حل تانى واكتر حاجه بتضايقنى انى افضل اولول واعيط جنب الحيط من غير ماشوف حل او اكون ايجابى زى حال معارضتنا كده (مش هدخل فى السياسه)
ولكن اطلب منه الرفق ببعض الاخوه الاعضاء اللى ممكن من كتر حبهم وغيرتهم على البلد شايفين دايما الصوره قاتمه
الجزئيه الاخرى واستكمالا لكلامك فأنا اعمل فى مجال الشحن الجوى فى لندن واقسم بالله العظيم وهذا يمين احاسب عليه ان حجم الصادرات والواردات على الطائرات من والى القاهره ارقام قياسيه ولم تحدث فى التاريخ احب اعرفكم بس كده بالارقام ان صادرات مصر الجويه الى UK فى المتوسط الشهرى حوالى 1000 طن (معظمها خضروات وفاكهه) وصادرات UKالجويه الى مصر حوالى 500 طن شهريا (قطع غيار ومسنوجات ) وبفضل الله نستحوذ على 90% من الماركت شير
ثالثا احب اجاوب على الاخ صاحب الموضوع
انا فى نفس موقفك تقريبا ولكن انا كنت اجازه من حوالى شهرين وعايز اقول كنت خايف جدا من الاحداث الا انى وجدت ان الاعلام وابواق الخراب فى وادى والشارع فى وادى اخر ولا انكر وجود بعض القلق وضرورة اخذ الحيطه ولكنى على مدار اسبوع لم اشعر بأى شئ وكنت معظم الوقت فى القاهره الجديده
ربنا يكرم بلدنا ويزيح عنا الغمه
على فكره انا مش اخوان ولا انتمى لاى فصيل سياسى وانتخبت شفيق ولكنى ادعو لمرسى بالتوفيق
بص يا أستاذ محمود (مش حاقول لك يامحمود ياسليم)... أنا مش حارد على تجاوزك فى حقى وتطاولك عليا لأنى أفوض أمرى الى الله وهو سبحانه من سيرد عنى ظلمك لى وكذلك احتراما لادارة المنتدى التى تدخلت طبقا للقوانين..
أنا بس كنت عايز أستحلفك بالله تجيب لى كلمة واحدة فى ردودى فى هذا الموضوع بتجيب سيرة الاخوان بخير أو بشر ... وبرضه ياريت تجيب لى كلمة من تعليقاتى هنا اتكلمت فيها عن ان مصر فيها شغل أو مافيهاش ... صاحب الموضوع خايف من الانفلات الأمنى والتدهور الأخلاقى و معظم الناس فى مصر شايفاه وعايشاه من أبسط مستوى الى أعلى مستوى... كون ان حضرتك ما مرتش بيه الحمدلله لغاية الأن وربنا مايوريك أى شر مش معناه انه مش موجود ... ليه حضرتك قلبت الكلام عن الاخوان والشغل فى البلد وتطاولت عليا بشكل شخصى؟ صاحب الموضوع نازل أجازة مش نازل يدور على شغل
أنا بقالى أكتر من شهرين ماباكتبش كلمة فى السياسة ولا باعلق فى أحوال الشارع تجنبا لهذا النوع من الردود اللى حضرتك كتبته بدون داعى
وعلى فكرة أنا مهندس كبير فى شركة كبيرة فى البلد برضه وبنشتغل الحمدلله لكن برضه بنعانى بشدة من الوضوع الأمنى والأخلاقى فى البلد.
تعالى أجازه عادى بس تجنب السير فى أوقات متأخرة و ابعد عن وسط البلد و ما تأجرش عربيه. فى ٩٠ مليون غير حضرتك عايشين فيها لا تقلق يعنى و بيروحوا شغلهم و ليخرجوا و أولادهم بتروح مدارس عادى الإعلام بس بيهول الموضوع و عامه حضرتك ممكن تيجى قبلهم بكام يوم و تشوف بنفسك و لما تطمن خليهم يحصلوك علشان تبقى مرتاح نفسيا